MY CAT You changed my life

بسم الله الرحمن الرحيم

السلام عليكم ورحمة الله وبركاته

طبعا انا من زمان عندي (CAT) حبيت حياتي مع ماي كات .. تغيرت شغلات فيني

.. صارت في حركه ابغرفتي .. وبتفكيري ( من ناحية أكله وتنظيفه ولعبه … إلخ )

يمكن تفهم موضوعي اللي عندها قطوه .. ملى فراغ فيني واستحوذ على الإهتمام ..

ساعات يكون عندج شعور ودج تهتمين بشي(غير البشريه)

في ناس عندهم هالحيوان الأليف لكن يحوس ما يقربونه منهم او مو حاسين فيه..

من التغيرات :

– الصبر ( على التدريب وفي حالة المرض ….إلخ )

– خفت حدة العصبيه

– الاهتمام بأشياء مهمه ما اهتميت فيها قبل . (ليش مادري هالتغير)

تغيرات كثيره بس ما اعرف اشلو اكتبها …

لما اشوف ماي كات … أشوفه بكل حزه وبأي حاله اكون فيها :

فرح – حزن – ضيقه – ضحكه ……

أهم شي be there 4 me

أتمنى اعرف التغيرات اللي صارت معاكم بعد ما صار عندكم قطاوه

يعطيج العافيه واكيد القطط تونس بالبيت وتغير الحياة
بس انا توني ماعندي قطوه لالحين بس عن قريب بيكون عندي وبقولج عن التغيرات
ويسعدني اكون اول من رد عليج

إي حتى أنا بيكون عندي عن قريب

تسلمين قلبي عالموضوع
وانا عندي قطوتين اموووت فيهم
قبل ما كان عندي كنت ادور الشي اللي يونسني
والحين اول شي جا بوسي كنت ماخذته من وحده من العضوات الله يخليها
المهم
صرت اعتني فيه حييييل ويمكن اكثر من نفسي و من اخواني الصغار وحسيته مثل ولدي
يسمع كلامي و اذا بجيت او اي احد مننا بجا لا يمكن يتركنا مندون ما يراضينا لازم هذا عنده شي مهم ما يخلي احد يبجي ( الله يخليه لي يارب )
ومهتمه باكله وبنضافته وحتى انه يسوي جو بالبيت
اول ما اخذته كان عمره شهرين و كم يوم والحين ما شاء الله عمره 8 شهور
وواجد اشياء تغيرت بالبيت تحسين ما ودج تطلعين من البيت عشانه
__________________
وبعدين جابلي اخوي قطو ثاني عمره الحين شهر ونص (من الشارع )
اسمه بسبس
اول بوسي كان ضايق خلقه شوي ولما جبنا الصغير كان يخاف شوي وشوي شوي صارو يحبون بعض والحين بوسي لما يقعد من نومه الصبح يدور بسبس و اذا لقاه يروحون يشمشمون بعض وبعدين يا ياكلون يا يلعبون
_______________________________
والحين ما اقدر اتخيل حياتي بدونهم
احبهم حييييييييييييل
ما تقدروون تتصورون حياتكم بدون قطاوه
مرات اتخيل ان ما عندي قطاوه هههههههههه احس نفسي حيل متضايقه الحمدلله عندي هالحلوين الله يخليهم لي

هلوووو حبيبتي انا عندي 4 كيتيات
من ناحيتي ممممم
اول شي صار ماعندي وقت فراغ
وتغير روتيني للأحسن
واحس بالمسؤليه
وقتي صار كله حلووو لانهم دايما حولييييييي ولاحقيني وين ماروح
ولان انا بعد فيني مشاعر فايضه لووووول الحين طلعت عواطفي فيهم حلاتهم فديتهم ^.^
مممم لما اطلع من البيت وااااي ارجع بسرعه احس اني ولهانه علييييييييييهم
وخصوصا لما اتضايق ولا اعصب من اشوفهم تهدى اعصابي واطخ كلش لووول

موضووعج عجيب ووايد حلو تسلمين عمري
من ناحييتي كنت أمر بحالة فراغ كبيرة وهموم ومشاكل الله العالم فيها وسبحان الله من يبت قطوتي الاولى (أنجليكا) بديت احس بالاهتمام والمسئولية وعلى فكرة راحت الهموم وانشغلت شوي شوي فيها وابباجي قطاوتي اللي شريتهم عقب،، ولم اولدت اول مرة ماتتصورين الفرحة اللي حاشتني كنت مستانسة وودي اطيييير وحتى امي المسكينة كانت دايما تقعد ابروحها بالبيت ،،،تدرين احنا نطلع ساعات واهي كله بروحها ….تخيلي امي اللي كانت ترفض القطاوة صارت اتحبهم وايد وكل اتقولي خلي قطاوتج تحت عندي إونسوني ! يعني التغيير صار بكل واحد بالبيت …هذا غير اني لم اكون متضايقة اقضي وقتي معاهم صدقيني الهم يروووح …وايد شغلات تتغير وكافي الهدوء اللي طغى علي صرت وايد هادية ومومهتمة بالشغلات المزعجة والبايخة.
مشكورة مرة ثانية

آسفه على التأخير بالرد

لكن استانست حيل على الاهتمام والرد …

أشكركم ..وبنفس الوقت ودي اقول ..ان صح اغلب التغيرات اللي

صارت فيكم صارت فيني

الله لا يحرمكم من كل شي اتحبونه مو بس القطاوهك

بصراحه موضوع حلو وتسلم هاالانامل … صحيح القطوه تعلمج المسؤليه انا عندي قطوتي احاتيها بشكل موطبيعي اقوم من النوم
بس عشان اتاكد ان مافيها شي وكلت ..

اخيييه على حبيبي

انا صراحه كان فيني فراغ عاطفي .. و كنت ابي شي اهتم فيه

لاني استانس اذا هتميت بشخص ولا بشي .. و مابي اسوي شي غلط

عاااد صرت احبه و اموت فيه .. وماتخيل حياتي بدونه .. صرت لما يمرض مانام اقوم بليل اجيك عليه

وحتى لما مثلا يكون مو مريض و عادي .. تلقيني اجيك عليه بنص الليل لووول حبيبي ..

صرت وايد ادقق و اهتم بمثلا .. اكله شربه هل ياكل هل يشرب ..

يعني لو ما كلا تلقيني وايد ادقق على بطنه اشوف شعره اتفحصه

حياتي صارت مليانه .. و على كلام البنات لما يضيق خلقي اكلمه و اسولف وياه ..

وشطانته خلت طعم حق حياتي <- عوشني تسوي دعايه

و كلا اقولهم هذا ولدي الاول .. واذا بتزوج لازم واحد يرضى فيه ولا ماقدر اتزوج يالطقاق :/

i love all animals
but the best one
are dogs

as long as i can remember
we had dogs

they r fun loyal
and joyfull pets

my dog mimi
never move away from my parking
untill i come from work

it could be 50 degress
and she still be waiting

and the happienes she shows
jumping parking
could never be facked
and pricless

i could spend hours outside playing and walking
and never regret a moment

a true friend

بصراحه موضوع جميل

انا لمن شريت قطوتي كانت مجرد فكره بس الحين
ولله ما ادري شقولج

فيه ميت شي وشي تغير توقيعي كنت اجي من المدرسه اكل وانام

الحين صرت ما انام واخواني توقعو كانو اكثر شي يكرهون القطط بس الحين اذا قلت لهم ما ابي قطوه

يقولون ليش وهاااا مو قطوتج هع عع قامو يطلعون حجج خخخ

بس بصراحه ما عاد شي على طبيعته

واخيرا قلبوو لا تحرمينا من هالمواضيع

تحياتي

الحين افكر اشتري قطوه ثانيه واجرب الحياة مع قطوتين

الحين افكر اشتري قطوه ثانيه واجرب الحياة مع قطوتين

صج كلللللللللل اللي قلتووووووووووه صح xصح>>>>كنت مثلكم >>>عشره دامت 7سنييييييييييييييييييييييين :"(
>>>أحبج جولي>>>قطوتي

حياتي اليومية صارت احلى بعد ما شريت قطوتي ,, الصراحة ماكنت اتخيل اني راح احبها هلكثر ,, قبل ما اخذها الصراحة ما كنت احب القطاوة بس من بعيد الى بعيد بس الحين تعودت حيل مع القطاوة وافكر ان اشتري الثانية ,, هع هع ..
وخاصة ان مغتربة ومالية علي الشقة اكلمها واكلها ومدلعتها على الاخير ,, والحين كل ما تكبر تبي تنام معااي تخاف لحالها ..
الله يخلي لكم كل الي تحبونة …
ثانكس على الموضوع ..