؟؟ هل التنازل مطلوب من الزوجه حتى تستمر الحياة الزوجيه؟؟

عزيزاتى ….
نعلم المشاكل اللي تحصل فى الحياة الزوجيه ومابين الزوج والزوجه
واحيانا تكون مسألة كبرياء وكرامه ويعند الطرفيين وينطر كل واحد إن الأخر

يتنازل أو يكون اللي يبدى بالصلح !!!!

وخاصة الرجال اللى دائما مايكونون أهم الطرف اللى مايتنازل بسهوله
حتى إن كانوا مخطئين ولايبادرون بالأعتذار ليس كلهم ولكن معظمهم
وينتظرون أن تكونين الباديه ,,,,

فهل أنتى ممن تتفادى زيادة المشاكل وتبتعد عن العناد وتتنازل أحيانا
فى سبيل أن لايتطور الموضوع ويزيد تعقيد الوضع حتى لو لم تكونى أنتى
المخطئه

وهل التنازل مطلوب لتسير سفينة الحياة الزوجيه ؟؟؟؟؟؟؟؟؟؟؟؟؟

صراحة انا أبدا ما ابدي بالصلح
لأني على يقين تام أني غير مخطئة
اما اذا حسيت أني مخطئة او ان الموضوع مايستاهل
ابدأ أتكلم طبيعي جن سي ماصار لما يطيح الحطب
ونادرا جدا جدا أني ابدي بحل المشكلة
عنيييييييدة

انا الصراحه لو شنو ما اعتذر مادري ايض ابسرعه ازعل وي زوجي يراضيني
لاني تعودت عاى اي شي ازعل
ولانه يسوي شي انا ما احبه او يضايقني من جذيه يعرف انه علطان ويعتذرلي

أكيد التنازل مطلوب

والله اللي تبي تكمل زواجها لازم تتنازل وتضحي عن شغلات واجد

واللي ماتبي كيفها تقعد فبيت اهلها احسن لها

الزواج مو لعب جهال الزواج مسؤوليه وصبر وتضحيه وتنازلات لي الراس

حسب الزوج بعض الازواج ما ينفع معاه تنازل

وبعض الازواج لا تتنازلين علشان ما يتعود

طبعآ مطلوب التنازل مو ضعف لا
بس لازم احافظ على بيتي لانه الريال مثل الياهل يرضى بسرعه
بعد هذي الدنيا مكتوبه التضحيات للمرا …
اما الريال طنش تعش تنتعش ولايهمه اصلا

تنازل بس بحدود الكرامة و مايكون في اهانة للطرفين و يكووون بالدرجة الاولى لمصلحة العلاقة الزوجية
يعني مو لمصلحة الزوج او مصلحة الزوجة فقط

التنازل مطلوب في الزواج عشان تمشي الحياة
لكن مو كل الحالات ولا كل الظروف والمواقف
احيانا تنازل الزوجة يعطي مجال للزوج انه يتمادى
الافضل ان الوحده تبتعد عن المشاكل قدر الامكان عشان تتجنب احراج الاعتذار

التنازل بالحياة الزوجية مطلوب مع شوية تضحية بس مو بكل الحالات ولازم يكون تنازل متبادل من الطرفين مو من طرف واحد بس ….

ايه مطلوب وايييد

التنازل بحدود يعني اتنازل عن شغلات وايده بصراحه لان احس مالها داعي اوقف عندها و في شغلات لا تسوا الواحد يوقف عندها و يحللها تفاديا لمشاكل اخرى

زمااااااااااان يوم كنت اتنازل طلع براسي وصرت ممسحه ويوم صحيت وبطلت اتنازل صار يعملي الف حساب ويحترمني ادري غلط بس هادا حال الدنيا

موضوع هادف أشكرج عليه للفايده
التنزل لا بد منه
أتنازل وايد وأضحي وايد وأطوف وايد
والتنازل مو شرط يدل ع الضعف
القوه في مدي سيطرتج علي أمورج بعدين مو حرب الحياه الزوجيه
انا اعتذر اهو يبدي ماتفرق