help me

شووفي انا بالتمهيد اول شي سألتهم وودكم تحصلون على كنز وتصيرون اغنياء ووووو الخ طبعا البنات تحمسوووا

عقب طلعتلهم صندوق ذهبي وعليه كرستال وحركات << شكله يوحي ان داخله كنز

وقلتلهم انا اليوم جايبتلكم كنز معاااي الي احبها بعطيها ايااام << البنات ماتو كلهم راافعين ايدهم ابله تكفين انا وابله تكفين انا

وناديت وحده وقلتلها تعالي اخذي الكنز وافتحت الصندووق قدام البنات ولا مكتوب داخله ببطاقه لا حول ولا قوة الا بالله

عقب عرضت الحديث على شفافيه ورددوه وراي وقروه فردي << الحديث حفظ فلازم يرددونه

وبالشرح استشهدت بقصة اصحاب الجنه ( المومن والكافر ) حطيت شريط قراءه الايه هذي من سوره الكهف بصوت العفاسي

( واضرب لهم مثلا رجلين …….) الى نهاية الايات الي تتكلم عن القصه

بعدين مثلت لهم القصه اني جبت صورة رجلين خذيتهم من النت وكبرتهم يعني واحد مؤمن وواحد كافر
وجبت صوورة مزرعه حلوووه وكبرتها

وحطيت ورا الرجلين فلين عشان يصير شكلهم بارز ومغناطيس وعرضتهم عت اللوحه

وعرضت القصه

وعقب جبت صوورة صحراء قااحله وقلتلهم ان هذا حال بستاانه لانه ما قال لا حول ولا قوة الا بالله

وامممم

ولما شرحت الدرس مره ثانيه استغنيت عن الصور لاني لقيت عند العلوم مجسم مزرعه ييييييهبل فكان شكله احلى من الصور

وبعد ؟؟؟

اي سويت مشهد عن المناسبات الي ينقال فيها لا حول ولا قوة الا بالله

بين بنتين انه وحده لا بسه فستااان حلوو وغالي والثانيه تشووفها تقول الله شهالفستان الحلوو ماشاء الله لا حول ولا قوة الا بالله

< هني نقولها لما نشوف شي يسرنا

ومشهد ثاني انه وحده عندها امتحان صعب
فتجي صديقتها تنصحها تقولها قولي لا حول ولا قوة الا بالله

< هني نقولها بوقت الشده ولما يتعسر علينا شي

اي ونسيت اقولج قبل المشهد وزعت على البنات اوراق ( على كذا بنيه مو الصف كله ) اوراق فيها فضل لا حول ولا قوة الا بالله

خذيتها من النت

تقريبا 8 فضائل

وقومت وحده وحده تقرا البطاقه الي بيدها واشرحها