محتاره هل القرار اللي باخذه صح ولا لأ ؟؟

السلام عليكم

بقولكم سالفتي أنا مدرسه ثانويه خريجة جامعة الكويت ( كلية التربيه) صارلي 13 سنه رشحوني حق الاختبارات للوظايف الاشرافيه ونجحت

بالاختبار التحريري ودخلت المقابله 3 مرات عالتوالي والنتيجه للأسف ما أنجح تعبت

واغلب اللي صارلهم 3 و4 سنوات اللحين صعدوا اعلى المراتب من ترقي وغيره واللي خلاني اكتب هالموضوع ،،،،

ان اليوم يتلي الموجه وعطتني ملا حظات مالها أول ولا تالي حسستني جني أول مره ادرس

منها قالتلي حسيتج اول ما دشيت عليج ارتبكتي قلت لها ما ارتبكت ولا شي انا توني اول سنه بهالمدرسه

كنت بمحافظة العاصمه وهالسنه انتقلت حق مبارك الكبير واول مره اشوفهاا وعساني بعد ما اشوفها قولوا امين

ومع هذا هم قالتلي ماشاءالله تحضيرج كامل وحلو ومرتب وانج حافظه الدرس عن غيب وشرحج وااايد حلو

وقالتلي ليش ما صرتي رئسة قسم بالله شرد عليها اذا انا بنفسي ما ادري ليش

قلتلها انا 3 مرات ادش المقابله ومما انجح انزين انا وشبيدي

والزبــــــــــــده من هالحجي ..

اني أفكر أقدم استقالتي من التدريس بكبره بس لا عت جبدي وطفح الكيل وحدي محتاااااره ما ادري فكره تودي وفكره تييي

وودي اقدم واشتغل بوزارات الدوله اي وزاره حتى لو التربيه اشتغل اداريه واهد التدريس

وبعد ما عرفتوا قصتي ابي رايكم فيهاا ترى مالي بعد الله الا انتوا

شرايكم أقدم استقالتي ولا لأ ؟؟

وجم راح يخصمون من الراتب اذا حولت اداريه ؟؟

بنات ساعدوني ترى حدي محتااااااااره وما ادري شسوي

واللي ترد علي يعل الله يوفقها ويسهل دربها وينولها كل اللي بخاطرهاا