منبه حلو حق اعضاء الجسم

سلام يا ابلات بغيت منبه حلو عفية لا تخلوني
الهدف العقلي : يتعرف علا بعض اعضاء الجسم
الاجتماعي : يحافظ علا نظافة اعضائه
اخاف باجر تجي الموجهه وشكر_:

سوي شكل جسد بالبوربوينت
اذا تعرفين
وااذا ماتعرفين بالقص واللصق
او صحن ورق وشكليه انه وجه واين الوجه بالرأس وتدشين عالدرس
او بالونة وتلعبون فيها وبعدين تركبون عليها عيون وحلج وخشم بالقص واللصق
وسلامتج

شرايج تحطين حنا وتسألين الأطفال ماهذا؟؟؟

وتعجنينه قدام الأطفال وتقولين والأن ماذا أصبح!!

يقولولج حنا تسألين أطفالي ماذا نعل بالحنا أين نضعه؟؟

راح يقولون علي يدينا تسألين يد من البنت ولا الولد؟؟

كم يد لدي الأنسان؟؟ تقوليلهم نرفع يدينا فوق وتطلبين يصفقون بيديهم وتسألينهم ماذا نفعل بيدينا أيضا

وتجيبين العروسه وتحنينها قدام الأطفال وتقولين أطفال هل نترك الحنا بدون غسل؟
راح يقولولج لا يجب علينا غسله!!هنيه ندخل بالسلوكي؟؟؟

تسألين وأين نضع الحنا أيضا يقولولج علي شعرنا واين يوجد الشعر يقولولج برأسنا تخلين الاطفال يأشرون علي راسهم

ويحركونه يمين ويسار؟؟

وتسألين الأطفال وأيضا أين نضع الحنا

يقولون بالرجل النساء يزينن أرجلهن بالحنا وتخلينه يأشرون علي رجليهم وتسألينهم كم قدم لدينا

ومافائدة الرجل ؟؟للمشي عليها نلعب بها كره وهكذا

وبالنهايه تسألين الأطفال ماهي الأعضاء التي تعلمناها اليوم ؟؟؟

يقولون اليد وتخلينهم يحضرون صورة اليد وتلزقينها علي الصبوره!!
وهكذا بالنسبه للرجل والراس؟؟

وتسألينهم ومن خلق لنا هذه الأعضاء يقولون الله <<هنيه تدخلين بالديني

أفييييييييييييييييييييييييييييه والله تعبت

بس أتمني أني أكون وصلت لج المعلومه
أ

الله ونااااصه فكرت الحنا يعلنا نحنيج بعرسج قولي امين واذا معرسه نحنيج بنفاااسج

يعطيكم الف عافية

فدييييييتج لا والله تحنوني بنفاسي حبيبتي ماقصرتي

اعجبتني الفكره يسلموووووووووووووو بس شنو في هدف حركي وووينه ؟؟

هع انا طالبه بس دكتوره تبي نروح زياره ونشرح وشكلي باخذ افكااااااااااارج

الله يعطييييييييييييييييج العافيه …~

هلا فيج منتهي الرقه

تسألين عن الهدف الحركي؟؟؟
يعني تحركين الأطفال وتشركينهم كلهم ولازم تحققين الهدف بدرسج
لما تقوليلهم من يرفع يديه!!!من يصفق بيديه!!!
لما تقوليلهم كلنا ياأطفال نحرك رأسنا يمين ويسار!!!
لماتوصلين للقدم تطلبين منهم المشي للأمام والمشي للخلفّ!!!
هذا كله حركي
هذا غير المسابقات ألي راح تقدمينها
وأي أستفسار أنا حاضره

ماقصرت اختي قمة التحدي ربي يعطيها العافية

مروووووورج أسعدني الله يعطيج العافيه

حلوة فكرة الحنة يامال العافية والله

تيييييييييييييييييييييييييييينن فكره الحنه عجيبه

بس عندي سؤال بالنسبه للعبه الي بحنيها اقوم اغسلها جدام الاطفال ولا لأ

أحسن بعد علشان تعززين الهدف قدام الاطفال

وعلشات الوقت لاتروحين للحنفيه وتضيعين وقتج حطي طبق في ماي وتكونين مجهزته عندج
وتقولين أطفال شوفو أيدينها نترك الحنا علي يدينها يأطفال!!!!
يجب علينا نغسلهم والسالفه ماتاخذ وقت

أو لاتغسلينهم بس حجي قولي يجب أن تنظف أيدينها من الحنه

مشكووورة