ابي اعرف طريقة تحفيظ آيه باللاصفي

السلام عليكم

شخباركم يا أبلات

أبيكم تعلموني طريقة تقديم التهذيبي ( تحفيظ آية الخبره ) في فترة اللاصفي بالتفصيل لان باجر درسي واحتمال تدخل لي الناظره

ومشكورين حبيباتي

والله ماعرف ماعمري قدمته

بس ان شاء الله البنات يفيدونج حبيبتي

مثير بسيط له علاقة بالخبرة والاية
اذا كنتي مستوى ثاني خليها عن العمل وقيمة العمل
واذا كنتي مستوى اول خليها عن الوالدين
دشي بمناقشة المثير
حطي قصة عن فضل الوالدين او فضل العمل واتقانه
القصة من خلال المجسمات او البوربوينت
ثم
المناقشة
لتعزيز المفهوم
الاستماع للاية من خلال جهاز التسجيل بصوت مقريء وتكون بصوت مرتل
ترديد الاية مع المعلمة الى نهاية الفترة

نلاحظ استعداد الاطفال باللبس يكونون لابسين لبس صلاة البنات والصبيان طواقي

افكار بسيطة اتمنى تنفعج

لاحظي اختي
لازم تربطين القصة بالاية
كمثال على مفهوم القصة
ولازم تشرحين الاية شرح مبسط

لدى الطريقة السرليمة في دليل تقديم اللاصفيات

من اصدارات مركزنا

مشكورين وايد ياقلبي ماقصرتوا