أبوج قطع عنج المصروف بعــــــــــــــــد الزواج؟؟؟

شلوووووووووووووونكم بنات عساكم طيبين

اليوم بنتكلم عن المصروف إلي من الوالد الله يحفظه ويخليه .. مو شرط الوحده تكون محتاجه عشان أبوها يعطيها بس يعطيهااااااااااااا لأنها بنتـــــــــــــــ

ــــــــــــه حتى لو مبلغ بسيط

بعد الزواج قطع عنك الوالد المصروف ولامازل يعطيج؟؟

زوجج يدري …..….. يسألج عنــــــــــه؟؟؟ ياخذ منـــــــــــــه؟؟؟

المصروف هذا نافعج شتسوين فيـــــــــــــه؟؟؟؟

ولو محتـــــــــــــــــــاجه مبلغ تروحين للوالد تاخذين منـــــــــــــــــه؟؟؟

أنا عن نفسي الحمدلله …. ماقطع عني المصروف ولو تأخر عني أروح أقوله المصروف وووووين … مثلي مثل أخواني الباقي

مو عشان متزوجه خلااااااااااااص

زوجي يدري بس أبد مايسألنــــــــــــــــــــــي عنه ولا له شغل …. ويمكن بعد نسى هههههههههههه

بس لو إحتجت مبلغ اممممممممممممممم أعتقد أستحي أقول لأبوي مع إن علاقتنا حلووووووووووووووووووه

يسلم راسه بعد كافي ربنا وتعب افتكر الدور والباجي على الحين انا اعطيه مو اهو يعطيني

والحمدالله اشتغل و ريلي ما يقصر وما يخليني اخذ من ابوي

و احس لما اخذ من ابوي مثلااا جني قاعد اطيح من قيمة ريلي يعني جني قاعده اقول حق ابوي ان المصروفي الي اخذه من ريلي ما يكفيني

من جذي ما احب اجرح شعور ريلي نهائيي

كافي وجوده يسوا الدنيا وما فيهااااااا بعد عمري يا يبا الله يعطيك العافيه وطول العمر إن شاء لله

شي طبيعي يقطع عني المصروف لان الحين في ريال مسؤل عني وانا ما اقبل اني اعيش عاله على ابوي بعد الزواج لان مثل ما قلت لج الريل هو الملزم بالانفاق عن زوجته ولو كان ابوها ملياردير

وبعدين احنا اهلنا علمونا ان الوحده بعد الزواج تعيش على قد ريلها مع ان الخير وايد ما شاء الله بس هذا مبدأ لان الريال اذا اعتمد ان في احد غيره يصرف على مرته راح يتكل

والاهم ان ريلي ما يرضا احد يصرف علي غيره ولو كان ابوي
ولو تردين للمنطق تلاقين ان الحكومه تعطي ابوج نفقه لج طول الفتره الي انتي عايشه فيها عنده وبعد ما تتزوجين تنقطع وتصير على معاش ريلج وهو بند تفقة الزوجيه ( قانونا هم مايصير الوالد يصرف على بنته وهي متزوجه

وان كان الابو حاب ان يعطي بنته من باب المساعده او ايا كان ظروف بنته فهذي تعتبر هديه

لكن انا عن نفسي ما اقبلها لان احس ان الناس بتقول ريلها شمهنته ما يصرف عليها ويخليها تعتاز لاهلها ( لان الناس مالهم الا الظاهر )
وفي مثل انا مؤمنه فيه وايد

يقول ( شفيك مغليها قال دافع دم قلبه فيها ) يعني الريال كل ما عطا مرته زاد احساسه تجاهها بالمسؤليه

واذا كان هذا المصروف من باب زيادة الخير خيرين اعتقد ان الوحده حلوه تقول لابوها لا والله فلان ( ريلها ) مو مقصير علي بشي حتى لو ماكان فعلا مو مقصر بس حلو ان اهلج ياخذون فكره طيبه عن ريلج وهم هالشي يطبرج بعين ريلج

ادري قرقت وايد بس هذي قناعتي

احس الريال ما يصير ريال اذا مرته يصرفون عليها اهلها واذا كانت المرا تاخذ هالفلوس من باب الزياده احس ان هالشي ماله اي مبرر

وعليج بالعافيه حياتي والله يهنيج بابوج

لاوالله حبيبي الله لايحرمني منه للحين يعطيني والله كل ما اكون محتاجه يعطيني مع ان مااقوله بس سبحان الله قلب الوالد يحس
وريلي اكيد ما اقوله ماله داعي

انا واول مرة اسمع عن وحدة تاخذ من ابوها مصروف وهي متزوجة !!! ليش على شنو متزوجة!!كشخة بس!!هو المفروض اللي يصرف علي!!انا متزوجة ومو متوظفة طالبة يعني. ورجالي غانيني اني اروح ادور مصروف ابوي!! وحتى لو احتجت ادري ابوي ما راح يقصر بس انا ما راح ارضى!! ولا رجالي بيرضاها لي ولنفسة,,,هاذا راي اتمنى تقبلينة ,,, ويسلمووووووووووو حبابة

ياحلوات أقرو الموضوع زين …. أنا أقوووول مو شرط محتاجه ومحد قال عيشي عاله بس لأنك بنته

يمكن إلي يشتغلون صحيح صعبه … بس أنا ما أقد عشانك محتاجه

عشان إن هالشي من الوااااااااااااااااالد ….

اول شي ابوي متوفي من كنت بالثانويه

بس شكو الابو يعطي البنت بعد الزواج

انا امي ماتعطيني بالعكس انا اللي موظفه وانا اعطيها

كافي ماقصرت علي بشي وانا عند اهلي

وبعدين اذا احتجت ريلي موجود اهو يعطيني

معاج 100%

و يارب تخلي ابهاتنا و امهاتنا و اطول بعمرهم و يرزقهم الصحه و العافيه

اللهم آمييييييييين

لا خلاص انا اللحين مسؤوله من ريال ,,, و عندي معاش

الله يطول بعمر ابوي حبيبي ويخليه لنا ويبرد على قلييبه ويجعله من الصابرين …

اصلا لو بيعطيني ما ارضى
انتي قاعده تقولين حتى لو مو محتاجه وهاذي المشكله …

مو محتاجه واخذ منه !!!
حبيبي ما يقصر اكيييد
يقصر على عمره ويعطيني بس اككيييييد مااح ارضى لا انا ولا ريلي …

اما اذا احتجنا وظروفنا صعبه
اهني بالعكس لازم يعطيني

الحين بدال لا اعطيييه اخذ منه!!

وخزيااه متزوجه واخذ مصروف من ابوي

لا والله … الله يعطيه الصحه و العافيه كفى و وففى

الحين انا مسؤوله من ريلي

وريلي اهو اللي يعطيني المصروف مو ابوي

يعني حتى بالقانون يقطعون ال50 لما تتزوج البنت

وبالشرع زوجي اهو صار ولي امري

والله يطول عمره ويخليه لنا ذخر

صح لسانك

انا توظفت قبل الزواج وطبيعي انقطع عني المصروف من ابوي

بس اتذكر لما سويت حادث صلح لي سيارتي على حسابه مع انها كان تصليحها بمبلغ كبير

ولما كنا نسافر ما كان ياخذ مني ولا فلس ويحجز لي على حسابه حالي حال خواتي

ولما تزوجت ما اخذ منه ,, ولا افكر اخذ منه ,, وبين فتره والثانيه اييب له هديه حلوه

الله يخليه ويحفظه ويطول لي بعمره يارب ,,

اكيد ماراح اخذ من ابووى انا موظفه ومعاشى زين والحمدالله

وعلى ذمة ريل شكو اخذ من ابوووى