english VS. 7asoob

السلام عليكم

بناات بغيت رايكم بيللز بشى

انا ودى اصير مدرسه , حاسوب ولا انقليزى

محتاااره ما بين الثنتين , انا الحين تخصصى MIS اداره نظم المعلومات و مفكره ارد احول حق english education بجامعه الخليج

و محتاره

شتنصحونى ؟؟

هلا حبيبتي….
شوفي شلون الله دزني لج
انا تخصصي mis والحين مدرسة حاسوب ابتدائي طبعا.. بعد التخرج اخذت شهادة ال icdl وقدمت على وزارة التربيه وانقبلت دايركت.
طبعا وبدون أي مقارنه الحاسوب اخف بواااااااااااااااااااااااااااااااااااااااااااااااا اااايد من تدريس ال e
كل صف حصه بالاسبوع والمناهج خفيفة سوالف الرسام وورد الانترنت ببلشر طبعا الاساسيات بس بدون تعمق…
والماده مو أساسيه نفس الانقلش تحاتين درجات وامتحانات وتصحيح وخرابيط …ماعندج غير حصتج وبس لا اوراق عمل ولا امتحانات ولا بطيخ درجة الطالبه تعتمد على تطبيقها في المختبر وقت الحصه….
وتخصص الmis ممتع وحلو تحسين روحج ذكيه ماتملين بس الانجليزي ممل واللغه تقدرين تكسبينها بدون دراسة الجامعه.
انا وايد مرتاحه لأني احس دشيت الكليه إلي ابيها وتخصص حلو بعدين ارتحت بالوظيفه …
ادعي الله يتتم علي إن شالله ويوفقج يارب.
اتمنى اني افدتج…

Mrs>3so0ola

يسلموووو حبيبتىىى على الافاده ,, و الله فدتينى وايد مو شويه

انا صراحه قلبي مايل شوى على الحاسوب , بس حسيت ان حتى الانقلش حلوو

تسلمين حبيبتى , ما قصرتى

^_^

نصيحه منى الانقلش وايد متعب . ما تقدر عليه الا اللى مالها مجال غيره هني ب تتدبس طول عمرها فيه
تدريس +نشاط+حصص تكامليه+اذاعه+ ملف انجازى"اوراق عمل بالدرازن"+وتوهم طالعين بماده life skill
اللى ما شيبت تشيب مع الانقلش

تقبلى مرورى

تعوذي من ابليس ولا يطري عليج الانجلش القرارت بالدقيقه و غير متابعه الضعيفات و الحصص المساندة واوراق العمل اللي ما تخلص

وكنترول و دور ثاني ….

استخيري و خلج حاسوب

تسلمووون حواتى

ما قصرتو والله , يعطيكم العافيه

^_^

نصيحه حبوبه ..
ابتعدي عن الانقلش ..
ترى وايد متعـب .. ويبيله طوووله بال ..
اسألي مجرب ..

الحاسوووب حلووو وخفيف ..
وما عندج شغل وايد ..
وشغلج اغلب الاحيان يكوون اداري اكثر منه تربوي ..

عشان جذي أنصحج فيه

اي والله، آنا توني صارلي 3 أيام متعينه والقرارات أحسها خربوطية

كل يوم شي

والمهارات الحياتيه مادري شسالفتها؟ مدرسات إنجليزي شكو ندرسها، استحيت أسأل

بس أهم شي اختاري اللي تحبينه أكثر، آنا بالرغم من الشغل المتعب بس أموووت بالإنجليزي