|
|
ابلات ساعدوني ما أدري شنو أسوي
هالسنة عيال صفي وااااايد شيطين وكل صبيان
اللي يطق بعض واللي يسولف ويلعب وقت الحلقة
واللي تروح وتتمشى
دشوا عليي مرتين نقدي كله عن ضبط الأطفال
ومرة دشوا اركان على اللي معاي كان نفس الشي
ما أدري شنو أسوي وياااهم يننوني
زف وزفيت وتشجيع وشجعت في اثنين من طخوا الحمدلله مع التشجيع
بس الباقي أمبييييه
حتى الأهالي مو متعاونين لي قلت لها عن ولدها تقول ميخالف راعيه شوي
واللي تقول ليش تزفون …… مو اذا ما زفيته يتمادى
ساعدوني الله يخليكم
ولازم لازم تستخدمين اسلوب العقاب اتييبين هدايا او حلاو حق العجال
وتعطينهم وتحرمين الباجي او حتى نجمات او ستيكرزات
الشطار لزقي ستكرات بخانتهم
والكساله حطى ويه حزين
وحرميهم من الاركان
والشيطاطين فرقيهم عن بعض
وخلى كله عقابج بالنظرات وسكتى وخزيه خخخخخخخخخخخخ واذا انتبه قوليله انت كبير قولى انا ليش زعلانه عليك ؟
امبية ذكرتينى بالتريس
موفقه حبوبه
مشكله الشياطين انهم كل سنه عن سنه يزيدون شطانه
وللاخت اللي تقول لوحة الحوافز فهي انلغت من زمان
اقولج شغله
هديديهم بالاخصائيه انهم راح تقطعم صف البيبيات وسوي رووحج دقين عليها
وفصلي بينهم بس هذا حل مؤقت
ولا تخلينهم يشاركون وسوي روحج 
بس هالشغلات كلها مؤقته والله يعينا اجمعين
المشكله ياجماعه بالجيل
مو ياهل ولا اثنين الكل يعاني من هالمشكله
انا من اول يوم دشيت بس ازفهم
وماضحك معاهم وادقر فيهم لين خلاص صارو يخافون من خزتي يسوون لي هيبه
والحين الحمدلله مرتاحه وياهم افهمو علي عدل
قمت اضحك واتغشمر واللي يطفرني من خزززه يقعد وينثبر
بس لايخلو الصف من الشياطين
والمتنحين
الله يعينج حبيبتي
اذا الأم تقول اي انا قايلتله اذا طقوق طقهم
وما ترضى على ولدها
والمشكلة بعد ان هالسنة حضور كامل أول صفي 21 طالب الحضور 15 وان كثر 17
هالسنة 21 يعني 21
صدقيني بيتعدلون وبعد لازم تكلمين الاخصائيه عن الحركيين بصفج اما سالفة الثواب والحوافز ما اعتقد تنفع مع المشاغبين لان اغلبهم ماتهمهم هالاشياء
ولازم تزفين بس مو بصراااخ لا استخدمي الحزم بأسلوب هادي
وان شاء الله يتغير صفج للاحسن
مافيها شي لما تحطينها
خلي يمج كاكاو وعلى طول كافئي لما تكونين بروحج كافئي
ودايمن افصلي
كل واحد حطي له مكان مخصص له عالزولية حتى لو تحطين اشارات
انا موزعتهم بنت ولد بنت ولد وكثر ما اشد موملحقة
هالسنة الاطفال ماكلين فيتامينات بالعطلة
انا بعد يجننون انصدمت منهم هالسنه
وكل شي سويته ضحك مافاد فيهم عصبيه مافادت فيهم
نعطي حلاو للعجال مافاد نعطي هدايا ونحط صورهم مع المميزين
ماكو فايده يطخون حزة الحزه بس ويكملون
وهمن ودينا حق الصف اللي يمنا وبجوا وعقلوا دقيقه وردوا
لا واليوم من كثر ما جننوني خذيت الستكيرات اللي عطيتهم قبل لا يروحون بيوتهم شلعتها من على التيشيرتات مالتهم كسروا خاطري
بس خل نشوف يبين فيهم باجر
اهو راح يخاف وفي طريقه حلوه للاركان سوى لك من ورق مقوى وجه ضاحك ورسمي عليه من الخلف ورجه حزين وثبتيه على عصايه مثل مالت الاعلام ومري على كل ركن واذا شفتيهم مزعجين طلعي الوجه الحزين وخليهم يشوفونه وراح يتغيرون بس من البدايه تكونين مفهمتهم الحركه وترى الصراخ مايفيد ولايجيب نتيجه واذا شفتي الصف متلعوز والكل قايم من مكانه مثلا بين الاركان واللاصفي قولي 12 يالله بسرعه 12 نرجع مكانا مع صفقه
آنا جنوني وطفروني واستعمل هالطرق وشويه تفيد لكن ذبحونا المشرفات والناظره ضبطوا عيالكم مسكوا عيالكم لا والطامه الكبرى عندي ولد قمه في الشطانه جنني يتهاوش ويتطاقق مع بنت نفسه شيطانه وكانت صاكه هوشه بينهم فرقتهم وطقيت كل واحد منهم طقه خفيفه على ايده بالاخص كفه وبسم الله الرحمن الرحيم ولما جاء باجر والا ابوه جاي يشتكي يقول الابله طقت ولدي والمشكله ان الولد ماقال لابوه ان الابله طقتني اصلا ناسي السالفه بس ولد عمه وبنت عمه اللى معانا بالصف فتنوا وقالوا الابله طقت فلااااااان تصورا جواسيس
انا بموت من الحره لان الطق مو طبعي ابدا ومايمديني طقيت الا الشكوى واصله والله غيري يعطي طراقات وتكفخ بهالمساكين ولااحد يتكلم عليهم حسبي الله ونعم الوكيل
البنات كفو ووفو ,,
الله يعينج والله شغلتج تعب ,,
موفقة حبيبتي ,,
فرق هالسنة يوم مسكت اولى يا حليلهم بس صرخه إلا الصف هدووووووء وينقص عليهم بسرعة
ههههههههههههههههههههه
الاسبوع اللي طاف ازعجوني جان اقولهم خلاص ما راح اوديكم رحلة ويسألوني ابلة وين قلتلهم رحلة لبيتنا تشوفون عيالي ومن يومها وهم ماسكينها ابلة متى نروح بيتج نلعب مع عيالج 
تدرين شلون جيبي هدية وحدة وريهم اول الدوام وقولي اللي يصير عاقل اليوم بعطيه قبل ما يروح بيتهم .. وفعلا اللي تشوفينه يستاهل او متعدل طبعه عطيه وكل مره جذي مع شوية حزم لا تعطينهم وجه وهم بينضبطون ان شالله
^
ياحلالالالالالالات ثواني يريت يعطوني ااياهم ..اانا اولى وكلللللللللللللللللللللللللللله صبيان وصوتي رااااااااااااح .. وتوني تعين يديد ((((((((((((((((((((((((((( يريتني ما تعينت واستعيلت شالله حادني بهالوهقه !!
عالاقل ثواني اعرف اتعامل معاهم هذيل جملة مفيده على بعض مايقولون ومايسمعون الكلام ولا يعبرون احد وحدي كارهه صفي