Icdl يا مدرسات أخذها ولا لأ ؟

السلام عليكم ورحمة الله وبركاته

حبيبـاتي زميلات المستقبل

أنا للحين ما توظفت .. وزهقت من قعدة البيت فقلت بستقل وقتي بشي مفيد

فكرت أسجل بمعهد عشان أخذ دورة الـ icdl

مطلوبـه على المدرسات ؟ ولا شنو سالفتها ؟

مطلوبة حبيبتي على كل المعلمات فالافضل اخذيها على حسابج 200 دينار في المعهد الوطني لما تتوظفين يردون لج الفلوس لانها بلاش على حساب الوزارة وبالتوفيق ياربي

الله يجزاج خير حبيبتي

مطلوبه حبيبتي بس اشلج بالاي سي دي ال ؟؟؟

واااااااااااايد طويله مدتها ..

اخذي بدالها دورة الكامبردج ترا تعادلها وفي نشره رسمييييييييييييه تثبت هالشي .. انا اخذتها بمعهد النهضه 3 اسابيع والشهاده بيدج … شلج بحوسة 7 اسابيع وكل ملزمه هالمتن وتسقطين في بعض المواد .. والله كل وحده علمتها على الدوره دعتلي عقبها اخذي هذا رقم المعهد 24766007

انا اخذتها بجمعيه المعلمين بالصيف إلي طاف و بصراحه استانست و كسرت الفراغ إلي حاسته و هالدوره مطالبين فيها واخذيها من الحين لان الشهاده ماراح تطلع إلا عقب شهرين من دبي

اي اخذيها اختي احسن لج خاصة ان ما عندج شيء تشغلين نفسج فيه فاستغلي الوقت مهما طال وقتها

والله يوفقج

توكلى على الله اخذيها تفيدج وايد بعدين ومنع الاستفادة بالوقت
انا خذيتها تجمعية المعلمين لمدة شهر خلصتها مع الامتحانات لانها كانت مضغوطة

والله يوفق الجميع

ما عليها مكافأة خلاص
المكافأة مالتها انتهت لي قبل سنة 2024
بس هم اهي امتياز لج فاخذيها وتوكلي على الله
لأن ان ما خذيتيها راح يفرضون عليج دورة محو امية الحاسوب

اخذيها مطلوبة

بس ماترجع لج فلوسج

فديتكم وحدة وحدة

والله مو هامتني فلوسها كثر ما يهمني استفادة

مشكورين وجزاكم الله خير

والسموحة جان في بدليات ترى توني مسوية الليزك هههههههه