ثانوية طليطلة

يامدرسات خافو ربكم الي متي الطلبات وضرب بالاسعار من البنات في العلالي تسوون ملزمات ما تكلف نص وتاخذون بالدينار واو اكثر وهي ما تجي حتى 8 صفحات شنو بتكلف طباعة الورق غير 40 فلس غير البطاقة اذا ضاعت من البنت عشان تدخل الامتحان يعطونها بدل فاقد بديناريييييين الله واكبر والله ما تكلف بالجمعية بالكثير نصف دينار وبعد المقصف البنت تودي دينار يالله يكفيها من ارتفاع اسعار البطاط والبيبسي وغيره علي قولة بنتي رفيجتها ميتة جوع عندها ربع ورجعت ما شرت شي تقول ما كفاها عشان فطيرة وعصير ان شاء الله كل فلس زايد ماخوذ من الطالبات وبلغو الادارة حرااام حرااام عليهم وهم محللللين الي يوم القيامه وكيفهم هذي دعوه عليهم من ناس متضررين لانه سنه كامله تبي تروح المدرسه مع خواتها وكل يوم تنزف من مصروف البنات ما كفاهم ميزانية الوزارة والنثريات اللي ياخذونها من الجمعيات والتجار حررررام في بطونهم

كلااامج صح

بس حبيت اوضح شي مهم بالنسبه للمقصف المدرسي

قبل كان المقصف مسؤولية المدرسه وكانت الإداره تاخذ الربح من المقصف .. بس الفتره الأخيره

امسكت هالشركات المقصف فصارت تاخذ نص الربح من الإداره فقامت هالشركات تبيع بالغالي من دون علم الإداره

وهذا صار عندنا بمدرستنا .. وتدخلت المديره الله يجزاها خير .. وقامت تسوي كبسات علي هالشركات اللي مسكوا المقصف

فآنا اقووول بلغوا الإداره لاني متأكده انه ماعندهااا خبر بالموضووع .. اما بالنسبه للبطاقات فكلامج صح اختي ولازم تتعلم البنت

انها تحافظ علي بطاقتها والله يعينكم علي مصاريف المدارس .. وعسي الله يحفظكم لعيالكم وتلبون طلبات التربيه اللي ماتخلص

والله المستعان

اه ه ه

طليطله ثانويتي الساابقه

الله يعينهم البناات بصرااحه عبااله المقصف

الله يرحم الابلات الي كانوا يبيعوون لنا واحنا نساعدهم ساعاات ..

شكرا علي الرد صح كلمج هذا تاديب للطالبه عشان تحافظ علي بطاقتها بس مو ضاعف السعر 3 مرات او اكثر يعني بدل لا تاخذ نص دينار تاخذ دينار مو دينارين وبعدين في اماكن تسوي البطاقات بربع تصوري الفرق شن هالجشع وبالنسبه لاسعار المقصف ليش الناظرة داخل المدرسة الي هالدرجه مالها شغل بالمقصف

باب الشكاوي بالمنطقة مفتوح
روحي حق فاطمة الكندري واشتكي
وماراح اتقصر وياج

فااطمه الكندري أكبر ممثله بالمنطقه التعليميه << اسال مجرب

تسوي روحها مع الحق وبالواقع اهي دايما مع المديرات يعني حركاتها تمثيل x تمثيل

عشان جذيييه انا كتبت بالمنتددي لاني عارفه راح يطلعونها هي الصح واحنا الغلط طبعا علاقاتهم في بعض تحميهم

بغيت اوضح شغله..ترا المدرسات مالهم شغل بالتسعير كلللللللش

بالنسبة لاسعار الملزمه مو المدرسات اللي يسعرون الاداره اهي للي تسعر

هذا اللي اعرفه عاد مدرستكم مثل الباجي ولا غير مايندرىا