[B][SIZE="6"][COLOR="Red"]بنات ابي وقفتكم .والله بموت من القهر

بنات ابي وقفتكم .والله بموت من القهر
توني طحت على مسج بتلفون زوجي دازه حق وحده
ومادري شسوي ((( خصوصا اهو تعبااان واايد الحين )) مو قادره امسسك نفسي ومو عارفه شسوي حيل حيل محتاجني الحين حتى الحمام عزكم الله انا اوديه
ياربي الله يخليكم عطوني الحل
طبعا انا مو راضيه وماراح اسكت بس ابي الطريقه

هدي اعصابج لا تسوين شي وانتي معصبه

اذكري اللـه

وخليج هاااااااااديه وطبيعيهوفكري عدل شنو بتسوين او شنو تقولين له

اكيد انتي تعرفين شخصيه زوجج اذا عصبي لا تكلمينه بعصبيه لانه راح يزيد بهالطريقه وراح ينكر او يقول بالطقاق

ريحي بالج حبيبتي ومافي الا العافيه

وان شاء الله يقوم بالسلامه

وحاولي تتكلمين بكلام واقعي وعقلاني لا تصرخين وماتدرين شنو تقولين

والله يساعدج اختي قلبي وياج

لما يقوم بسلامه قوليله عشان يعرف قدرج حتى بخيانه واقفه معاه الله يهديه

استغفر الله وهو تعبان بعد يطرش مسجات

لا تتسرعين تعوذي من بليس وان شاء الله ماكو الا العافيه يمكن دازه بالغلط ولا شي بخصوص الدوام صبري

ادري الموقف يحر بس لا تنفعلين اكثر من اللازم
وهم راعي ظروف ريلج الصحيه
بس ضروري اتواجهينه و اتعرفيين اشسالفة المسج

يالله يا كريم أهدي ريل "روح انسان " وسخره لها وبعده عن الخرابيط
حبيبتي الريال مهما سوا ما رده لبيته
تعوذي من ابليس
وبس تتسنع حالته تفاهمي معاه

اكثري استغفار فقط ، الشيطان ينشط في مثل هذه المواقف ..

فهميه بعدين انج واقفه معاه واهو تعبان واهو كان خاين

حسسيه بتأنيب الضمير

الله يعينج غلاتى

يا بعد عمري والله حبايبي انتو الله يوفق كل وحده ويسهلها طريجها ياربي
والله اكلمكم ودمعتي بخدي
ام سلوم حياتي اهو مطرشه قبل وانا اليوم اسغليت انه تعبان وما يدري عن تلفونه وجيكت المسج صار له 3 ايام وماسحه بس جيكت على تقارير التسليم وطلع عندي المسج
ام بنوته – اسرار الطبيعه – ليليث – توته – رنه – منووور – ام سلوم حبايبي يابعد قلبي الله يعطيكم العافيه وياجركم يا ربي والله والله اني ارتحت واحس اني قعدت افكر بعقل شوي ما قصرتو معاي
بس في شيء انا اذا نطرت وبعدها كلمته بهدوء ما راح ايقول هذي عندها السالفه عاديه واللي يسويها مره يسويها الف مره شرايكم بها الكلام

حبيبتي
ماقدر اقول غير
الله يعينج و يهديه يارب

الله يهديه

بس نطري عليه ليما يطيب وبعدها واجهيه

الله يهديه حقج والله حاسه فيج واى الخيانه تذبح
استفسرى منه انشالله مو حق بنت المسج
والله يسخره حقج

لاتكلمينه بالهموضوع لانه بيقلب السالفه فوق راسج وبيطلعج انتي غلطانه !

اول شي ليش تتجسسين على تلفوني >> اول عذر

ليش اتشكين وتنعدم ثقتج فيني << ثاني عذر

وبالاخير بيقولج هالسمج مو لي ولا بالغلط ولا بأي حجه وهم بيطلعج غلطاااااانه فالاحسن لاتتكلمين الى اذا شفتي مره ثانيه مسج اهني واجهيه ,,

حياتي احلى من الحلى المسج حق بنت لا ويقولها ياقلبي بعد المسج واضح
آه يا قلبي……
منووووله مستحيل ما اتكلم واعيش جذي انا وحده ما اعرف اقط ويهين ومشكوووره حبيبتي على المشاركه
انا متفهمه رايج بس ما ينفع معاي هالحل واقعد على نار وشك لي مته ؟؟ وانا شايله بقلبي عليه وقادين في بيت واحد

الاميره المغرورة – ملاك – مشكورين على المشاركه بعد عمري والله يطيب خاطركم ويسخرلكم حبايبكم