قصتي مع سر من اسرار الطفولة

السلا م عليكم ورحمة الله وبركاته
والصلاة والسلام على رسول الله
اقولكم قصتي مع صلاة الفجر وللأمانه بدأت هذه القصة من كنت في المتوسطة أو الرابع الابتدائي لمن سمعت جارتنا الله يجزيها كل خيرتسولف مع امي وتقول انها تعلمت شغله ان الواحد يستعين بالفاتحه ولمعوذات قبل ما ينام ويطلب الله بان يعينه على قيام صلاة الفجر لعمل خالص صالح لوجهه المهم اني سمعت كلامها وهم مو منتبهين لي لان الاطفال ياخواتي يلقطون الكلام والمشكله ان الكلام الى ينسمع من الصغر يرسخ في العقل وما في قوة تمحيه فديروا بالكم المهم في الليل قريت الفاتحة والمعوذات وبعدين قلت الدعاء ونمت والله والله اني قمت على الله اكبر لاذان الفجر ليش انى كنت طفله فرحت وخذيت المسأله عادي شي جديد سر وعرفته مرت السنونوصرت معلمه وعندى اولاد وعرفت سر ثاني الى هو ا دعاء الاطفال مستجاب لانهم ماعندهم ذنوب عشان جذيه قمت على صلاة الفجر ذاك الوقت وسمعت ان المعلم لازم يعلم التلاميذ شي يشفعله او يكون في ميزان حسناته بدال ما نعزل العلم عن الدين واستخدمت هذا السر الطفولى مع تلميذاتي اقولهم اني بعلمكم بعد ماتخلص الحصه سر وقلتلهم تبون تقومون على صلاة الفجر ودايما يكون هذا الكلام اول السنه يعني اول تعارف بيني وبين التلميذات وابين لهم فضل صلاة الفجر في تنشيط المخ وصفاء الذهن والتوفيق من الله المهم قلتلهم انهم قبل ما ينامون يتوضون ويصلون ركعتين وبعدين تتلحف البنت وتقرأ الفاتحه والمعوذات واية الكرسي وبعدين تدعي باللهم اعني على قيام صلاة الفجر لعمل خالص صالح لوجهك وقلتلهم والي تقوم تقعد اهلها للصلاة في اليوم الثاني كانوا البنات كلهم مندهشين ومستانسين يقولون ابله فتحنا عيونا على الله اكبر والي تقول ان امها افرحت حيل لمن شافت بنتها قايمه تصلي بروحها وانا والله اني فرحانه ليش لاني حسيت اني سويت شي لله وفرحت اهالي كثير واتمنى من البنات انهم يلتزمون بالصلاة والحين عرفم سر من اسرار العباده لاتخلون هذا السر مجمد في ذاكرتكم طلعوه لعيالكم احفادكم عيال اخوانكم وخواتكم خاصه الصغار لانه يرسخ في ذهنهم ويكبر معاهم ويتعودون عليه شنو احسن من الواحد لحافظ على صلاته وشاف اعياله محافظيين عليها
تحياتي
لاتنسوني بالدعاء
امة الله

بارك الله فيك وجزاك الجنه

ماشاء الله عليج الله لايحرمج الاجر , والدال على الخير كافاعله ,ان شاء الله ابشري بالاجر كلما صلوا الفجر ,وبعد ابي اقولج شي حاولي تحفظين عيالج وهم صغار قبل التمهيدي سورة الفاتحه لانهم كلما قروهافي صلاتهم طبعا اذا كبروا>تكون في ميزانج بمشيئه الله >ويقال ان احد التابعين كان يعلم الصبيان سوره الفاتحه وهو ضرير ..فلمل مات رأوه في المنام فقالوا ماذا فعل الله بك قال ادخلني الجنه نتعليمي الصبيان سورة الفاتحه .والله اعلم وجزاج الله خير وبارك الله فيج وجعلنا واياك من اهل الصلاه ..آمين

ماشاء الله خوش تجربه, ان شاء الله بعلم اعيالي هالشي لان مثل ما ابي الشي الزين لي ابي الشي الزين لهم..

بارك الله فيج

الله يعطيكم العافية خواتي على المرور الطيب والدعوات الحلوة بس اهم شي اننا ما ننسى نعلم كل من نعرفه وخاصه الاطفال لان صج التعليم في الصغر كالنقش على الحجر
تحياتي
ودعواتي لكم بالتوفيق
امة الله

الله يبرد قلبج على هاذي الدعوات الطيبه والكلمات الى تشرح الصدر الله يوفقج ويباركلج
تحياتي
امة الله

بارك الله فيج وجزاج الجنة
خووووووش فايدة

تسلمين اختي على المرور الحلو ويجمعنا الله بالجنه وبارك الله فيج
تحياتي
امة الله

يعطيج العافيهم اختي والله يوفقج ومثل ما قلت اذا علمتي عيالج من الصغر كانج تنحتين فيهم هاذي العادات يعني حتى لو يلهى شوي عنها لابد يردلها والله يوفقج ويهديلج عيالج
تحياتي
امة الله

بارك الله فيج

مشاء الله عليج والله يثبتج ويثبتنا معاج ويزيدنا اكثر واكثر

اللهم امين ويبارك فيج ويرزقج الجنه وحسن الخاتمه والسمعة الطيبة والعمل الصالح يا اختي
تحياتي
امة الله

جزاج الله الخير يا أختي وعسى الله يتقبل دعوتج ويشفيج وجميع المسلمين
تحياتي
أمة الله

والله يبارك فيج اختي وعسى الفايده تعم و يثبتنا الله على طاعته
تحيلتي أمة الله