|
|
السلام عليكم ..
طبعا الكل عارف بانفلونزا الخنازير وانه مرض معدي وقاتل وينتقل من واحد لي الثاني حتى باللمس شلوون يبونا انداوم ؟؟والمدرسه مجتمع مغلق ومدرسات من كل مكان (مصر ,سوريا ,فلسطين,سعوديه,ولا بعد بيحطون مدرسات من العراق ..
وغير المدرسات الكويتيات اللي فيهم المرض تكفوون شنو يبون يصير فينا ؟؟؟؟ شتسوى علينا نروح من جيس اهلنا ..السالفه ترا مو صغيره ولا هينه …واخرها واحد عمره 9 سنين توفى من هالمرض !!! يعني احنا مو قاعدين نلعب ولانتغشمر ..كل واحد ادرى بمصلحة نفسه ..وانا عن نفسي ماراح انطر لين وزارة التربيه يتكرمون ويحسون بالمسوؤليه ويعطونا اجازه ..احنا مانبي عطله بس عشان نرتاح ونستانس ..لا اصلا انا ودي اداوم اليوم قبل باجر عشان اشوف رفيجاتي ..بس صحتنا اهم ..تغيب لين توصل ابر التطعيم شهر 10
منو معاي؟؟
خير ياطير شنو يعني إذا اجلوا المدارس >>> اهم شي صحة عيالنا
والدراسه يقدرون يسوون نفس نظام سنة الدمج مااثر علينا بشي خلصنا سنتين بسنه
وانا عن نفسي اعيالي ماراح اخليهم يدامون بنطر اشووف الللي بيدامون اول اسبوعين وبعدين اخليهم يدامون
الفكرة عجبتني بداية و دشت مخي
بس بصراحة لمن فكرت ببعدين شبيصير
قلت لا بنداوم عادي
مابي لا اجازة و لا شي
و صرت ضد الإجازة
لان لو مددوا الإجازة
أكيد بعدين بيمددون الدراسة لي صيف
شلنا نداوم لي الصيف
بييييييييييييييه بعز الحرْ !
مالي خلق !
انا مو مابي يمددون الإجازة
انا مابي يمددون المدرسة لي الصيف
و هذا الشي مستحيل
لو يخلون الدراسة عادي و نخلص بشهر 6
جان سويت حملة !
بس أكيد ما بيسوون !
همممم إذا يسوون دمج
والله كشخات !
أحلى .. خليسوون دمج و يضغطون علينا شوي
ماعليه ماقلنا شيْ !
ويعطيج الف عافيه على الموضوع وانا معاج مانبي نداوم حتى يوصل التطعيم
اهو داومنا بنخسر
و ما داومنا بنخسر
يعني شنو نسوي ؟
حتى عيال عماتي وخالتي ما يبون يدامون الا بعد اسبوعين لاانه مؤكد بيسكرون المدرسه ويأجلون الدراسه بس يعاندون الوزاره
شيسوى علينا باجر نمرض الله لا يقوله
مثلا مثلا اخوج الكبير يداوم .. راح دوامه تعادى رد البيت راح يعاديج ..
يعني ماتفرق طلعتي ولا لا .. حتى لو حبستي نفسج بالبيت
اكيد سمعتوا عن الصبي الي اهله مسافرين لبنان حاشهم المرض .. و يوم ردوا الديره عادوه !! يعني ماتفرق
امريكا و المكسيك الي المرض طاالع منهم و نسبه وفياتهم من هالمرض اكثر من الكويت مداومين ..
يعني السوق مو مغلق مثلا ً !!
امس انا رايحه السوق و مترووووس .. عادي
حطي كمامج و امشي ..
و اذا سووا دمج محد راح ياكلها غيرنا
اول شي قاعدين يرفعون نسب قبول الجامعه
و ثاني شي راح يصير ضغط بزياااده
لانهم حتى لو ألغوا شوي من المنهج ماراح يلغون الشي الصعب و يخلون لنا السهل
احنا سنه و ما تكفينا .. ندوام حتى بآخر اسبوع الي المفروض نكون معطلين فيه و ندرس حق الفاينل
هالمره تبونا نغيب شهرين زياده ..
شكلهم راح يدرسونا الي يقدرون عليه و بعدين بيقولون كملوا الباجي بالبيت !!
و اساسا اذا أجلوا او سوو دمج على قولتكم .gif "Eh S(6)")
اول شي ماكو عطله نص السنه ..
و راح يقللون عطله الصيف .. يعني راح نداوم شهر 8
بعز الرطوبه ..
و راح نداوم السبت
و الصحه العالميه قالت ماله داعي العطله …
و الي خايفه على عيالها الي بالابتدائي خل تلبسهم كمام و تقولهم ما يفصخونه و بس
الادويه راح توصل شهر 10
و احنا نداوم 27 – 9 !!! يعني ماتفرق عطلنا ولا لا
و الصحه العالميه تقول انه بالكويت مافيهم غير الخوف .. خايفين و بس
عن نفسي بداوم و بلبس كمام .. و الله الحافظ
انا ضد الاجازه .. لانه محد راح ياكلها غيرنا 
يعطيج العافيه
قوه يالعسسل
شلونكم ؟؟
مبارك عليكم باجي الشهر
عاد انتوا تدرون انه مابقى شي ع المدارس …
انا عن نفسي راح اداوم و بلبس كمام
بس لقافه .. بعرف انتوا راح تداومون ولا بتغيبون
ووو بس
شكرا ً
بس ان شاء الله الخيره الله يكتبها لنا اللي فيها خيره
بداوم عشان رفايجي بس
يعني احسن طريقه مثل ماقالو شربو سوائل وايد
ولاتاكلون ولاتشربون حمضيات واايد
وشربوو ينسون او عسل مع حبه سودا
او روب مع ثوم او كربونات الصوديوم مع ماي
وهذا خووش وقايه واهم شي اخذوو معاكم علشان النضافه
ديتوول الصغيرونيي اللي تمسحين ايدج فيه بدون ماي
وخلي كلينكس خاص فييج دايم معاج وبس