التصنيف: ركن خاص لأولياء أمور الطلبة

السلام عليكم حبيباتي

دورت كثير وتعبت من هالموضوع انا مدخله ولدي حضانه بسميه وناويه ادخله اولا روضه لين خامس ابتدائي بمدرسه ثنائيه لغة ولقيت مدرسة اكاديمية الكويت ثنائية لغة بالجهراء بس بعام 2024 و 2024 لقيت ناس بالمنتدي يذمونها فالحين احنا ب 2024 بعرف اذا المدرسه زينه او لا من ناحية التاسيس باللغة الانجليزيه وهمن العربي … وشنو تنصحوني بمدرسة ثنائية لغة بالجهرا تعبت وانا ادور ابي شي قريب مني .. وكانت عاجبتني مدرسه التكامل بس بصباح السالم وبعيده علي مستحيل كل يوم اروح وارجع .. ابي شووركم اللي مجربين

ناطره ردودكم

شدعوه مافي احد يعرف

شكرا علي تعديل العنوان ،،

اب

وين بنات الجهرا

صباح الخير ياحلوين

ابي رايكم بمدرسه التكامل اللي بصباح السالم؟؟؟

وجم تكلف مرحله رياض الاطفال؟؟

لان بنتي اول سنه لها بالروضه السنه اليايه والتسجيل مابقى عليه شي لي اخر شهر ثلاثه

فياريت اللي عندها خبره فيهم تفيدني تكتبلي كل شي عنهم

ومشكورين مقدما

ممتازه اول شي يسوون اختبار قدرات للطفل واذا تم قبوله تحجزين الكرسي مئة دينار وبعدين اقساط والسعر الشامل مع الكرسي 222 دينار وانا مدخله عيالي فيها طبعا السعر غير الملابس والوجبه من عندج

ماقصرتي حبيبتي

الكي جي سعرهم 1300 تقريبا

انا ولدي انقبل من يومين بالمدرسة

المفروض تروحين تاخذين موعد حق امتحان القدرات والقبول لانه الموعد يصير بعد اسبوعين من التقديم

واذا قبلوها يعطونج الطلب تكتبينه وتقدمينه وتكملين اوراقها وبعدين تدفعين 100 دينار رسوم التسجيل وحجز المقعد

دوامهم 7-9

الرسوم الدراسية 1282 بدون الباص والملابس

ترى بدأ التسجيل .. وبدت اختبارات القدرات ..

شوفي هالمواضيع راح تفيدج

اولياء امور مدرسة التكامل( صباح السالم )

**؛؛**عيالج بمدرسة خاصة ؛؛ تعالي قوليلنا جم الرسوم ؛؛ **؛؛**

ملتقي الامهات – مدارس خاصه

ماقصرتووو بنات

امس رحت مدرسه التكامل والصدمه ان مافي تسجيل الا على الويتنق ولسته الويتنق طويله

ورحت الرؤيه ونفس الشي مافي تسجيل ولا ويتنق

وحدي تضايقت والحين ماادري وين اسجلها

ماأبي روضه عاديه ابي أسسها عدل

انا سجلت ولدي ويتيتنغ قالتلي الروضه 1390 اعتقد اهو 1300 وشي ماني متاكده