نيو هورايزن شلونه ؟ وصج الخريجات منه لهم فرص عمل زينه ؟

السلام عليكم بنات .. الموضوع باين من عنوانه .. بنت اختي تبي تهد الدراسه وتدخل نيو هورايزن ؟؟!!!
قولولنا اللي تعرف :شلون المعهد وشنو درجة شهادته ؟؟ وبعد فرص العمل للخريجات زينه وللا لأ ؟؟
مـــشــكووريييين .

شهادته زينه
وتوظف
حتى اهم نفسهم يوظفون اذا تبي البنت
بس مافيه بديل للدراسه
انا خذيت تسع شهور
دورة هندسة شبكات
بس كشهادة جانبية
اذا بنت اختج مومال دراسه وبس تبي تتوظف اوك
بس اذا اهي عندها طموح حرام
لأنها تظل وسيله لوظيفة بس مومركز علمي راقي

هاااااااي بنات انا خريجة نيوهورايزن تسويق وعلاقات عامه والاوله على الدفعه لا وظيفه ولا ما يحزنون ابتدفعين 1200 ولا اكثر على 9 شهور

دشي جامعة بوكسل ودفعي 2400 وتشتغلين ومعاشج اقل شي 800 واذا انتي مجامله تخلصينها ابسنه ونص

لا تدشين نيوهورايزن نصيحه واي شي دزي على الخاص

اللمطيريه شلونج حبيبتي

بنات حبيباتي والله مشكورين عالرد .. المشكله آنا وامها عيزززنا منها مو حاطه أبدا فكرها بالدراسه ..
ومادري شلون يابت فكرة هالمعهد !!
تبي تطلع من الدراسه وماعندها طموح تكمل !!
حتى سمعت عن مدرسة طليطله بالقرين يقولون المسائي سهل ويمشون ويغششوون .. بس ماتبي كلش

هلا بعد عمري
تمام آنا
انتي شلونج حبوبة

بعدين في شغله نسيت اقولها ترى نيوهورايزن مو سهله ترى والله صعبه حييل واصعب من التجاري بعد انا متخرجه منهم لثنين

دشي بكسهل ولا سيمز وخلصي هالدبلوم وفتكي سنتين وتطير فكري بالمستقبل شوي بعد 3 سنين انتي وين مكانج بالاعراب!! معاشج 500 ولا 900 هذا شي انتي تحددينه ولا تفكرين حتى 900 تسوي شي كل شي غالي وحاله حاله سألي البنات وشوفي ردودهم

انا زينه اسلم عليج جتى لمطيريه قالت ماخذه شهادتهم كشهاده جانبيه

يعني مو الشهاده اللي سانده ظهرها فيها بس شهاده تقوي الباك قراوند مالها يعرفون ان عندها خبره