|
|
بنات بليز منو تعرف هالدكتور ضروري تنصحوني فيه ولا لأ
توني استوعب انه الباي فورس باجر مالي وقاعده اخذ اسامي الدكاتره الزين ومابي اطيح عند دكتور مو شي وياارب احصل عند خووش دكاتره
الدكتور شرعه مو واااااو بس زين على قد الماده ..
يعني مخلينا ندرس من البوربوينت و امتحاناته كانت كله موضوعي ..
صج ان بعض الأسئله ما كانت تيينا من إلي درسنا لأن مو كل شي مكتوب بالسلايدات عشان جذيه كنا نكتب معاه اول بأول ..
بس إلي فادنا الكيرفات الموطبيعيه إلي كان يسويها لنا ..
الصراحة يعطيه العافية ..
نقود وبنوك : في هذي المادة الدكتور كان امضيعنا لأن كان يشرح من كتابين و ما كان امحددلنا الصفحات اللي ندرسها و كان يقولنا اعتمدوا على شرحي و كتبوا حق نفسكم نوت و درسوا منه
الامتحانات كان يعطينا أسئلة مراجة عليهم و يحطلنا من نفس الأسئلة و الفاينل يابلنا نفس أسئلة امتحانات المدتيرم
اقتصاد جزئي :يينن.
تعامله وايد مريح، شرحه مبسط، امتحاناته من الشرح، ومثل ما قالوا عطانا 3 مدتيرمز وخذا احسن اثنين. الفاينال ما كان موحد وكان وايد سهل.
لااااااااااازم تاخذون عنده ؛)
اقتصاد كلي : بدون مبالغه..أحسن دكتووور بالاداريه
شرحه وايد بسيط و حلو و يعطيك المختصر المفيد لا يزيد و لا يقول حجي ما منه فايده و كل شي يقوله يدش بالامتحان
طيب و محترم و تعامله راقي لأقصى الحدود
اللي ما ياخذ عنده غلطان 
نقود وبنوك واقتصاد كلي : الدكتور عجييييييييييييييييب الى اقصى الحدود محترم و شرحه مرتب امتحاناته سهله و مباشره يحاول يساعد الطلبه بكل الطرق خذيت عنده مادتين و حسافه اني خلصتهم لان محاضراته ممتعة احس انه فاهم عدل و على فكره الحين صار بروفيسور و الصراحه يستاااااااهل
بصاحه دكتوور عال العال
شرح ممتاز جدا
يخليك تطلع ن المحاضرة فاهم كل شي
بالامتحان يعطيك نفس اللي يذكره بالمحاضرة
اسألته مباشرة جدا وامتحاناته سهلة
وبالفاينال حذف لنه من الكمية
عطانه 3 ميدتيرمات واختار الاحسن
وعمره ماخذا الغياب
او حاسب عالتأخير
ولايعطيك هوم ووركات
يعني لاتطوووفون هالدكتوور
وبنهاية الكورس انا خذيت +b
ورفعني لمن -a
لحد إفكر ولو دقيقة وحدة ان اسجل عندة حدة مو شي :
اولا :
——-
شرحة موزود في احسن منة.
ثانيا :
——-
ممكن اكون اول مدتيرم امشي الحال بس ثاني مدتير صعب و الفاينل طبعا شي خيالي ما ينحل .
ثالثا :
——
مزاجي و منافق و عادي يستانس على طالب و يمدحة ويخفس بقريدة آخر الكورس مامنة أمان.
رابعا :
——-
ما عندة اسلوب بالتعامل مع الطالب عادي اهزء الطالب و كرة بعمرة ما عندة مشكلة .
خامسا :
———–
اصلح الامتحانات على كيفة الطالب اللي احبة اطوفلة اشياء وايد و الطالب اللي مايحبة احطلة اشياء وايد غلط و ان تحجة وقال ليش قالة ما جاوبت الاجابة اللي ابالي ولي آنة ابيها .
سادسا :
————
مافي شي اسمه ظروف عند اي طالب لان بختصار طالب و لو اتموت مايعذرك .
سابعا :
———-
شي طبيعي اذا قالك انت نوعك ما اتحضر و انت اتحضر كل يوم و تقعد باول كرسي. شي طبيعي اذا كنت كل محاضرة تسال و ييك آخر الكورس وقولك ما اتشارك و تتفاعل وايد بالكلاس. شي طبيعي بعد اذا قريدك ما كان زين في مدتيرم بدال لا احاول اناقش معاك اخطائك و يسمع منك تلقاه اهزئك وقولك انت ما تدرس ولا تفتح الكتاب و اذا قتلة من قالك اقول اسكت انت كذاب عادي لا تنصدموون من كثر ماهو اي شي و ما عندة اسلووب خير شر .
ثامنا:
——–
يكرفك كرف اليهد و لا اعجبة العجب و لا افهمك بالضبط شنو يبيك اتسويله كل ساعه اغير كلمتة وفوق هذا ما يراعيك بالدرجات .
تاسعا :
———–
ماعندة شي بحياتة اسمه كيرف لا حق طالب ولا حق اكلاس كامل حتى لو سقطو طلبت الكلاس كلهم وسبة اختباراتة التعجيزية تلقاه اقولك مايهمني انتو ما تدرسون .
عاشرا :
———
حكمتة بالحياة المساوات بالظلم عدل.
الحادي عشر:
—————-
نصيحة اللي مو نوعة انافق الدكاترة 24 ساعه و يتلزق فيهم لا ياخذ عند هالدكتوور حتى لو خلصو الدكاترة اللي بالجامعه خل ينتحر احسلة حتى النفاق ما ضنتي ينفع عنده بس حاولو ما تدروون هالحجي للمنافقين و الي يتقنون فن التمصلح اما الباجي فالله يكون بعونهم مثل حلاتي .