|
|
طبعا مافي ام بالدنيا ما تتمنى ان اعيالها يكونون متفوقين ومتميزين بدراستهم
وممكن في مجموووووعه كبييييييييره من الامهات يبدون في تعليم اعيالهم من قبل الروضه او في مرحلة الروضه
لان الطفل في هذه المرحله يتعلم بطريقه اسرع وافضل
وفكرت ان يكون للامهات المتميزات تجمع وللامهات اللي يفكرون اشلوووووووون يخلون اعيالهم متفوقين بدراستهم
ويكون هذا التجمع بمثاااابة تبادل خبرات كل ام تسعى ان اعيالها يكونون متفوقين بالدراسه من كللللللللل النواحي
ونستفيد من تجارب بعضنا البعض
يعني
اولا نظاااااااامج اشلون في البيت بالتعامل مع اعيالج ؟؟؟؟
ثانيا جربتي ان يدخلون حضاااااانه علشان يتعلمون ويستفيدوووون ؟؟؟
ثالثا نظام الاكل في البيت مثلا اكل مفيد او غير صحي مثل الفاست فود وممكن انج اتحاولين اتغيرينه لان يأثر على الطفل ويضره ماينفعه ؟؟؟
رابعا طريقة نووووم الطفل في البيت في ايام الدراسه ؟؟ تحرصين ان يكون نومه مبكرا ومنظماااا وغيره من هالامور ؟؟؟
خامساا وجبه الفطور تحرصين ان طفلج ياكلها وشنو وجبة الفطور اللي اتفضلينا لطفلج ؟؟ وماهي وجبة السناااااك اللي اتفضلين ولدج ياكلها ؟؟؟
سادسا ماهي طريقتج في تعليم اطفالج لمبادئ التعليم مثل الاحرف العربيه والانجليزيه والارقام وغيره ؟؟
سابعا هل تحرصين الى ان ترتكز المعلومه اللي اعطيتيها لطفلج ؟؟ وكيف ؟؟
ثامنا هل تؤيدين او تبحثين على مواقه للانترنت للتعليم وماهي ؟؟؟
تاسعا هل جربتي ان يتعلم طفلك الكتااابه ومسك القلم في مرحلة مبكره اي قبل الروضه ؟؟؟
والكثييييييييييير من الاشياء اللي ممكن ان احنا نقوم فيها ليكونون اعيالنا متميزين ومتفوقين في المستقبل بأذن الله
يالله ياااااااامهات انتناااااقش يكووون هذا التجمع هو مكان الحوار البناءوالجيد لنا ولاطفالنا
ناااااااااااااطر نقااااااشكم وتفاعلكم بالموضووووع ياامهات
بقول شغلة إن التفوق ترا يعتمد على الأم من قبل لا ينولد الطفل !!
شلوووووووون ؟ أنا أقولك
في اخيار الزوج … يعني مع احترام لكل الأزوااااج … يعني مو خبل ولا موصاحي … تدرين الوراثه تلعب دور ..أكيـــــد
ثانيا أثناء الحمل لازم يكون أكلك مفيد … وخاصة الزعتر … اللوز … والجوز يعني المكسرات اللي للها دور في تكوين المخ
وخااااااصة أول 3 أشهر
هذي مشاركتي للموضوع … ولي عودة بإذن الله
وطبعا الورااااثه وتغذية الام الحامل لها دووووور كبير
لكن ايضا يعتمد على دوووور الام وتربيتها وطريقة تعليمها لاطفالها وحرصها عليهم يؤدي الى تفوقهم
يعني اعرف نااااااس مايكلووووووووون واهما حمل ولاتغذية سليمه ولا غيره واسم الله عيهم اعيالهم كلهم متفوقين وعباااااااااقره الله يخليهم لهم
وننطر مشاركتج
ولي عوده ان شاء الله للموضوع واشرح بالضبط النقاط اللي ذكرتيها
وموضوع بالفعل وايد مهم للأمهات
|
المشاركة الأصلية كتبت بواسطة sKyLiTeGirL
 خوش موضوع اختي الفنانه79
ولي عوده ان شاء الله للموضوع واشرح بالضبط النقاط اللي ذكرتيها وموضوع بالفعل وايد مهم للأمهات |
حياااااج الله حبيبتي وبتظااااار رايج
مليوم وحده ادخلت ولا وحده كلفت نفسها اترد 
وبما اني توني عيالي صغار بس عندي امل انهم يكونون من المتفوقين<<<<<آمين يارب العالمين
ولدي البجر الله يحفظه هالسنه راح يداوم حضانه ماقبل الروضه
وباذن الله راح اهيأه للتفوق بس ماعندي خبره ( ان شاالله اتعلم )
بس راح ارد على تساؤلاتج تقريبآ باللي اعرفه
شوفي اتعامل مع ولدي على انه ريال وشاااطر , اشجعه دايم ( انته دكتور , انته قوي , ومن هالكلام )
ونظام الأكل عندي يتريق بوقته ويتغدى بوقته والعصر اعطيه روب فواكه مع عصير , ومره شيبش وكاكاو <<<< ما اكثر منهم
ويتعشى مره جيكن ناقتس ومره معكرونيه ومرة كلوب ساندويتش
وآنا سامعه انه الحليب الصبح يعطي الياهل خمول واحساس بالنوم مادري اذا صج او لا
اذا صج راح احط مع الحليب قفشه صغيرة كاكاو يمده بالطاقه والنشاط بس راح اسأل دكتور قبل
وطبعآ النوووووووووم يلعب دور بحياة الطفل , يعني ناويه باذن الله ع الساعه 7 ولدي يكون نايم
حاليآ ينام 10 ومرات 11 خاصه اذا كنا طالعين وردينا متأخر
والأدوات التعليميه اشتريها من مركز سلطان بعمر ولدي وناويه اروح لمكتبة جرير يقولون عندهم ادوات تعليميه حلوة
وراح اكون ملازمه الموضوع واحط كل ماهو جديد
ويعطيج العافيه حبيبتي
وانتي دايما فنانة اختيارج المواضيع الي تهم كل أم تبحث عن التميز في جميع النواحي
أولا انا عندي ولد وبنتين ، الولد اسم لله عليه خلص أولى ابتدائي بروح ثانية انشاءلله طبعا كان متفوق والحمدلله ولو ان ماكان من الأوائل بس انشالله السنة الياية الله يعوضنا خير وبنتي العودة بالروضة توها والصغيرة عمرها سنة و8شهور
أول شي انا مقاطعة الوجبات السريعة والمشروبات الغازية وعلمت اعيالي انها ماتفيدهم الحين ودايما أقول حق ولدي لما تكبر ويطلع لك شوارب تقدر تشرب بيبسي عشان ما احسسه انه محروم منه
ثانيا لازم الطفل ينام في ما لايقل عن 8 ساعات ليلا علشان في فترة اليل ينمو جسمه يعني الأفضل انج تنومينهم الساعة 7ونص
التغذية بالنسبة لولدي عايش على صمون المطاحن وجبن او مربى او عسل ، لكن اعطيه ملعقة عسل طبيعي يوميا الصبح وعصير برتغال طبيعي واحاول اضغط عليه بالأكل شوي عشان ينمو صح
أما عن طريقة التدريس كنت ادرسه الظهر على طول بعد مايرجع من المدرسة ويغسل ويتغدى ، ولما يكتب الواجب أخليه اهو الي يقرا مو بس يحفظ الدرس وما اساعده بالكتابة يعني ما امسك القلم عنه او مثل بعض الأمهات تكتب عنه الواجب
طبعا نصيحتي حق كل أم تسعى ان يكون طفلها متفوق ما تعصب عليه اذا أخطأ ولا تضغط عليه عشان ما يكره الدراسة وتصير عنده عقده نفسية
لي رجعه للموضوع وتكملة الباقي انشاءلله
لي عوده
انا الصراحه شفت يهال الله يخليهم لاهاليهم الابله تقول كلمه يعطيها الجواب كانها مدرستها والثانيين يتلفتون وكان الحصه حضور وانصراف ما يتعبون روحهم بالمشاركه
لاتقولين اكل ودراسه من هم بالحضانه والا نظام معين
اسمه على بناتى ويحفظهم لى دائما من الاوائل ومن ربج
الذكاء ربي يخلقه للبشر بتفاوت بين شخص وشخص في ناس تعب عمرها على عيالها ولا تحصل نتيجه
همن ماقولج لاتدرسين بالعكس بس اللى حاصل معاى بناتى ذكيات من غير نظام ولا غيره
واسمحيلي عالاطاله
عاد انا طول عمري الاولى على المدرسة وكانو يسوون لي حفلات خاصة لامي وابوي يشكرونهم على الاهتمام فيني مايدرون انه بحياتي محد فيهم قال لي درسي والله العظيم فسبحان الله بس اكرر
الاهتمام الاهتمام الاهتمام يجيب نتيجة والحين لازم متابعة يوميا والا مايتفوق الطفل لان المواد زادت وكل يوم شي جديد خصوصا العربي والرياضيات
_يمكن يكون عنده مشاكل صحيه يمكن يكون عنده التهاب بالاذن لان التهاب بالاذن عند الاطفال يؤدي الى السرحان وإلى عدم إلاستجابته عند التحدث اليه او النداء عليه
_او يمكن حاله نفسيه
_ يمكن عنده توحد من اعرض التوحد السرحان لوقت طويل