السلام عليكم
الرجاء الافاده من الخبيرات بافضل مدرسة
- دسمان النموزجية
- المعالى
- التكامل
الرؤية اعرف انها زينه بس خلاص قفلو باب الحجز للسنه الجديده
والله مادري بس دسمان والمعالي مادحوها حيل
والتكامل ناس تمدح وناس تذم
بس الابداااع اعتقد احسنهممممم كلهم
والله يوفقكم
مقارنة بالثلاث دسمان احسنهم و في مدارس احسن من دسمان
شنو المدارس الي احسن من دسمان..؟
شكرا لكم
وايش المدارس احسن من دسمان؟
ادري الابداع زينه بس غاليه
الرجاء الافاده ابي نظام امريكي مو انجلش
آنا عيالي بدسمان وااايد زينة وقوية ومدرساتها يهبلووووون …وبالنسبة للتكامل ما أدري عنها والله والمعالي ناس يقولون زينة بس آنا عندي قاعدة… المدرسة الجديدة اللي توها فاتحة من جم سنة ما أجازف وأحط عيالي فيها لأني أحسها تجرب بعيالنا ….!!!! وهم سمعت وحده بالمنتدى كاتبة بموضوع عن المدارس تقول ان بيسحبون ترخيصها…وما أدري صج والا لأ؟؟؟
شكرا لك حبيبتي
بانتظار ارائكم وتجاربكم احبائي
ان شاء الله بشوف المدرسة
التكامل ودسمان يتشبهان بأسلوب الدراسة والنظام الامريكي أما المعالي فهي ثنائية اللغة وحسب علمي بعض المواد تدرس بالعربي 
انا سمعت عن المعالي وايد زينه وبالعكس ممتازهـ
التكامل يوم بسجل ولدي عندهم معاملتهم كلش كلش مو حلوهـ
بس والله مادري عنها
ربي يوفقج
الحين كلهم صاروا غالين وايد بس تبقى الإبداع الأفضل
التكامل يقولون نزل وايد مستواها .. ودسمان سمعت عنها ناس كانو ناقلين عيالهم منها إلى روض الصالحين يقولون دسمان أقوى وأحسن. بس آنا ما عرف عنها أي شي ثاني.
شكرا لكم احبائي
تسلموو
مو كل الناس تمدحبالتكامل في وايد ما يمدحونها
وانا محتاره وين ادخل بنتي من الروضه ومتى يبدي تسجيلهم
مدرسة دسمان
مدرسة اجيال
مدرسة الاكاديميه الكويتيه الثنائيه بالرقعي
1- نصيحة من اخت لا تدخلين عيالج مدرسة الاكاديميه الكويتيه الثنائيه بالرقعي مستواها دون المستوى بكثير انا دخلت عيالي وندمت لاني ما كنت عارفة مستواها ولا اعرف احد فيها وقلت اول واخر سنه وابي اطلعهم الحين مدرسة ثانية غير انه جوها غير صحي لعيالنا صراحة بجيت اشلون قدرت وكملت باقي السنه غير انه انا اتعب بتدريس عيالي اتابعهم واساعدهم بحل واجباتهم ( رخيصة مو غالية ) اسعارها
2- مدرسة دسمان اقوى مدرسة عن تجربتي مع عيالي في السنوات الدراسية الاولى لدرجة حتى الثقة بالنفس والجرأة علموها عيالي وكانو من اروع ما يكون فيها وليما الحين متحسفة عليها بس بعيدة عن السكن وزحمة الكويت الصبح وكانو دايما يتأخرون وما قدر اخليهم على هالحال عشان ما يتعبون واظلمهم وعلى فكرة وايد عندهم انشطة وجو حلو للطلبة ومدرساتهم وايد روعه
والله يوفقنا نلاقي شي زين لعيالنا
3- مدرسة التكامل ( صباح السالم ) مافي تسجيل هالسنة قالولي