|
|
السلام عليكم ورحمة الله وبركاته
انا عضوة جديده
مدرسة جديدة ومتوهقه
وحبيت افتح هالموضوع عشان يفيدوني صاحبات الخبرات
انا ادرس الصف الثالث الابتدائي
وموجهتي تبي افكار وابداعات وابيكم تساعدوني
من التمهيد وكيفيه عرض المهارات والاغاني التشجعيه
يعني ابي الموجهه تنبهر في حصتي
وباجر عندي مهارة اللام الشمسيه والقمريه
وابي تمهيد او فكره اقدمها للطالبات
بإنتظااركم واتمنى عدم التطنيش
والله حبيبتي انا للاسف معلمة انجليزي ومقدر افيدج..
بس اهم شي تحضيرك يكون مرتب ومتسلسل ..واعتقد الوسائل التعليمية والبطاقات والصور تلفت انتباه الطالبه وبعد صوتج بالحصه مايكون على وتيره وحده ..وبالنسبه للوسائل التعليميه اكتبي بقوقل وسائل تعليمية للغه العربيه او طرق تدريس اللغه العربيه او شي اللي تبين تبحين عنه وبتلاقين اشيا واجد..وعسى ربي يوفقج ونصيحه وانا اختج اذا وجهلج احد انتقاد لاتضايقين بلعكس الواحد يستفيد من اخطائه..وهم بعد في موجهات ورئيسات ماعندهم سالفه احيانا اذا كنتي على حق وحاسه انج صح.. خلج واثقه من نفسج وعبري عن رايج بس بهدوء
وحظ موفق ان شاء الله
لا تنطلقين مرة وحدة وتسوين كل شي وعقبها ما يصير عندج افكار
المهم انا اسلامية والا كان ودي اساعدج
بس مثل ما قالت الاخت دشي قوقل راح تلقين كل اللي تبينه
ومثلا كتبي نشيدة اللام الشمسية او القمرية وووو يمكن في مدارس منزله مثل هالاناشيد
وربي يوفقج وان لقيت شي راح اساعدج
بس لا تتوهقين
انا بقولج شي بس لاتحسبينها طنازه
خخخخخخخ .. المهم قوليلهم قصه يعني مثلا :- احنا الصبح وقت اللي يكون فيه شمس نشد حيلنا
فمن كثر مانشد حيلنا لمه بنقول اللام نطوفها نكون مستعيلين ونبي نسوي وايد اشياء
بس بليل لمه يطلع القمر نكون منهلكين رايحين فيها من التعب
فلمه بنقول اللام ننطقها عذل تطلع واضحه لان نتكلم بالبطيء من كثر ما نعسانين وتعبانين
خخخخخخخخخخخخخ
هذي افكار وحذه كارهه الدراسه والتدريس
عاد موتقولين لهم ترا ماراح يفهمون شي
بس القصص وخاصه اذا ربطتي الموضوع بشي تساعد عالفهم اكثر من الصور
ماقول الا الله يوفقج ويعينج
جد جد الابله لازم يكون بالها طويل وطيوبه ولا بتروح فيها
موفقه حبيبتي ,,
عشاااان يطردني الاستااذ بررررررررره