بنات الي تخرجو من الثنويه و خلصو 12 ابيكم بكلمه راس

سلااام بنات شلونكم ..

احنا الحمد لله خلصنا 11 و افتكيييييينا ..

و ابي منكم مساعده لو سمحتو بخصوص مناهج 12 عشان ابدي تحضير للسنه اليايه ..

أبي سوره القرآن الي لازم نحفظها للكورس الاول ؟

و ابي آيه العربي الحفظ .. مع القصايد الحفظ .. بليز بنات لا تنجلوني .. << طبعا كلهم ملوت الكورس الاول ..

و الي تخرجو موفقين .. و الي رايحين 12 هم موفقين

^_^

وانا بعد معاج ابي اعرف الحفظ << لاني بروح 12 بعد ..

يلا ننطركم بنوتات ..

بنات ادروس العربي

كل سنة يغيرونها

اما بنسبة للسورة مادة القرآن

افتحوا المصحف و شوفوا السورتين بعد السور الي حفظناها بـــ11

و ادخلوا على موقع الوزارة

و اختاروا ايقونة المنهج الاكتروني

و شوفوا الكتب و المواضيع للمواد

نو نو قصايد العربي و آيه العربي الي اتصير اول درس ما يتغيرون ؟!

يعني اختي الكبيره من قبل 6 سنين للحين اتقول ما تغير المنهج ..!

يمكن الدروس تتغير بس الأيه و القصايد لأ ..!

و بلييييييييز بنات ساعدوني ابي ابدي احفظ ماكو وقت ..

لا حبيبتي ..

هو نفس المنهج ..

بس هم يحطون آيتين بالمنهج وسنة نحفظ آيه واللي وراها نحفظ وحدة ثانية والقصايد نفس الشي

و عليكم السلاام
آنا تخرجت و لله الحمد و صج صج ماني متذكره أي شيء
بس اللي أذكره إت آيات و قصايد العربي وايد سهله ما يتعدون 20 بيـت على ما أعتقد و ان شاء الله ما نسيت
و الآيات سهله بس يبيلها مراجعه و الله ودي اساعدج بس نسيت الله يوفقكم يا ربي و ترى 12 سههههل طبعا أدبي
مره 2 الله يوفقكم

ادخلي على موقع وزارة التربيه موجوده مناهج 12 لكل المواد

وعليكم السلام ورحمة الله وبركاته

أحب أقولج

لا تتعبين نفسج لأنهم كلهم بيتغيرون الاية و القصايد
اما القران اتذكر اول كورس سورة الحشر
الثاني مو ذاكرة
أهم شي اذا انتي علمي ركزي على دروس الرياضيات لأن صجججججججج عانينا منها اول كورس s:

روحي موقع الوزاره حبيبتي

والله يوفقكم

الله يوفقج انا بعد بروح 12 ادبي

انا بعد برووح 12 ع

انا عندي كتب 12 كلللللللللهم من اخوي

والعربي كل سنه منهج يعني رااح يتغير كل شي

شفت الكتاب فيه 3 ايات مادري اي وحده يعطونا !!!

اما القرآآن انا قررت احفظهم برمضان منها اكسب اجر ومنها استفيد للدراسه

واللي اهما :
الفصل الاول

1) من سوره آل عمران الايات من (121 – 129)
2) سوره الحشر كامله

وبالتوفيق للجميع

هـــلا وغلا

مـــوفقة

ما شاء الله عليك

اول شي انا توني متخرجة من ثاني عشر علمي

لا تخافين ولا يخرعونك البنات اللي يقولون ندرس بالعطلة وحالتهم حالة

اول شي نتكلم على الكورس الاول

ركزي على الرياضيات والفيزياء

اما الكيمياء الكورس الاول كان سهل والاحياء سهل بس حفظ وطبعا الاحصاء تافة
وركزي على الانجليزي والعربي لانهم هو اللي يأثرون بالوزن النسبي

واي استفسار عن رابعة علمي
راسليني على الخاص وانا اجاوبك

يلا موفقة وان شاء الله من الاوائل

الكورس الأول بالقرأن سورة الحشر والكورس الثاني سورة المجادلة

انا صج توني متخرجه الحمدلله بس من كثر الضعط نسيييت ؟ سوري
بس الى عليج هالسنه ما من بعدها خاصه ان فيها 60 لا تضيعينها مثلي