|
|
ااااااااااااااااااااااخ تعبت
تعبت
نعبت
مشاكل خالتي ما تخلص
ما تخلص
ان رحت لهم وا حيلاه
وان مارحت وا حيلاه
خلاص ماني قاردة اتحمل كتبت معاناتي مع حمولتي وايد ةالعضوات احفظوها يمكن واخره موضوع خالتي اللي قولتني شي ماقلته وطلعتني حجاية ودلوعة ماما وفارة مح ريلي على اهله
وحده من الاخوات نصحتني نصيحة اني ما احتك فيهم وانهم قد يكونون يتضايقون لما اروح لهم
هالاسبوع مارحت الا زوارة الجمعه السبت خليته يروح بروحه لهم
وتعال شوفو اللي سووووووووووووووه
امسكو ريلي وسمعهوه كلمتين بالعظم موراضي يقولي اياهم
وطلعو اهما يموتون فيني بس انا ما استاهل
وطلعت انا وسواسية واكره الناس وماحب احد حتى نفسي
انا ماهتم الا بطلعاتي مع ريلي وما أوجب أهله
ياربي والله تعبت
اليوم من الحرة فرشت سيادتيي ودعيييييييييييييييييت من قلب ان الله يهديلي ريلي ومايغيرونه علي
تعبت شالحل معاهم ماخليت شي ماسويته
تقربت لهم طلعوني راعية حجي واتقرب لهم عشان اخذ العلوم
وخرت انا عدوانية وماحب الناس
واجهت طلعو متربين وماعندهم هالسوالف
صرت رسمية قالو شايفة روحها دلوعة ماما
اللهم اجرني في مصيبتي واخلفلي خيرا منها
واكيد اهوا عارف اهله
بس هم وجبيهم مو علشانهم لا علشان ريلج حرام كل ما راح لهم اسممون بدنه بكلامهم
مايخالف حبيبتي صبري اول الشهور جذي وبعدين مع الوقت راح تتعلمين تطنشين وماراح يؤثر فيج كلامهم
وماراح يضايقج
طنش تعش تنتعش
انا لما كنت اروح احس اني ثقيلة عليهم لدرجة ان محد يقعد معاي خالتي تروح تنام وحمواتي كل وحده ماسكة اللاب توب
مادري شالحل معاهم
ولا تحيرين ريلج بينج وبينهم مهما يكون اهلا
ميخالف وجبيهم علشان ريلج
وهذيل اهل الريل شتسوين
اهم شي الزوج اذا تفهم ماعليج من الباقي
بس انا حطيت الموضوع فيض من غيض
ومن القهر لاني ماحب اتكلم فيهم عند اهلي
و آذآ قطعتــي هم مـآتفتكيــن .. آهــم شـي ريــلج ..
آكيــد مسكيــن بيستـآنس آذآ شـآفـج تزوريـــن آهلــه ..
روحـي عشــآنــه .. يمكـن هـآلسـآعتيـن آللـي بتقعدينهـــآآ عندهــم ثقيلــه عليـهم ..
بـس بتكبــرج بعيــن زوجـج 
مـوفقـــه *_*
صدقيني إنتي اللي بتتعبين وبتزيد الجفوة بينج وبين زوجج بسبب أهله
نصيحة أخت سوي الواجب ورددي "اللهم اكفنيهم بما شئت وكيفما شئت"
مو لازم تزورين كل أسبوع
الزوج بعادته ما يحب الحنانه سواء كانت زوجة أو أم أو أخت
فخليج بعيده عن المشاكل
واضح انج في بيت مستقل
هذي نعمه من رب العالمين
احمدي الله تعالى واهتمي في بيتج و زوجج والتزاماتج
إلى متى واحنا نضيع حياتنا بسوء التدبير والتصرف؟
تذكري أن "العاقبة للمتقين"
وكوني على ثقة بأنه ابتلاء من رب العالمين
تصدقي بنية دفع شرهم عنج
وبنية هداية شريك حياتج
قولي يارب
وأكرر : لاتضيعين أحلا أيام عمرج بتفاهات غيرة أهل الزوج !!
الناس تعيش حياتها وانتي تفكرين ليش يقولون عني جذي ؟
صيري وسط لا لينه يعصرونها ولا قاسية يكسرونها
والأعظم تأثير إدعي عدم الفهم في أغلب الأشياء وانج ماسمعتي
يعني مثل ماقالوا الأخوات طنش تعش تنتعش
هذي وصفة فتاكه مع أهل الزوج من فئة المشاكل
ورأس الحلول الدعاء
أسأل الله لكِ السعادة في زواجكِ وتفريج الهموم
والله المستعان