سؤال بخصوص الجمعيات الخيرية

السلام عليكم

عندي سؤال كثير يشغل بالي ..

هل فيه تدقيق أو خل نقول مراقبة من الجهات العليا على الجمعيات الخيرية ؟ هل فيه شي يثبت مصداقيتهم

انا ما اشكك بس سؤال ببالي .. لانه ودي أتبرع بشغلات فيه شغلات واجد ببالي بسويها أكيد الأجر ان شالله من وراء هالأعمال من الله مجرد اني سويت اللي علي .. بس هم الواحد يتبرع يبي خير بالدنيا يساعد يتامى ويبني مساجد إلى جانب الأجر والثواب

انا معلوماتي شبه ضحلة بهالمجال .. فعذرًا على سذاجة السؤال .. لكن اللي عندها معلومات بهالخصوص ياليت تقولي هل يتم مراقبة المدخول المادي ومخارج الجمعيات والمبرات الخيرية كأحياء التراث والإصلاح مثلا ً وهل فيه ظمان او أوراق تثبت قيامهم بالعمل الخيري بعد تبرعي

اذا كان عندج صدقه
فما اجملها بأيد ناس تستحقها
انا انصحج ب زكاة الجليب عندهم حالات بالديره لا اخوانا البدون
تبجي الصخر والله
وانتي تقدرين تطلبين الحالات بنفسج وتوصلينها بايدج
ااجر
وتقدرين تطلبين منهم الدعاء
والله يوفقج ويوفقنا لما يحب ويرضى

جمعية الاصلاح عندج دقي عليهم يجون يقشون الشغلات الي تبرعين فيها من ملابس والعاب وكباته وغيره
وعندج مسلمي افريقيا السميط مديرهم
وعندج بيت الزكاة