|
|
قوه بنات
شلونكم
ابي مساعدتكم
ابي واحد شاااطر يسويلي الكوشه و الدخله و الطاولات و الورد مع بعض
مثل ودينق بلانر
انا سمعت يسون 4000 دك
امبيه وايد يعني انا بقط على العرس 9 الاف مو وين ايب 4 حق اشياء بسيطه
لا تقولولي سويه بروحج لانه ما اعرف
و ابس شي لما يدشون القاعه يقولون صج وااااو 
ساعدوني
ابي بحدود ال2000 يسويلي هل اشياء
يعني روحي وشوفي شغلهم اذا عجبج العبي بالالوان وغيري بالاضاءات وبـــس
في احســــن طبعا بس مستحيل تحصلين بـ2000 عرس كامل خصوصا مصممين معروفين ..
اعرف مصممه صج راح تقولين وااااو ع شغلها لانها ذوووق ..
اذا تبين رقمها ارسله لج خاص..وعلى حسب الصاله والشغل الي تبينه هي راح تقولج السعر..
موفقـــهـ,,
مشكووره حبيبتي و ما تقصرين
انا رفيحتي سوته كله ب 500
بس كللللللللللش كان مووووووو شي
ف مابي يصير فيني هل مقلب على بو مو غالي
عشان جذي ابي تجاربكم
يمكن يسويلج بسعر رخيص
لان اهوا محل ورد ويسوي اوقات كوش
خليه اهوا يسوي الكوشه مثلا وبوكيهات الورد
المدخل سويه انتي اشتري فازات من الاسواق الشعبيه او من ايكيا وحطي فيهم كاكاو و بيض الصعو و حلاو بولو وعلوج
هذا سهل انتي تسوينه وهم توفرين من الميزانيه
اذا من بره عندج دري هم ممكن تشترين فازات وصخر من ايكيا وشموع
الكاكاو شوفي اوبرا سإليهم عن السبيشال يكون شوي اغلى من العادي بس يكون فناتق
او عندج رور الي في اولمبيا بس اغلى من اوبرا
حق القعدات الي جدام اشتري كاكاو صغار و مكسرات عندج كاستينيا الي بالافينيو عنده فناتق
بعرس اختي كنا ماخذين منه
عنده سبال مغلف زعتر وفي كاكاو صغار نفس بن مغلف كاكاو كان حلو روحي شوفيهم
هذا الي في بالي حاليا
شوفي هالصور حق افكار ممكن تسوينها بروحج
ولاي استفسااااار عالواتس اب 99801443
https://www.q8yat.com/t931248.html
انا قبل ما اروح له خوفوني وقالوا غالي
بس لما رحت له وشرحت له اللي ابيه سألني عن ميزانيتي
قلت له الف مع ان ميزانيتي اكثر
فعطاني جم فكرة ووصلناها ل ١٧٠٠
بس عقب انا زدت شغلات وطاولات يعني دبلت العدد طلبت الدبل
فصار التوتال ٢٧٠٠
بس والله محد صدقني ان هذي التكلفة
الكل قال اقل شي ٥ او ٦ الاف
استخيري وروحي له
وعلى فكرة احنا كان تصميم جديد وافكار صعبة
يعني مشتغل معانا على قياسات القاعة
بس اذا بتاخذين من عنده شغل قديم راح ينزل لج بالسعر
ان هالسعر مو شغل الكوشة بس
سوالي الطاولات يعني ما استخدمنا طاولات الفندق
وخذينا كراسي نابليون وسنتربيس واضاءة ليزر ومدخل وتزيين حمامات بفازات وورد طبيعي
وبست وغيره وغيره
هذا غير ان الفندق شرط عليه شروط للطاولات والكراسي
ان يحط تحتها نفس الربل
لان الارضية خشب باركية فخافوا يخرب عليهم الارضية
وماشالله عليه نفذ لهم طلبهم وشغله مضبوووط
جيكي عليهم جنه كانت ب٩٠٠ تقريبا