|
|
مساء الخير
بنات اليوم ودي اتكلم بموضوع معاشج وريلج
اليوم انا ورفيجتي نسولف عنه اهي ماشاءالله توها متوظفه وتوها متزوجه الله يهنيها فتقول من اول شئ عودته شغل البيت واي عود للبيت منه طبعاً
واهي مصرفها عليها ويعطيها مصرف كل شهر الله يتمم عليها …احس هذا الصح
بس طبعاً انا ماراح اخذ منه لما اتوظف ( ادعولي
.gif "Eh S(1)")
) بستحي اكيد واذا توظفت ان شاءالله بشيل نفسي بس في جم شغله ابي نتناقش فيها
انا في اسئلة في بالي قلت اسألكم وتفيدوني لأن انا حدي على نياتي مااعرف اللي لي واللي علي خاصه بسوالف الفلوس استحــــــــــــــــي
..
* اول شئ ريلج يتدخل بطريقة صرفج لمعاشج واذا توفرين يدري شكثر توفرين وجم عندج….؟
* اذا تبين تشترين شئ للبيت تشترينه من معاشج ولا منه وشلون تطلبين منه عادي يعني يرضى..؟
* مصرفج كامل من معاشج ولا تاخذين منه بعد…؟
* واهم سالفه محيرتني سالفه السفر اذا بتسافرون كل شئ عليه ولا تساهمين…؟
ترى انا مااكتب وايد بهالقسم شجعوني وابي نقاش مثمر
بليز المشرفه تعدلها كنت بكتب ريلج شنو علاقته بمعاشج
يعني انا ريلي عليه كل شي يخص البيت بس انا بصراحة ما اطلب مصروف
لان معاشي تقريبا نفس معاشة
فمو حلوة اطلب منه فلوس
بس هو ما يقصر اذا طلبت منه فلوس
بس اذا حبيت اشتري شي للبيت اشتريه من معاشي
ومرات اهو
هو ما يدري اذا كنت اجمع من معاشي ولا لأ
مرة كنت ناوية نسافر بالصيف
ويمعت فلوس ليمن صار مبلغ حلو
وقلتله يالله بنسافر قال من وين يبيله هبرة
قلتلة مالك شغل التذاكر علي والمصرووف عليك
استانس ووااايد والمرة اللي بعدها صارت علييه
الله يهنيكم صح انا بعد معاج ونفس رايج مع ان اغلب البنات ماايدوني بس والله فشله اخذ منه
وبالسفر حلو نتشارك علأقل اشيل مصرف السوق
مشكورة ياقلبي عالرد الحلو
ومدى كرمه واخلاقه
وبالنسبه اذا حابه اشتري شي للبيت اشتريه من معاشي
اما بالنسبه للسفر دايما يكون على حسابه بس مرتين صارت بيني وبينه
واغراض الشقة كله علية
وماله شغل بمعاشي ابدا
ومرات اشتري شغلات للشقة وما يعارض
وبخصوص السفر عندنا مبدأ كل واحد يشيل نفسة
واحس احسن جذي ومرتااااااحة
كاني شفت نك << >>
بس اغراض البيت عليه واذا نقص شي ومايبنها او خلص بسرعه عادي انا اييبه
ومايدري اذا اخش من معاشي او لا
والسفر اهو عليه كلشي انا بس اودي مصرف ايدي يعني اذا بغيت شي
بس مواعدته بالصيف الياي نيمع مع بعض عشان نسافر سفره حلوة مع البنوتة
مشتروات عيالنا الله يحفظهم عليه لكن مشترواتي علي ..
بس أحيانا يسوي حركة تقهرني إذا رجعت من السوق ومعي أغراض يسألني بكم شريتي للعيال حتى يعطيني قيمة مشترواتهم وكأنه مو ملزوم بمشترواتي .gif "Eh S(14)")
فهمتوا قصدي 
لكن هذا ما يمنع إني أشتري أغراض للبيت من فلوسي 
إجمالا أساهم في مسألة البيت والعيال لكن ما أعتمد عليه بمصروفي أشتري اللي أبي وأصرف على نفسي مثل ما أبي يعني فعلاً الإستقلال المادي للزوجه مهم جدا جدا جدا 
وشغل البيت كله عليه والخدامه والجاهل ومراجعاتي وولادتي كل شي عليه
واذا نقصني شي اخذ منه
بس مااخذ مصروف لانه اهو عليه ديون
بس يعصب لانه معاشي ينزل 27 الشهر
والله يابنات 3 الشهر ماعندي ولابيزه
افسفسهم على خرابيط وطلعات ومطاعم
يزفني يقول حرام عليج
اني ماني موضفه ولا شي
بس زوجي حبيبي يصرف على
ولا تزعلين مني احس الموضفه
كئنها رجال ثاني من جميييع النواحي
مثلا اذا جاء للبت مالقاها
واذا جا المعاش جلس كل واحد بروحه يحسب ههه
واحسه بيتكل عليها
ومرااااح تحيس انها زوجه
وربي فيه بنات كثيرين كذا ونت تقربلي حيلتزوج رجلها عليها لئنها ماحسسته بكيانها بس داااايم برا
ودايم فلوسها بيدها وماكئن عندها احد فئخذ وحدة غير موضفه هههه
وياربي ماتزعلون من صراحتي
|
المشاركة الأصلية كتبت بواسطة أم تذكار
 والله ياقلبي
اني ماني موضفه ولا شي ولا تزعلين مني احس الموضفه كئنها رجال ثاني من جميييع النواحي مثلا اذا جاء للبت مالقاها واذا جا المعاش جلس كل واحد بروحه يحسب ههه واحسه بيتكل عليها ومرااااح تحيس انها زوجه وربي فيه بنات كثيرين كذا ونت تقربلي حيلتزوج رجلها عليها لئنها ماحسسته بكيانها بس داااايم برا وياربي ماتزعلون من صراحتي |
ياقلبي هذا شئ صار مو مثل قبل الحين صار ضروري ان المره تشتغل
وانا معاج اذا مااشتغلت بيتكفل فيني بس بلأساسيات بس طبعاً ماراح اقدر اجبره يشتريلي جناط ماركة وملابس ماركة صعب…
وعالعموم الله يهنييج ان شاءالله ونحترم رايج
ومشكورين عالردود
استفدت منها
