××موضوعي عن حنة العروس××

هلا والله حبايبي وخواتي بنات منتدى كويتيات .. طبعا انا اختكم من البحرين .. وحبيت اعرض لكم شي جزء مايتجزأ من زواجنا والعروس تستعد وتحجز وتخطط حق الحنة .. نقش العروس وطبعا الحنايات كل وحده تقول الزوود عندي ..

بس انا خالتي عندكم متزوجة وزوجة ولدها زارتنا يوم انا انخطب وكنت بيومها اتحنى استغربت وطقتها البوهه وقالت لي العروس لازم تتحنى عندكم .. قلت لها اي سواء ملجه او حفلة خطوبة او حفلة زوااااج لازم .. والعروس الي ماتتحنى ينقدون الناس عليها ويطلعون سوالف مالها اول من تالي ..

بعدين هي ردت وقالت ان هي ماقط مرة دشت عرس في كويت العروس متحنية يعني شي مو ضروري ومن الحالات النادرة الي العروس تتحنى .. وحتى بنات خالتي اذا بيتحنون يحطون قصعه مالت اول .. واذا جاوو لنا هني نوديهم حق حنة ..

الحين انا باراويكم صور من الحنة الي الحنايات يتفنون في رسمه وطبعا اسعاره تتراوح من 30 الى 50 دينار يرسمون لج على الكفين والرجلين وفي باطن الرجلين بعد ..