|
|
السلام عليكم
بنات حد جرب فيكم ابر الحديد وهي حامل
لان بصراحه دمي ناقص 8 وانا فالشهر الخامس والدكتوره قالت لي لزم ابر حديد
وانا خاااااااايفه حدي
من فيكم جربها وهل تاثر على صحتي او صحة البيبي ؟؟
تكفووون اللي تعرف تقولي 
بالعكس اصلا وايد راح ترتاحين
واخذيهم ضروري عشان وقت الولادة ما يصي نزيف الله يبعده عنج
هلا والله اي شهر خذتوهم وكم كان دمكم وكم صااار ؟؟
ومشكورين عالرد
طبعا عايلتنا وراثة بفقر الدم و هالخرابيط
على ما اعتقد كنت بالشهر الثالث و نسبة دمي 3 بسسسسسسسسسسس
فعطوني 3 جياس دم و اخر الثامن عطوني ابر الحديد طبعا بالوريد نفس ما قالت بالدريب لمدة 10 ايام بس يوم وترك
وسلامتج
بس انا خايفه يقولون احتمال اتسبب حساسيه !!
الماسه حبيتي لاتخافين ماكو الاالعافيه اهم اول شي يسوون اختبار حساسيه واذا ماصارلج حساسيه يبلشون
|
المشاركة الأصلية كتبت بواسطة الماسة قطر
 بدوره 22 و baby^bop
هلا والله اي شهر خذتوهم وكم كان دمكم وكم صااار ؟؟ ومشكورين عالرد |
نسبة دمي كانت 2
اللي حتى الدكتوره كانت تقولي انتي شلون واقفه على ريولج ؟؟
واخذته بالشهر الخامس , بالعكس لا تخافين وااااااااااااايد راح ترتاحين ان شاء الله وهي ما تأثر على الياهل لان هو مو محتاج الحديد … خذاه منج …
وانتي مخزونج خلص … علشان جذي لازم يعبون لج الحديد
بس لاتحاتين الموضوع حده عادي ما يخرع
والله يسهل عليج
واناخذيتها 5ايام والحمدالله تعدل دمي بحملي الاول
وماشاء الله ولدت وجابت ولد زي القمر ومافيها الا العافيه
توكلي على الله وخذيهم
انا الحين بالشهر الثامن والدكتور وصفلي 10 إبر يوم وترك كل مرة إبرتين داخل الدرب بربع ساعة ويخلص وما فيج إلا العافية
وشيلي من راسج الوساوس هذي إبر حديد لأن نقص الحديد في الحامل يضر الأم أكثر شي لأنه يسبب نزيف مع الولادة