|
السلام عليكم
خواتي طلبوني البعض بالرسايل اشرح افكار لفصل الروضة
بس ماعندي صلاحية الرد لي الحين لأن مشاركاتي ماتعدت العشرين
ففكرت بموضوع عشان نستفيد كلنا مع بعض : )
راح ابدا بهالموضوع على اجزاء من الاركان ..لي طرق تنظيم الصف لي اللمسات اللي تميزج صفج عن باجي الصفوف ..
أولا : الأركان
::ركن الفنية ::
-طاولة ركن الفنية :
اشسويت فيها؟؟
شفتوا الطاولة اللي توفرها لنا التربية بالصفوف المستطيلة؟
حطيت فوقها قطعت خشب خذيتها من النجار وخليته يقصها لي على شكل
"البلته" مالت الالوان؟ لوحة الالوان عرفتوها اللي يمزج فيها الرسام الوانه؟
انا قصيتها نفس هالشكل :
طبعا من غير الحفرة اللي بالوسط
ولونها ابيض
وسويت دوائر ألوان عشان تصير جنها بلته صج
5 دوائر ملونه
بهالشكل تقريبا :
وخليت علب الالوان فوق هالدوائر
عشان يصير اسهل بالترتيب عند اليهال
حتى عيالي حفظوا وقت ترتيب الاركان يخلون كل علبة على دائرة من هالدوائر..
يعني الطاولة :شكل + فكرة + تنظيم ..
:: لوحة الانتاج ::
شسويت فيها؟؟
ماكلفتني شي
الفلين بو 5 سم مال المجسمات تعرفونه؟؟
عشان يصير تناسق بين الطاولة واللوحة مالت الانتاج
شريته هالفلين من الشويخ ترا حيل رخيص عندهم
وانا عندي قطاعة الفلين
فرسمت بشكل عشوائي
بقع لون
يعني بدال لا يكون ايطار او برواز او ..ألخ
للرسمة مالت لوحة الانتاج
خليت بقعة لون ولونتهم بألوان وايد
ولصقت على كل بقى جلاد الشهايد مادري غلاف الشهايد بو70 فلس
عشان اقدر اغير الاوراق بسهولة..
::خلفية ركن الفنية ::
خليت صبغها ابيض عادي
بس كتيت انواع صبغ
صارت جنها لوحة او جنهم صججج فعلا داشين مرسم
بس مرسم داخل الفصل
: )
هذا بالنسبة لركن الفنية
وباجي الاركان ان شاالله ياية بالطريج..
: )
سوري طولت عليكم
:: SECRETS ::
ومافي رسم مارسم على طوفت الروضة او يعني تسوين فيها فناتك مثل ترشش الألوان مالوتج…
تصدقون البلا منا احنا المدرسات احنا اللي نقط من جيبنا للتميز وبالاخير الناظره تفتر مع المراقبه وتقول لها هذا انا حاطته لهم!
شغلج مرتب مبين عليه
وماشاالله فعلاً مبين ابداعج بالديكور والافكار…
موفقه ان شاالله وننتظر باجي الاركان وياليت تكون مدعمة بالصور
نتشرط احنا
احب الديكور وفنه بس تدرين انا كل ما اسوي شي يقولون لي مايسوى تسوين اقصاها صف …احباطات …
تبين الصراحه بعد القرار بمنع الصرف صرت اسوي كل شي بفاتوره …
بس انتي اذا تقدرين تشيلين الديكور معاج اذا نقلتي لا سمح الله حلوووو .
مره شفت صف وحده بصراحه مكلفها فوق الالفين بس ماعجبني … كله خشب احس جني داشه ميداس ….
ومره سمعت انها انتقلت … والديكور بالطوفه ما تقدر تشيله …
يعني سيكرت حبوبه سوي ديكوراتج متحركه ….
كملي حبوبة وياريت بالصور ..خخخخخ نتشرط .
انا صفي الحين لونه مشمشي بس واايد حلو ومرتب واللون معطيه ديكور حلو وعلى طول اعطر صففي بريحة المشمش يعني كل محد يدش يقول جني صفج مشمش مع لونه وريحته
هههههههههههه
بس على قولتج يا لوميه ودي احط واشتري واصبغ بس يقولولي ما يستاهلون تسنعين الصف لهم صج احباط
وحتى الفاتوره ما يعترفون فيها بتقولج احنا ما جبرناج تسوين شي كيفج !!
بس للاشياء اللي اهما يطلبونها عادي فاتوره لا وبعد ما يعجبهم ..
لميس
ردج وايد اسعدني
من ذوقج والله
حااضرين بكمل للغالين : )
الحياة
وييي من صجج!!
الصف مملكتج بس برره الصف والمررات ناظرتنا ماترضى بالمرة
بس هذا صفج ودام سلموج اياه فانتي حره انج تضيفين لمساتج
بس ياامعودة الحمدالله انها جذي
فكككككتم والله : )
معلمة روضه
تسلمييين من طيبج والله
شفتي اشلوون!! اي والله احنا يايييبين الشقى حق روحنا
صاااجه البلاا منا
نقط وآآخر شي نتحلطم
المشكلة ان احنا اللي عودناهم على جذي
خاصة اللي يحب يتميز هذا بيتعب نفسه وااايد
يلا الله يعيينا بس : )
: )
:: Secrets ::
تسلمين عالرد واي ونستيني : )
أوركيد
حااضرين مشرفتنا وماطلبتي شي
وعلى فكرة حطيت صور الاركان بهالموضوع
ياريت تشوفينهم
https://www.q8yat.net/showthread.php?t=38575
وبحط ان شاالله صور ثانية بس اداوم ان شاالله
لوميه
نصيحة لااا تتحبطين اللي يحبط مايبييج تتتميزين
وبعدين التميز صح موبديكور
بس هم بطريقة تنظيمج للصف وافكارج
هي اللي راح تبهرهم اكثر
وراح انزل طريقة عمل طاولة فنية من شغل بومية ان شالله
بس بلييز لا يحبطونج بشي واثاثج تقدرين تشيلينه معاج وين ماتروحين: )
:: SECRETS ::
انا كل ركن لون طلع شي غريب عجيب
بس نصيحة اذا انتي مقتنعة بلون صفج خلااص
لأن اذا غيرتيه ماراح تتقبلينه
والصف مايصير مرقع بالعكس نسقي كل لونين يم بعض يكونون ماااشين مع بعض : )
زلابيا
داام مايدفعوون يولوون خخخخخخ
عالاقل يشيلون عنج الصبغ بسسس
والباجي يكون لج
: )
:: SECRETS ::
للي حسوا ان الركن يمكن يكلف بهالطريقة ويصير صرف ميزانية
وهم بنفس الوقت حاب يغيير ويتميز
يقدر يخلي الصف على طريقته اليديدة
ويمكن هالطريقة تعجبهم اكثر تدرون ليش؟؟
لأنهم يحبون المدرسةالاقتصادية
وخاااصة التوجيه يحبون اللي تطلع من المستهلكات ابداع
مو من وسيله من دسمان ..
فالمهم
تاخذين مجموعة الوان خشبية وياريت تكون من جملة المكتبات اللي ورا البلوكات
هذي رخيصة بتطلع لج العلبة ب50 بدال 100
وبدال لا تكون طاولته من مفرش تكون من الوان!!
اشلون!
تلبسين الطاولة تلبيس كامل جنج قاعدة تصففين علبة الوان
من ريول الطاولة لي سطحها لي حوافها
بتطلع شي غريب عجيب
وتفرشينها بنايلون اوطربال شفاف عشان تحافظين عليها
اذا اكتفيتوا من الفنية قولولي احس ذبحتكم فيه : D
: )
:: SECRETS ::
المشاركة الأصلية كتبت بواسطة معلمة روضه
ماشاء الله عليج مبدعه…لكن ليش تكلفين على روحج؟
تصدقون البلا منا احنا المدرسات احنا اللي نقط من جيبنا للتميز وبالاخير الناظره تفتر مع المراقبه وتقول لها هذا انا حاطته لهم! |
أيه والله إنج صاجه أحنا اللى جايبينه لروحنا وقلعتنا ؟؟؟؟
يلا يالغاليه اتحفينا بشغلات حلوه ورخيصه لباجى الاركان