مدرستي الحبيبة من بيتنا قريبة

صباح الخير مدرساتي العزيزات
هههه توني قاعدة من نومي لا أتقشمر قعدت الصبح الساعة 6ونصف تدرون ليش من الخرعة
الوالدة استغربت مني هالنشاط الصباحي .. واللي ماهي متعودته مني طول الربيع الصيفي .. قالت صباح الورد يادرة عسى ماشر لا تكوني مريضة .. قلت لا يمه قاعدة اسوي بروفة حق الدوام ..قالت دوامكم بكرة حطيت ايدي على قليي ونزلن دومعي وانا اشوف الأيام الربيعيه وهي ترحل امامي ناظري وانا اودعها باكية وفي قلبي حسرة وأفكر بوجه الناظره وهي تقف عند دفتر التوقيع مكشرة وبجوارها الوكيلة وهي تناظرني وتتوعدني بحصة احتياط أو مناوبة في الفرصة أو في نهاية الدوام ورئيسة القسم وهي تتوعدني بزيارة مفاجئة وآه الموجهه وهي تطرق باب المدرسة بزيارتها المستمرة ونظرت وبصرت وتحيرت ثم دعوت الله ان يجعل عامنا الدراسي هذا عام خير وبركة على الجميع وهنا اقدم وردة حب وود لكل المعلمات واضحك من كل قلبي وانا اردد قصيدة حفظتها في صغري مدرستي الحبية من بيتنا قريبة اذهب في الصباح اليها في انشراحي واحمل دفتري هههه واحضن كتابي آه بطني من الحين يعورني اضحك معاكم بس صراحة تدرون من راح يستنانس شغالتنا تبي الفكه مني علشان تعيش ربيعها وتمتع بلحظات عملها وهي تشخر في غرفتها بدون حسيب ورقيب .. وتستمتع وتستلذ وهي تشاهدني اذهب مبكرا لعملي واعودة لمنزلي تعبانه وانشغل في تحضير الدروس ومتابعة طلبات الناظرة وتأخذ راحتها و…انا بعد ما أقدر اتابعها يعني الله يعين الوالدة .. اليوم تقولي يمه الخدامه ليما الحين نايمة ما قعدت .. قلت لها خلها تتمتع هذا اليوم يمه … بس صراحة الله يعين المعلمات المتزوجات واللي عندهم اطفال .. شغالاتهن راح يعيدن وراح يرجعن ياكلن اقصد بعضن من المطاعم اقصد ما راح تقدر تطبخ الغدا بيت ومسئولية وتدرون من هم أكثر سعادة في بدء العام الدراسي اصحاب المكتبات والقرطاسية ومراكز خدمة الطالب … طبعا وأصحاب المطاعم آه يا كبدي راح ارجع اطلب من المطعم القريب من مدرستنا الله يعيني أو اكل توست اميركانا البارد الله يديم النعمة آه تدرون استعدو للتدريس وللأعداد المطويات آه والبرامج الاذاعية هذا اللي ما أحبه التكليف في اعداد البرامج الاذاعية وع آه قلبي … بطني من الحين يعورني بس تدرون وناسه حركة ولعب لا تحاتون الى الأمام .. حركة حركة ههه كل عام وانتن بخير لا تنسن اعداد البروفة للدوام لا تروح عليكن يوم الاثنين نومه شكلي انا اللي راح انام هه حبيابي ما هو شعورج اتجاه هذا الموضوع ..مدرستي الحبية ..وشكرا بس رجاء ما نبي نشاط يوم الثلاثاء .. بس ودمتم سالمين .. استغفر الله وأتوب اليه ولاحول ولا قوة الا بالله العلي العظيم.

خلكم متفائلين
لا تنظرون لوظيفتكم هذي النظره بجذي راح تتعبون
الانسان الي نيظر لسفاسف الامور يتعب و يكره وظيفته
حبوها و قظوا النظر عن الشغلات الثانيه فحب الشيء يعمي و يصم عم اكبر عيوه

ياحلاتج ونستينا وضحكنا الا صج بسال متي دوامنا الاحد ولا الاثنين

انا بعد ناس يقولون الاحد وناس يقولون الاثنين

الدوام يوم الاثنين ٢٠١١/٩/٥

مدرستي علمتني احبها وانفعتني لووووووول

بنات بس والله بس من التحبيط اذا كرهت الوظيفه ترا منكم راح احملكم انتو الذنب ههههههههههههههههههههههههههههههه

فرااااااي هههههههههههههههههههههههههههههههههههههههه عندناا وعندج خييير

اي والله صاجه يافراي
هههههههههههههههههه
بسسكم تحبييط

اشدعوه
انتي وايد مبالغه مو لي هالدرجه
اذا هذا دوامج قعدي بالبيت احسنلج ولا عوار القلب
ما تذكرين اي شي زين بالمدرسه

مدرستي الحبيبه بس مو من بيتنا قريبه

وذهب في الصباحي – غصب علي -اليها بغير انشراحي!

بس حلوة منج – الربيع الصيفي ههههه