Help me please

:0bee2e8d89
السلام عليكم بنات عاد انا بقولكم السالفه وانتوا ساعدوني
الله يسلمكم ابو الشباب تناجرنا نجره قد الدنيا

رحت بيت اهلي اريح عندهم جم يوم وماحاجيته واهويدزلي مسجات بس حتى ما يعرف يساحل وانا احقره 4 أيام المهم امي سفلت في اليوم جان ادزله مسج عشان نتفاهم بس اهو الحين مايرد حتى لمن ادق حاقرني فيدوني شسوي ؟ فيني البجيه مايعرف يطيب خاطري أخاف يخليني عند امي ماياخذني

لاتخافين بياخذج وانتي اثقلي شوي لاتدزين له شي ولا تدقين عليه وان دق ردي عليه وحاجيه بحدود وسوي نفسج بريئه مو غلطانه وان غلط عليج ردي عليه بكلام حلو اوكي

الله يهدي سركم
ويرجع لج

انا تعلمت شغلا ان اول شي لازم ماتدخلين اهلج بمشاكلج مرا ثانيا كلش ملش
الا اذا السالفا وايد قويا واهلج من النوع الي يتفاهموون
لان الريااال له كرامه مايرظا ينهان وينزف والمشكلا من امج مايقدر يرد عليها ولا يغلط لان يخااف خوو ام مرتاا خوو
مايقدر فحس يمكن ان منحرج
خل يرتاح ودزيلا مسج واعتذري

الله يردكم لبعض يارب

يمكن حجي امج خلاه يعصب

ميخالف هدي شوية حبيبتي
والمفروض ماكنتي دخلتي احد بينكم وتكبر السالفة اهو دق عليج بس انتي الله يهداج
الحين اللي صار صار وانتهى
حاولي تراضينه مو حلوه يمر العيد وانتو متزاعلين

دزيله مسجات دقي عليه هذا ريلج مو غريب عشان تثقلين عليه

دام امج سفلت فيه اكيد زعلان

الله يهدي الجميع ويبعد عنكم المشاكل بالشهر الفضيل ولاتدخلين اهلج باي موضوع مع ريلج خصوصياتج حليها بينج وبينه طرشيله مسج وتاسفي وادعي ربج بالايام هذي

سوري بنات غلط بالطباعه اقصد امي سفلت فيني انا عشان ارد عليه

يآآ قلبي صح اني مو متزوجه لكن بنصحج لوجه الله ..

انتي الحين دقيتي عليه ومارد صح واهو مثل الحااله دق عليج ومارديتي ..!!

بس اللي انصحج فيه اثقلي شوي لاااا تدقين انطري اول ما يدق .. وكلميه عااادي جن ما صار شئ ..

طبعآآ تدلعي قولي ما اشتقت لي ..انا مت من الشووووق بس لاااازم تعاتبينه ??!!؟؟!! وعاتبيه بس بهدووووووووء عشااان ما تفقدين بيتج وتفقدينه ؟؟

الله يعينج ويسخره لج ويراضيييييييييج ياااارب

يبي يربيج جم يوم ويردج تطمني…….. :>

الله يهديج المرا السنعه ماتترك بيتها وتروح عند اهلها
كا واحد يشوفج يقعد يشخط فيج والله ماتسوى
انا اقول دزيله مسج وقوليله
ترى مشتاقتلك موت وانا من دونك متعذبه يعني انت ترضى زوجتك حبيبتك اتعذب
وياارب يلين قلبه ويردج
وطمنينا عاد

البنات كلهم فهمو انه امج سفلت فيه مو فيج

اكيد ماراح يرد حاقرته اربع ايام وتبينه يقولج هلا حبيبتي

غلط انج دخلتي امج علطول بمشاكلكم الاهل مادخلينهم الا للمشاكل الكبيرة حيل

طرشيله مسج حاولي تراضينه وبنفس الوقت تعاتبينه وبدلع يكون لان الريال نهان من امج حراام

بنات بس المشكله ان السالفه الي متهاوشين عليها ماسواها حقي