|
|
السلام عليكم
ه الموظوع بيكون مختلف في قسمكم بيكون لي ولكل وليات الامر
بسألكم الله يعطيكم العافيه انا ام لطالب برابع ابتدائي وخايفه انه يرسب للامانه مافي تأسيس وقاعده
اتعب وياه وابيه ينجح ويتميز والحمد لله الامور تمام
وشنو المفروظ علي اسويه؟
ونو نوع العلاقه اللي المفروظ تكون بيني وبين المدرسه ؟
هل اتواصل معاهم في اجتماع الامهات وشنو المفروظ علي اقوله؟
للامانه اول تجربه لي ومتوهقه .مره رحت وفت الامهات يترجون الابلات مادري والله ماكلمت ولا ابله ومايعطون وجه والله يعينهم يلحقون على منو والا منو
ياليت تنصحوني خواتي المدرسات باختصار ما المطلوب مني ؟؟.gif "Eh S(22)")
وانا اقولج روحي و سالي الابلات و خليهم يركزون علييه
ترا لاتلومين الابلات ممكن شوية منهم مهملات بس الباجين يحاولون كثر مايقدرون
بس صعبة خصوصا المناهج اليدييدة لها تايم و توقيت معين اتخلص فييه
تتعب الابلة و خصوصا اذا اولاد
انتي روحي للابلة و شرحي الموضوع للابلة بحضور الاخصائية
وطلبي من الاخصائية انها اتدير بالها عالولد نقلو مكانه اذا كان اخر الصف
وانشالله كل شي يتم باحسن مايكون و ينجح
لان كل طلبة الابتدائي جذي الحين
كلامكم صحيح انا اعرف وحدهتتكي من وليات الامر تقول ازعجونا ولدي وولدي ما صارت
وطرى علي اني ما اروح نهائيا والله لاتستغربون قلت بعيد لبعيد ماابيهم ينزعجون ويحطون عليه للامانه ها كان ظني في البدايه
يمكن لاني اول تجربه كنت اروح قبل ايام ماكان في بدايات سنوات التعليم بس ما كنت مهتمه حيل بالتواصل كثر ما كنت اهتم فيه في البيت ولا يهمني حتى التقييم كان تركيزي ع الرايايات والعربي والانجليزي والتربيه الاسلاميه وهم ظاغطه عليه في الصيف
باتقويه انا اللي اقيمه انه ممتاز بس بما انه في رابعه بديت احاتيه .
الله يعطيكم العافيه ابلاتنا
اهي سالفة ملف انجازي
يدز اليهال و ينجحهم حتى و ان كانوا ما يعرفون يمسكون القلم
يوصل رابعه فجاه اختبارات و توزيع و كتابه !!!
الله يعينج
اما انتي تمسكينه يوميا تعيدين و تزيدين و تأسسين او تحطينه عند مدرس معتبر
او نادي تأسيس و الله المستعان
خواتي المتابعات هالموضوع مو شخصي كل ولية امر تقدر تستفيد منه وتسأل المدرسات عن اي شي بخاطرها والله يعطيهم العافيه ابلاتنا و مقصرين
تحياتي
رحتي ؟؟؟
و شنو قالولج
إختي آنا أدرس رياضيات الصف الرابع. هالمرحله حيل حساسه لأنها أول مرحله يختبرون فيها التلميذ.
فيحس إنه ضايع, و الأهل اللي كانوا ما يهتمون بأول 3 سنين لأنه ملف إنجازي راح ياكلونها للأسف.
شوفي احنا كأبلات للأسف ما نقدر نسوي أكثر من اللي علينا, يعني احنا نجابل الصف الواحد 40 دقيقه باليوم و نحاول إن ما نطلعهم من الصف إلا فاهمين. بس الرك عالبيت حبيبتي, المنهج الجديد مستحيل يخلي التلميذ ينجح من غير متابعة يوميه من البيت.
أهم شي حق الرياضيات حفظيه جدول الضرب, و خليه يراجع الطريقه اللي تناسبه لإيجاد الناتج إذا نسى.
خليه يحفظ القوانين اللي خذوها ألحين حجم مساحه مسافه…..
آنا عندي 7 بنات ساقطين بصفي, ما جتني و لا وحده من أمهاتهم تسأل عنهم.
البنات بالمنطقه اللي أدرس فيها عايشين بعالم ثاني.
عندي بنت ما تعرف حتى تكتب, تشخبط على ورقة الامتحان. مأساه هالبنت.
و هذا للأسف من منتجات الإهمال و الملف الإنجازي.
الله يوفق ولدج.
وشنو المفروظ علي اسويه؟
المفروض انج تراجعين لولدج دروسه تساعدينا بعد بتدريسه
تقعدين معاه الجمعة والسبت تقوينه بالمواد الضعيفه
ونو نوع العلاقه اللي المفروظ تكون بيني وبين المدرسه ؟
دايم تسألين عن ولدج تبينين انج مهتمه فيه خايفه على دراسته
مو ضعيف بالتأسيس وحاذفته لا تسألين ولا شى انا كـ معلمة
لو شفت طفل جذي وامه ما تسأل مع احترامي لج بقول شنو
هالاهمال ..!!
هل اتواصل معاهم في اجتماع الامهات وشنو المفروظ علي اقوله؟
تسألين عن مستوى ولدج ,, ليش اهو ضعيف تشوفين امتحاناته
تكلمين المدرسات تحضرين اول بأول لاجتماعاتهم مو تاركه الحبل
ع القارب وتبينه ينجح ويتفوق ويتميز بعد !!
بس ع فكرة الابلات يفرحون اذا شافوا ولية الامر مهتمة وتسأل عن ولدها
مستحيل اكو معلمات تتضايق من هالشغلة
بس بالنسبة للمنتهج فكثلفتها مو طبيعية
الله يعييننا ويعيينكم عليهااا
ي
وروحي اجتماع الأمهات …..
وراجعي معاه اول باول … لأن لازم تأسيس ….
أسسيه ألحين وبعدين راح ترتاح ….
الله يوفقه وينجحه …..
تقبلي مروري ….. شكرا….