|
|
السلام عليكم
اليوم دشت علي الناظرة
ادري المفروض اكتب الموقف عند موضوع منال
بس حيل المساله كبيرة والغلطه غلطتي
المهم دشت الناظرة وشرحت من احسن ما يمكن
بس بعد ما أخلصت الحصه علقت علي ورقه العمل
واهي تخصص ناظرتنا اجتماعيات
عاد قالت لي ورقه عملك طويله ووايد فيها معلومات البنات مستواهم مو لهدرجه
جان اقول لها بس مو انا اللي مسويته ابله ثانيه
جان تقول لي لا والله؟ ومن هي اللي مسويته ؟
جان اقول ابله فلانه
جان تقول اشوا انج قلتي لي لان متروسه اغلاط واشوا اني ما حضرت حق هالمدرسه حصه
والا ما راح اتسامح معاها
لان المدرسه خبره
مو اهني المشكله لأني مقهوره من الناظرة كله منتقدتني
ماكو شي ايجابي قالته عني
وهم ابلات القسم جم وحده يشتكون منها وان ولا مره قالت عنهم شي ايجابي
زل لساني وقلت حق وحده من الابلات تدرون الناظرة شنو تقول عن ابله فلانه اللي مسويه ورقة عمل غلط
ان اشوا ما حضرت لها حصص للحين والا ما راح اتسامح وياها
وااااي بنات حدي كارهه نفسي اشلون تجرأت وقلت جذي
حتي المدرسات اللي قلت لهم انصدمو وقالو لا امبي مو لهدرجه ما اصدق
واااي بنات ما ادري ليش سويت جذي واشلون يتني الجراه اتحجى انا اللي شجعني المدرسات لمت تشكو منها بعد
انتي لازم اتنبهينهم
على اغلاطهم علشان الناظرة لما اتحضر يكونون على اتم الاستعداد
بس لو ساكتة عن الابلة عند الناظرة وايد احسن
مو لازم رئيسة القسم بالأساس توافق على ورقة العمل؟؟
بالنسبة للانتقاد شر لابد منه هاذي طبيعتهم و خصوصا اذا الناظرة تحب الانتقاد طبيعة فيها الله يعين
خلي نفسيتج كول و شدي حيلج
جان تقول لي لو حاضره لها هالدرس وشايفته تشرحها ما راح اسامح
فاشوا اني ما حضرت
انا رحت حق ابله ثانيه شنو قالت الناظرة
امبي حدي متضايقه شسوي
جان تقول لي لو حاضره لها هالدرس وشايفته تشرحها ما راح اسامح
فاشوا اني ما حضرت
انا رحت حق ابله ثانيه شنو قالت الناظرة
امبي حدي متضايقه شسوي
انا طحت بنفس موقفج وكتبت عنه الأسبوع اللي طاف. زلة اللسان غير المقصودة دوم نطيح فيها
الحمدلله ان الأمور يت على هالشي وام صار شي ثاني.. لا تحاتين ولا شي وماكو الا الخير. .
الناظرات قطيعة كله جذي ما يعجبهم شي ووين ووين يكون مزاجهم حلو واوكي
الي تسوينه انج تروحين دوامج باجر عاااااادي
واذا أي أبلة قالتلج عن السالفة قولي بكل بساطة
الناظرة سألتني منو مسوية ورقة العمل وقلتلها أبلة ( ++++)
وبس وفعلا هذا الي صار انتي مو قاعدة تجذبين لان الناظرة سألتج منو مسوي الورقة وخلاص..
وبعدين كويتية عادي لاتكبرينها ترا هالامور تصير وااااايد
لا تتضايقين ترا باجر خميس وويكند فرفشي. .
كلامج عادي وتراها موظفه وانتي موظفه وه>ا صج الي قالته ماتبليتي عليها
مدري ليش مسوينها رئيس دوله
ا>كري ربج وقولي اللهم اكفنيهم بما شئت انت حسبي حسبي الله ونعم الوكيل انا لله وانا اليه راجعون ولاحول ولا قوة الا بالله
سوري حرف الدال الي عليه نقطه مايطلع بلاب توبي 
بس دام الابلات كلهم يشتكون منها انشالله تكونون على قلب وكل واحد متعاون مع لثاني هذا اهم شي
والناظرة اذا ماتقول شي ايجابي عاااادي ماعليج منها يعني اذا بتنقد خلي بالج وسيع وكل شي قولي انشالله
وبعدين سوي اللي في بالج او طنشي – لاتجدالين ههه