{{_ LiLLii MiTZaWJeeN 3aN 7uB _}}

اهو اخو رفيجتي وبنفس الوقت يصيرولنا من بعيد .. كنت يايه ازورها .. وبصعدتي الدري ما وعيت الا واحد مزيون لابس سبورت وماسك كره طلع بويهي اهوه تنح بويهي مده وانا تنحت بعد "لا تلوموني تدودهت" .. بعدين اهو استوعب الموقف وصار ويهه يقط الوان جان يقولي تفضلي .. "فلانه" اللي اهي اخته . تنطرج فوق .. طبعا انا لا رد ولا بطيخ بسرعه نزلت ويهي وكملت صعدت بسرعه .. قعدت عند رفيجتي سوالف وضحك .. وبليل يوم رجعت البيت قعدت بداري بروحي واحس قلبي حددددددددده يرقع وطول الوقت افكر بالموقف .. قبل لا انام ولا رفيجتي تدق علي .. انا استغربت تلفونها هالحزه بس كان قلبي ناقزني ان الموضوع متعلق فيه .. وفعلا كانت داقه تقولي ان اخوي حده انعجب فيج ودشيتي قلبه .. انا كنت حدي منحرجه بس بعدها اعترفت وقلتلها ان اهو بعد عجبني .. ومن عقبها كل ما اروح بيتهم القاه مرتز عند الباب يطالعني بابتسامه ويمشي .. طبعا رفيجتي كانت مرسال الغرام بينا .. ما طولنا على هالحال عقب 5 اشهر ضبط اموره ويه خطبني .. والحمدلله الحين الله جمعنا مع بعض واحس معاه اني اسعد انسانه بالكون . طبعا اهلي ما يدرون ان بينا حب .. بس حتى لو عرفو .. حبنا كان بريء وما وصلنا لمرحلة يكلمني بالتلفون واكلمه .