معلمات متضايقة بسبب سالفه صارتلي اليوم بالمدرسة

انا توظفت شهر 4 الي طاف يعني بعدي ماصارلي سنة كاملة ومن قبل لا ادخل سلك التدريس
وانا حاطة في بالي شي واحد

ممنوع أسوي صداقات داخل المدرسة مع أي معلمة. هذا الهدف انا ماشية عليه. يعني علاقتي بكل المدرسات بحدود
اسوار المدرسة. لأن الصراحة ماحب تتطور العلاقة برا المدرسة لاني شفت وسمعت وايد سوالف وامور فعلشان جذي
قلت اصير فهيمة من أولها واعرف الغمندة

والحمدلله من شهر 4 الي طاف لحد امس وانا ماشية على هالهدف وكل شي أوكي. لكن المصيبة ان اليوم فيه أبلة وافدة كانت تتكلم وياي والا تبي تتعرف علي. واهي من قسم الرياضيات وانا عربي

الابلة هذي قريبة من عمري. ومابيني وبينها سوالف. يعني مرات اصادفها واسلم عليها ومرات لما بطلع من المدرسة اسلم عليها واسولف وياها لحد ما توصل كل وحدة لسيارتها.

عاد اليوم كانت تسولف معاي بالهدة جان تقولي:

أنا عاوزة اتعرف عليكي واصاحبك وعايزة نطلع مع بعض الاسبوع الجاي لان تعرفي ان مفيش ضغط شغل والطالبات بيغيبوا

انا رديت: ان شالله يصير خير الاسبوع الياي واعطيها ابتسامة صفرا وبس بعدها رحت سيارتي ومشيت

معلمات انا مابي اقوي علاقتي فيها، مو لأنها وافدة. مادري بنات شخصيتها وشخصيتي كلش كلش غير مافي توافق ابدا

واهي ماشالله سريعة بالكلام والله مو قاعدة افهم عليها شتقول: يعني تقول 40 كلمة ببخمس ثواني ولما تسألني مثلا اقعد افكر شنو برد عليها وفشلة كل شوي اقولها عيدي الي قلتيه حيل حيل سريعة بالكلام.

بنات شلون اعتذر منها وشلون افتك من هالسالفة بدون ما تنجرح. اهي حبوبة وطيبة بس انا ابدا مو بالعة السالفة
ومابي اتعرف على وحدة معاي بالمدرسة ويصير بينا تلفونات برا المدرسة

شسوي

وانا مابي اصاحبها مو غصب. انا بس ابيها زميلة لا أكثر..

بانتظاركم معلمات