*ابلاتنا وادارياتنا الحلوات ,, منو عندها فكره عن التحويل لاداريه**

هااااااي

شلووونكم

اتمنى اني القى الاجابه الشاااافيه عندكم

انا ابلة روضه وابي احول لاداريه ووو اسئلتي اهيا

س1: وين اروح اذا بحول اسأل المنطقه ولا الوزاره؟

س2: بإذن الله اذا تم الموضوع ينقلوني عالكورس الياي ولا انطر سنة؟؟

ويارييييت ما تنسوني وتردووون علي ماعليكم امرررررررر

الى اللقااااااء

عاد انا عكسج اداريه وودي احول رياض اطفال ليش شنو الي مو عاجبج برياض اطفال

الظاهر لازم يكون اما تحويل طبي يعني بمجلس طبي او تحويل متدني الاداء او اذا عندك واسطة قوية تقدر تحولك طبعا لازم تكتبين كتاب للمنطقة وهم يدزونة للوزارة بس يا حبيبتي التحويل صعب للي ما عندة واسطة ودخول الحمام مش زي خروجة واللة يوفقك

مرة ناظرتنا قالت ان شروط التحويل من مدرسة الى ادارية ان يكون صارلها 10 سنوات خدمة ؟؟ حتى ضحكت وقتها قلت خبلة اصبر 10 سنين عالشقا واذا قربت عالتقاعد احول ادارية دام صبرت كل هذا ماني عيزانة اكمل خخخخخخ خصوصا ان عقب كل هالسنوات ممكن اصير موجهة شي صج ماكو وظيفة خالية من التعب بس شي اهون من شي

يعني اعتقد بالاجراءات العادية مايصير الا اذا واسطة

مشكووووووورين خواتي عالردوود

أم_عبدالله_80 : صج فترة الدوام قصيره بس تعب والله وغير التوجيه والاداره اللي ما يعجبهم العجب قمة الاحباط الصراحه

الجوري : وي وي مو خوش خبر

سبحان الله^الحمدلله : اللللله 10 سنوااااااات وعلى قولتج اذا الوحده صارلها 10 سنين الا تعودت على كل شي بشغلها شكوو تحول اداريه بعد

سمعت ان الشروط انلغت من العام

والتحويل الي اداريه الحين عادي بدون شروط

راح توصل نشرة وفيها كل شي

حبيبتي

انا قبل كنت مفكرة احول ادارية

وادور واسطات الدنيا للتحويل

لان الادارة ورئيسة القسم سببت لي الأحباط وكانوا متسلطااات

من غيرت ادارتي ومدرست خف الوضع

واقتنعت ان وظيفتي رائعة لكن تعبها تعب

حاولي تغيرين روضتك بعد ما تسألين عن الادارة وروحي للادارة السنعة

في موضوع للخوات عن الادارات الزينة والسيئة

هذا هو

https://q8yat.net/showthread.php?t=7178

واستخيري قبل لا تسوين شي

سلام

هلا والله بمشرفتنا

انا الكورس اللي طاف اول ما تعينت يتنا نشره للي بتحول اداريه توقع بالموافقه يعني نفس ما قلتي مو نفس قبل مافي شروط بس لما شفت ردود البنات قلت يمكن انا فهمت غلط او غلطانه

شوق الحبيب :

انا تعيين يديد داومت شهر 4 اللي طاف وما كان في شغل تقريبا اغلب اليهال بدوا بالغياب بس الحين غير وتعب ولوعه وما توقعت كل هالتعب فوق كل هذا بدون تقدير وكله انتقادات لا وتعالي سوي مادري شنو للروضه وانشطه وخرابيط

بس مثل ما قلتي قبل لا ابدي بخطوة التحويل راح استخيرررررررررررر والله يكتب اللي فيه الخير

وعسى ان تكرهوا شيئا وهو خير لكم

والله يوفقج حبيبتي

أبلة روضه انا اتحسف على دقيقه من عمري قضيتها بالتدريس للأسف الحين فكرت بالتغيير عقب ما شاب راسي وجاني الهبوط وصرت عصبيه لأبعد الحدود وتغيرت شخصيتي 180 درجه للأسف ياليتني كنت متخذه هالخطوه من اول ماتعينت ولا ماطلت كل هالمماطله وانتي استخيري والله يقدم اللي فيه الخير وادعي لي معاج بعد الله يسهل اموري وامورج

ابلة روضه لا تستعيلين حرام

نطري شوي ,,, وفكري عدل

ترى الاداريه مو شويه بعد

الشغل وراج وراج ,

انا مره يتني حاله وكنت احوس ابي احول اداريه

لكن الحين تاقلمت وعديت هالمرحله ومشيت حالي

واذا على التوجيه والاداره والمشرفه عطيهم طاااااااااف

عنايد :

ايه حبيبتي انا بلحق على عمري لاني تعيين يديد والله ان صار فيني نفس ما صارلج كله فيني هبوووط هذا غير الاعصااب حيييييييييل حيييييييل عصبيه عشان جذي كرهت هالمهنه اللي ماوراها الا التعب والامراض وبإذن الله بستخير والله يوفقج يارررررررب وتسمعيني اخبارج الحلوة يا رب يا كريم

*ضحاوي* :

حبيبتي والله , صح كلامج الشغل ورانا ورانا بس احنا شغلنا ناخذه لي البيت ونقصص ونلزق ونسوي بهالمستهلكات ماكو ورقه ولا قوطي الا وماخذينه ومسوين منه شغله وياريت عاجب بعد!! انا اللي متعب نفسيتي اني ارد البيت اشتغل وياخذ من وقتي لا طلعات ولا وقت فراغ احس جني طالبه , على الاقل الطالبه اللي تجتهد وتتعب تييب امتياز وتتفووق مو انا يا خلااااف اشتغل وكله تجعم

وانشالله باخذ نصيحتج وهم ماراح استعيل بدرس الموضوووع عدل

ابلة روضة الله يعينج

صج مدرسات الرياض يتعبون تعب

تبين نصيحتي

انحااااااااااااااااااااااشي لووووووووووووووووووووووووول الله لايحوشك التدريس صراحه خصوصا اذا الله بلاك بناس ماتقدر حبيبتي حولي وتوكلي علي الله تري التدريس يغير من اسلوبك وشخصيتك فوق ماتتخيلين

*ضحاوي* :

ايه والله حبيبتي نكررررررف كرف مو بس تعب , الله يعييين الجميع انشالله

ام فيصل الكويتيه :

هلا حبيبتي , اي صاجه غير من اسلوبي وشخصيتي بس للأسوأ مو الأحسن , لووووووووووووووووووووول وكاني ناويه عالنحشه