Kuwait English School ولا The British School of Kuwat

سلام عليكم خواتي
نفس ما اهو مبين من العنوان اي وحده من المدرستين هذولي احسن؟؟؟؟
ولدي الصغير قبلوه في الثنتين ماشاءالله الحمدلله ( يارب الفال حق اخوه) و محتاره ايهي احسن و اقوى في التدريس
و من ناحية انضباط الطلبه و من ناحيه معامله الأساتذة للطلبه؟؟؟

اللي جربوا ممكن يفيدوني لأنه محتاجين نتخذ القرار الاسبوع هذا او الياي بالكثير قبل ما تروح الأماكن على ولدي

و لا تنسون ابي دعواتكم علشان ولدي الكبير بعد ينقبل في وحده منهم يارب و يلقى مكان ان شاءالله.

Kes فديتها مدرستي درست فيها واموت عليها

اتصدقين لما قريت اسمها كش جنبي ذكرتيني بألاحلى ايام عمري
وااايد قويه وشديده و نظاميه

وايد يمدحون مدرسة الكويت الإنجليزيه..بنت أخوي فيها..مستواها قوي والأنشطه حلوه..أحس إنها صج مدرسه تسوى الفلوس اللي تنقط عليها..

ما تقصرون و يعطيكم العافيه
وينكم باجي الامهات

انا مثلج حبيبتي محتاره ..

بنتي انشالله السنه اليايه 3 سنين وبدخلها نيرسري وتكمل كي جي 1 و 2 ..

بس محتاره ؟؟ مادري وين ادخلها !! Bsk اللي بسلوى تقصدين ؟؟ الي اسمها سن شاين حق اللي اقل من 4 سنين ؟؟

وكويت انجلش سكول قديمه من زمان بس مااعرف احد فيها ..

مافكرتي بمنتسوري ؟؟ ولا البيان ؟؟ انا حدي حدي محتاره

وعلى قولتج ماكو وقت للتفكير

السلام عليج حبوب
الوضع معاي و معاي مختلف ولدي اسم الله عليه بيروح يير 1 يعني ريال ماشاءالله
بس اتفقنا انا وياج انه ندرو الشي الزين لعيالنا, الله يحفظهم يارب و يصلحهم.
شوفي BSK اللي بسلوى هذي اللي انا اقصدها و السن شاين قسم الحضانه قعدت فيه اشويه لما كانوا عيالي قاعدين يمتحنون بالمدرسه شفت اليهال اشلون مرتبين و اشلون المدرسات مهتمين فيهم و الله و بصراحه كل من يمدحهم. و كافي انه اللي في الحضانه مضمون قبولهم في المدرسه و هو المطلوب.
و المنتسوري اللي بالجابريه ما شفتها ولا جربتها لكن عيال اخوي كانوا فيها و ماشاءالله وايد كانوا مستانسين و امهم تقول انهم ممتاززين و اقويه. عيال اخوي كانوا يحفظون قران و ادعيه عندهم طبعا هذا غير الانجليزي و الاغاني و الحركات اللي تهبل. الحين اهمه بالابداع العلمي و نفس الشي ترى عندهم حضانه ولدي اخوي الصغير فيها. وايد متعلم شغلات حلوه . ليش ما تحطينها في بالج دام فكرتي بالبيان و المدرستين نظام امريكي و ممتازين كما يقال.

بنتي بحضانة السن شاين بسلوى وايد حلوه ومرتاحتلها وانشالله السنه اليايه انقبلت على طول في الروضه
بس عيبها غاليه 1680 بالسنه والدوام قصير لي 12 ونص اخر شي
بس من ناحيتيحلوه ونظيفه وطبعا الدراسه بالحضانه بس انجليزي ومدرستهم بريطانيه ومعاها مساعدتين والصف في اشويه أطفال عشان جي الاهتمام أكثر بالنسبه حق الانجليزيه للبنات ما سمعت عنها والبريطانيه معروفه من زمان وانا أنصحج فيها

ماشاءالله الله يوفقها يارب
ننطر تفاعل باجي الأمهات

الأنجليزيه للبنات اللي يم أكسفورد ماقاموا يمدحونها ..يقولون تغير مستواها عن قبل..بنت عمي طلعت بناتها منها.. مدرسة الكويت الإنجليزيه أحسن منها..

رفع

ممكن تقولون شلون اسعارهم ومافيه مدرسه زينه واسعارها معقوله

اخترنا kuwait english school
و ان شاءالله تكون زينه نفس مدرسة عيالي القبليه يارب.
و هذي اسعارهم للي يسأل
اولى روضه 1485
تمهيدي 2315
الابتدائي 2370
المتوسط 2725
الثانوي 7-9 3060
الثانوي 10-11 3120
الثانوي المتقدم 3780

هلا والله حبيبتي ..

الله يوفق وليدج انشالله .. وتشوفينه دكتووور

انا ليلحين ماقررت !! ومافي وقت والله يستر ماتروح السيت

وانا الابداع مادري ليش مو بالعتها مااحبها للله بالله .. والبيان فل اول باول وخايفه بنتي لما تروح ماكو لها مكان

والله راسي بينفجر من التفكير