|
|
احبتي اوليااء الامور …
تعااالوو بقوولكم بنااتكم الي كل يوم تييبونهم للمدرسة شيسوون طوول اليوم المدرسي
انا بكلمكم عن بنات مدرستي " ثانوية بالجهراء "
طوول النهاار تركض من حماام للثاني عشاان تعدل بكلتها … وتزيد قلوسها .. وتسوولف مع رفيجتها …. ومن مرااية لمراااية …. شلنا المرااياات … ماايبقى بااب فيه جاامة الا تسنتر
جدااامه سااعة تتطمن انها احلى وحدة بالكوون … " ليش يباا ترى كلنا حريم ليش خاابة عمرك "
ونحشة من هني … ونلحقهم من حماام للثاني طول النهار … ونكتب تعهداات ونتصل في ولي الامر
واغلب الارقام وربي شاهد اني ما زليت اغلب الارقام ارقام مطاعم وبقالات " هذوول بناتكم "
والابلة تشرح والست الهاانم سرحانه في عالم ثاني ماتدري عن الحصة
والثانية الابلة تشرح عربي … وهي مسوية شاتنج على كشكول الكيمياء مع رفيجتها
والثالثة صايدين معها اى فون الي شراه لها ابوها من المنحة وما تقدر تخلييه بالبيت لازم تييبه تصور فيه الابلات
والراابعة صبيك … والخامسة ليدي … هذوول بنااتكم … وبعدها من عذر تقوولكم ابي مدرس خصووصي
لان الاخت اصلا ماكانت حاضرة بذهنها كانت حاايسة بعالمها البعيد عن المدرسة
وانت يا ولي الامر .. صرااحة معذوور … راايح جااى تودي هالبنت كل يوم للمدرسة
وتردها من المدرسة … وشايلة الكتب وحاضرة امتحان والنتيجة صفر
ولانك شاايف بنتك تدااوم عباالك القصوور من المعلمة …
ابدا القصوور مو من المعلمة بدلييل انه اغلب الطالبات متفوقات " اشمعنى المحروسة بنتك "
وللمعلومات اغلب البنات بالذات في مدرستي تاخذ حرمان من الاختبار بسبب التسرب من الحصص
يعني موجودة ومنخشة في مكان … خليك وااعي يا ولي وولية الامر لعيالكم
بداال الديوانياات والزواراات يوميا جاابل عيالك … اسال عنهم شهريا شووف غيابهم … شووف التزاامهم بحضور الحصص
تاابع المدرسة … اسال بنتك اليوم حضرتي كل حصصك ؟ … حذرها بانك ماراح تجيب لها مدرس خاص
لان الدرس ينشرحلها بالمدرسة … لو فهمتها هالشي رااح تلتزم وتخااف وتدااوم فعلا في الحصة
وبليز … اتركو تعليق فشلكم في المتابعة … وفشل ابناءكم في الالتزاام على شمااعة المعلم
ترى المعلم مو نااطر شهاادتكم … الله العالم بمجهودة ومن الله نبي التقدير احنا مداومين بعيالكم وبغير عيالكم
ولو فكرت عزيزي ولي الامر شوى رااح تلاقي انك مسؤوول امام الله عن عيالك ومتابعه هل فعلا التزمو بالدواام
ولا داجيين طوول النهاار من ممر لممر … وتاليتها يصير بيتكم محطة مدرسين خصووصيين رايححين راادين
يحشوون مخ عيالك بالمعلوومة ويستنزفوون فلوووسك بحجة انهم مدرسين فاهميين
نقطة ضوووء : عزيزي ولي الامر … دور على العلة في ابنااءك واتعب عليهم وتابعهم
ولا انت تبي نجااح بدوون تعب … يقص علييك الي يقوولك فيه
تحيااتي لك
حبيبتي هالسلوكيات موجودة بكل مدارس الكويت مو بس بمدارس الجهرا
على فكرة أنا مدرسة ثانوي بالجهراء ( يمكن أكون معاج بنفس المدرسة) وهالسلوكيات موجودة بس رجاءا بدون مبالغة
وصااجة لاتعلقووون رسووب الطالب على المعلم
انا اللي علي اشرح بالحصة و اللي تبي اي سؤال اشرحلها
بس بالبيت مو ناقص بعد ايي اشرحلهم ؟؟؟؟
وانتو تعويدكم عالمدرس الخصووصي اهوو اللي خلا البنات مايبون يداوموون ولا ينتبهوون
ولا سالفة حل الواجبات ( اعطي الطالبات واجب )
ايي اشووف كل البنات نفس الحل و نمووذجي بعد
ولا من درووس التقوية و حل الواجبات ؟؟؟؟؟؟؟؟؟؟؟؟؟؟؟؟؟؟
انه دايم يشووف ابنه او بنته مظلومين … وحتى لو مو مظلومين هو يريحة انه يطلع المعلمة غلطاانة
وبالنسبة لكلامي عن طالبات الجهرااء … ممكن يكون الوضع في كل مكان واكيد موجود
بس لاني اشتغل في الجهراء تكلمت عن مجال شغلي لاني بالتاكيد ما اقدر اتكلم عن منااطق ما اشتغلت فيها
يعني مو معقوولة اكون اشتغل في الجهراء واتكلم عن مدارس منطقة السرة " ولا انتي مو معااى "
وبالنسبة للمبالغة ابدا ما بالغت … انا تكلمت عن مدرستي والي موجود فيها طوال النهار و تعاملي مع اولياء الامور
من خلال عملي كمديرة مساعدة " حاليا تدريب " بالاضافة لعملي كمعلمة
|
المشاركة الأصلية كتبت بواسطة الأميرة جوري
 الله يرحم ايامنا نموت من الخوف ..من المعلمه والاهل اهم شيء ننجح …كل جيل وله موضته ….الله يستر من اللي يااااي
|
هههههههههههااى
ايه والله كلاامك صح … كناا من نظرة العين من اهلنا والمعلمة نخااف ونحسب حسابهم عدل
… بس على قولتك هالجيل له موضات غريبة
حيااك الله أميرتنااا
وجزاك الله خير حبيبتي
بس اغلب المدارس فيها هالمشاكل يمااااااااا شى يخرع والردا بالبيت وبالهيئه التعليميه من ادراه ومدرسات
ليش مايتصلون على اولياء الامور وليش يعطونهم اوراق استدعاء بس مايدرون ان بنات هالوقت يخوووفوووون بزع عوووب خاصه بنات المتوسطه والثانويه بتشق الورقه ولا تعطيها لولى امرها
اختى بالمتوسطه المرقاب بعبدالله المبارك ذاك ابلتهم غائبه والابله الى احتياط تقولهم مالى خلق لكم روحوا هربوا من الحصه
خووش معلمه اجيال بس شااطرين يتشكون احنا نتعب وزيدوا معاشاتنا وخلونا نعطل مبجر والطالبات بالطقاق كل شى على البيت والام والابو
بنات العاصمه أذكيه يحطولهم مدرسين ويسقطون لووووووووووووول
وغير الاهمال والكسل وكثرت الغياب
والاخت احساس ملكة بقولج المعلمة تتصل بالاهل ومايراجعونها عشان تتفاهم معاهم واذا استجابوا يقولون انتوا حاطين على بناتنا ومن هالكلام
والطق ممنوع
والدرجات ماتاثر فيهم عادى يعيدون السنة واغلب المعلمات الوافدات مع احترامى لهم ماينقصون درجات خايفين على نسبة نجاح الفصل
والادارة من كثر المشاكل الطلابية مالهم خلق يقولون لا تودون البنت للادارة
اللى اقصده مافي اى نوع من العقوبة اشلون بيلتزمون من امن العقوبة اساء الادب
والحال يلى وصفتية بكل مدارس الكويت وكل ممنوع مرغوب لازم بكل مكان حطى مراية حتى الممرات علشان تمشى وتناظر نفسها عبالها ( كيم )