صج اشغل المعلمين أريح من المعلمات؟ خلونا نتناقش معلمات ( + عندي جم سؤال )

الله يسلمكم من كل شر اخوي ناوي على التدريس ان شالله

ومحتار بين مرحلة الثنوية والمتوسط

يقول قلبه متعلق بالمتوسط لكن وده يجرب الثنوي

بس متخوف منه ولما قلتله شالسبب يقول عمري من عمرهم ويخاف

يمسخرونه او يستوطون حيطه ويلعبون على راسه ويتطنزون عليه

واعليا عاد اخوي ماعنده لسان وحيل هادي

وهم يقول اهو من النوع الخجول يعني عادي بعدين شوي شوي يتلحلح؟ مدرسات واللي يعافيكم ردوا علي

وغير جذي مرات لما اوريه تجارب المدرسات هني بالمنتدى يقولي بييه المدرسات الله يعينهم يقولي ترا المدرسين حدهم راحه

ماعندهم مثل خرابيط وكرف المدرسات من وسائل وتكديش، يعني مسؤلية المعلم حيييل أسهل من المعلمة انتوا شرايكم؟

اما الثاني دايما يضحك علي وانا احضر وشوف وسائل الدرس شكثر يقول من صجج؟؟؟؟ قلت ليش انتوا ما عندكم وسائل يقول لا بس قلمي والسبوره !!!! قلت ما ينقدونكم ؟>>> خايفه بس من النقد , يقول ولد امه احد يسب الحصه >>> داش هوشه الاخ

عاد دايما يقولي انتوا اصلا معطين الاداره وجه انتوا يا الحريم خوافات بس قولوا لا !!!>>> مو سهله لا

التدريس عندهم سهل سهل سهل واحنا لاعنين خيرنا

وانا اعتقد الثانوي اريح واهم

مثل راي البنات المتوسط كلهم يبون يثبتون رجولتهم ومتمردين

اما الثانويه يبون الدرجات