|
|
السلام عليكم ورحمة الله وبركاته…
كتبو عن كل دكتور جربتو عنده باختصار!
P.S : COA & COE Students Only
يعني مو التربية الاساسية ومادري شنو…
د.مي النقيب: (ادب) striiiict بس عجيبه حق اللي صج يبي يدرس واللي ماخذ الجامعه بجديه, بصراحه محظوظين فيها طلاب الادب الانجليزي, نوعها شغل ولازم تقرين اكيد وكل شي, بس تطلعين وحده فاهمه.
د.ليلى المالح: (ادب اعتقد)she’s cute وما تسرع بالشرح, يعني للي متعود على دكاتره سيده وشديدين هالدكتوره سهله, طيبه واايد وتشرح عدل وبشغف, تحب التاريخ وهالسوالف
د.ايمان القلاف (ادب) مثقفه وتعطي من قلب, تابعو معاها وتشوفون نفسكم تحسنتو, تحب اللي يشارك ويناقش بس تبي شويه شغل فلازم تلتزمون.
د.جمال بورسلي: (ادب) دكتور ممتاز للملتزمين, لازم اقول كلمه ملتزمين عشان الناس تعرف من اي ناحيه ممتاز, شرحه حلو بس ممكن ينوم فلازم تنتبهون, كاي ماده ادب ثانيه يعطي شغل لازم بس مو صعب حيل, دقيق بالدرجات.
د.Harold Walker: (يدرس 141) عجيب هالدكتور, شرحه يونس وسهل جدا, يمشي سيدا ومايحب اللي يتاخرون, باختصار انصح فيه للي يلتزم.
طبعا لا انا ولا انتو بمحل ان نقيم دكاتره, بس كل واحد يقول رايه وكل واحد يحترم راي الثاني دام مافيه اهانه لاحد, والدكاتره بتقيميي هذا ظلمتهم لانهم من افضل الدكاتره ولكن كان لازم اكتب باختصار.. اتمنى كل واحد يكتب عن دكاترته باختصار عشان نستفيد وشكرا!
ملاحظه: تكرار كلمه الملتزمين كان ضروري بتقيمي لانه في ناس يبون الدكتور المتساهل اللي يرفع درجاتهم لما يروحونله المكتب وهالسوالف, فبس حبيت اوضح هالنقطه ان الدكاتره اللي خذيت عندهم مو من هالنوع…