بخصوص المعدل المكافئ و اختبار القدرات شوفوا مشكلتي :(

السلام عليكم ورحمة الله وبركاته ..

مراااحب بنوتات

بقولكم مشكلتي من البداية …

قدمت اوراقي للجامعة ( انا متخرجة علمي بنسبة 87 % ) والحمدلله قبلوني ..

وبسبب ظروف مريت فيها سحبت الكــورس..

المهم يوم قدمت اوراقي للجامعة بصالة القبول والتسجيل .. للأسف خذوا آخر نتيجة من اختبار القدرات مع اني مقدمة مرتين بس كلهم راسبة فيهم .. لكن الاختبار الاول كانت نتيجته أفضل من الثاني .. بس ما خذوا الا الاخير ..

وأخاف تتكرر لي هالمشكلة مرة ثانية لما اقدم كورس ثاني ..

انا ماركزت لما عطاني نتائج اختبار القدرات ما شيكت على النتيجة …

هل اهم ياخذون آخر نتيجة ؟؟

حتى بالنت ( موقع القدرات ) ما يطلع واي الا آخر نتيجة ..؟؟
شسووووووووووووي

…………..

المهم الطلب فديتكم

نسبتي بالثانوية 87 % .. علمـــــــي ..

نتيجة القدرات :

الانجليزي : 58 %
الريضيات : 45 %
الكيمياء : 76 %

بعرف جم المعدل المكافئ ؟ (بقدم علوم ادارية ) على الكورس الثاني ان شاء الله ..
وهل ممكن يقبلوني والا ماكو امل واضف وجهي ..

ومشكووورين انكم تحملتوا هذرتي ..

والله سمحيلي ماعرف شلون احسب المعدل المكافئ
بس بقولج شغله وحده
انه امتحان القدرات او اعادة المواد بالجامعه ياخذون النتيجه الثانيه حتى لو كانت اقل من الاولى

والله يووفقج حبوبه

لا حبيبتي اهما ياخدون احلى نتيجة يبتيها مو بس الامتحان الاخير .. لانج ناجحة بس بالكيميا مو ناجحة بالانجليزي والرياضيات فلازم تقدمينهم مرة ثاانية..اما عن النسبة المكافئة فهي : 70 % من نسبة الشهادة الثانوية

15 % من نتيجة امتحان اللغة الإنجليزية

15 % من نتيجة امتحان الرياضيات

يعني تطلع نسبتج المكافئة 76 يقبلونج بالادارية ان شاء الله حتى لو مو ناجحة بالقدرات بس لازم تنجحين عشاان ما تاخدين تمهيدي…

وان شاء الله اكون فدتج..

اهم ياخذزن احسن نتيجة مو ثاني وحدة

في امتحان شهر 12 امتحني ودخلي دورات وييبي درجه عاليه وان شاء الله تنقبلين

لا لا ياخذون احسن نتيجه لج

انا صار معاي جذي

موفقه

الي اعرفه ان ياخذون احسن درجه فيهم
بس انتي قلتي سحبتي كورس بس يعني ترجعين على نفس القبول القديم الي كنتي فيه ما تقدمين من اول و يديد
اما اذا كنتي ساحبه من الجامعه بكبرها فمايصير ترجعين لان القبول لجامعه الكويت مره وحده بس