أنا بالروضة ويا اصحابي&&&&&&&&&&

السلام عليكم ورحمة الله وبركاته…………………….

اتمنى لكم الصحه والعافيه ……….. والتقدم والنجاح…………

حبيت اطلعكم من جو الشغل وتجاوبوون على بعض الأسئلة ولا عليكم أمر.
– أحلى شي بالروضه؟
– طفل سنة اولى ,اول يوم يداوم اشلون تعاملينه؟
– تحبين التجديد بصفج حتى لو بشي قليل؟
– تملين بسرعه من الحنة والبجي ؟
– في تعاون بالأفكار بينج وبين الأبلات ؟
– اشلونج مع الأمهات؟
وسلامتكم………………

6 دشوا ولا وحده شاركت………………..

أحلى شي بالروضه؟
الطفـــــــــــــــــــــــــــــــــــــل
– طفل سنة اولى ,اول يوم يداوم اشلون تعاملينه؟
اعامله بالابتسامة والهدية البسيطة واعلمهم اساسيات الحلقة واخليهم يندمجون اهمه وامهاتهم
اعطيهم جم اسئله فيها مرح ووناسة وجوائز وستكرات وتصفيق وتشجيع ويعدي اول يوم بشكل حلو
بس الكارثة لما يبون يقبون الامهات اهني الحجي والمشكلة الكبرى
– تحبين التجديد بصفج حتى لو بشي قليل؟
التجديد دايمن احبه حتى بدروسي بس منو يقدر ياحسرة
وانا اجدد عشان نفسي وعشان اطفالي بنسبة 90 %
– تملين بسرعه من الحنة والبجي ؟
اي والله حيل بس اطفالي الحمدلله مو بجايين بس اول السنة جم نفر وينطرمون عقب ههههههههه
– في تعاون بالأفكار بينج وبين الأبلات ؟
في تعاون خفيف وفي مخامط وفي نسخ كوبي بالضبط وفي سرقات للافكار اشكرة
وفي وفي وفي كلام كتييييييييييير بس خليها بالقلب تجرح ولا تفضح :/
– اشلونج مع الأمهات؟
بعضهم يهبلون وبعضهم النقيض والمشكلة انه النقيض خلاني اخاف من الحبيبات وماقمت اثق باي احد
وسلامتكم………………
الله يسلمج ويخليج لعينن ترجيج
ماقصرتي خوش سؤالات حلوين مثلاتج والله

كاني جاوبت ترى اعصب وامسح مشاركتي

الله يخليج لعين ترجيج…………….. وتسلمين بس ها لا تقاطين.

احلى شي بالروضة ؟ اكييييييييييييد الاطفال وثنتين غالين علي
او سنه احاول اكسب الطفل واخليه يحبني لانة اذا حبني حب الروضة والتزم حتى بتعليماتي اهم شي تحتوين الطفل والباجي سهالات
التجديد بالصف ضروووري واحاول بصراحه كثر مااقدر بس احيانا ضغط الشغل يمنعني فاجدد بدروسي اكثر من صفي
بصراحه اذا زادت الحنه اكيد امل منها بس صدقيني اذا جاوبتي على تساؤلات باجابات واضحه وصريحه ومفهومه ماراح يحنون مع انه من طبيعه الاطفال الحنه بس بتقل
اتعاون مع الابلات الي يحبون يشتغلون مو اللي تقط كل الشغل عليج وبعدين تطلع بالصورة مااحب اتعاون معاه بولا شي ..
علاقتي مع الامهات مبنية على الاحترام الحمدللة واتقبل ملاحظاتهم بصدر رحب.
وبس. استاهل الصفقه.

ساروونه: اباركلج على هالمستوى ومنها للأعلى………………..

ونااااسة يعني نجحت باختبارج

يعطيج العااافية حبوبة

ساروونه لا تخلين ردي بشتاقلج.

أأأأأأأأأأوه ياالأزرق العب بالساحة…………………..
يلا لا تخلوون كتبوا…………………….

وينكم ماخلصتوا غدا…………

لووول عادي عادي حبيبتي

المفروض تكونين تعودتي ان وايد يدشون يتطمشون

ولايهمش فديتش

بنرد عليج

– أحلى شي بالروضه؟ (اليهال وانج تكونين على طبيعتج ماتتصنعين)
– طفل سنة اولى ,اول يوم يداوم اشلون تعاملينه؟ (بالاحضان حرام اهو هاد ماماته لازم نعوضه)
– تحبين التجديد بصفج حتى لو بشي قليل؟(لووول كل خبره لازم الصف يتغير والا اموت من الملل)
– تملين بسرعه من الحنة والبجي ؟(لا انا بالي طويــــــــــــــــــــل)
– في تعاون بالأفكار بينج وبين الأبلات ؟ (الحمدلله)
– اشلونج مع الأمهات؟(سمنه على عسل)

الله يجبر بخاطرج يام سعود………… ولاتقاطعين.

– أحلى شي بالروضه؟
شهر 1 – و شهر 5 و 6

– طفل سنة اولى ,اول يوم يداوم اشلون تعاملينه؟
احاول اتقرب منه باي طريق او بالهدايا و اعطيه ويه واااايد

– تحبين التجديد بصفج حتى لو بشي قليل؟
ساعات اذا شفت فيه تشجيع ..

– تملين بسرعه من الحنة والبجي ؟
اكيييد
احنا عيالنا نمل منهم
بس شنسوي نحاول نمسك اعصابنا لانهم امانه برقبتنا و مهم كانوا يهال

– في تعاون بالأفكار بينج وبين الأبلات ؟
وااايد الحمدلله … ابلاتنا متعاونين

– اشلونج مع الأمهات؟
الحمدلله
فيه امهات يهبلون و يتفهمون انج معلمه
مو خادمه … مثل بعض الامهات الله يسامحهم

Fashion Brands : تسلمين على المشاركة ………. وتكرمين …………. كله لمصلحة الكويت وحبنا لها ……… نعطي وما نخلي……… لا تخلين .