|
|
السلام عليكم طالبات 
انا مو طالبه بس حبيت ادردش معاكم اشوي
و عندي جم شغله و خلونا كلنا نستفيد من بعض بآرائنا و بتجاربنا
1- منو فيكم صار في إصابة بمرض انفلونزا الخنازير بمدرستهم ؟ شنو المدرسة ؟
2- اشلون تصرفتي ؟
3- عادي عندج تلبسين كمام ؟
4- إذا ماصار ،في حال اذا صار اشلون راح تتصرفين ؟
5- تلبسين كمام و لأ ؟ وليش ؟
6- خايفين من المرض ؟
7- اشرايكم بالتكتيم اللي صاير على المدارس ؟
ابدا انا
انا حاليا بإجازة مرافق مريض و انا اشتغل بثانوية
اذا صار راح ابلغ البنات مع العلم الادارات رافضه نعلن بس عشان الطالبات ياخذون احتياطاتهم و اسوي اضراب مع البنات
اي بس ارد اداوم راح البس خاصه لاني حامل
و بصراااااااااااحه وايد خايفه من المرض 
و انا رافضه التكتيم و الخش 
و اذا الله لايقول صار عندنا بالثانويه راح اقول حق البنات لا تدامون اذا حسيتي بشوية تعب
اتمني اسمع ارائكم
ماصارت ولا حاله بمدرستنا
2- اشلون تصرفتي ؟
اذا صارت مارح اروح المدرسه الله لا يقولها الله يحفظ البنات ويحميهم
3- عادي عندج تلبسين كمام ؟
اي عادي عندي
4- إذا ماصار ،في حال اذا صار اشلون راح تتصرفين ؟
مادري اول شي البس كمام ثاني شي ما ارووح المدرسه
5- تلبسين كمام و لأ ؟ وليش ؟
لا ما البس عشان ماله داع المدرسه عامله احتايطاتها
6- خايفين من المرض ؟
اكيييييييييد
7- اشرايكم بالتكتيم اللي صاير على المدارس ؟
انا ضد التكتيم وارفضه رفض تااام اذا اهم يكتمووون ع الموضوع يعني احنا مو هامنهم وانا وحده اخاع على روحي
وثانكس حبيبتي ع الموضوع ^_^
بس وين باجي البنات ؟؟