|
|
انا معلمه تعيين جديد (شهر 9 ) … نصاب المعلمه عندنا بالقسم 16 عدا رئيسة القسم 4 ومعلمه قديمه 8 حصص … اعترضت معلمه ثانيه بالقسم على التوزيع وانها بعد قديمه وتعبانه وصارت بينها وبين رئيسة القسم .. بس مع بداية دوام الطالبات غابت هالمعلمه …. نهاية الاسبوع وزعوا صفوفها علينا … وسمعت كلمه من وحده معاي بالقسم اني جديده لازم اشيل اكثر منهم … بس الحمدلله داومت وشالوا منها صف عطوه حق اللي نصابها 8 فصاروا ثنتينهم 12 ….الى قبل يومين … اتصلوا عليها وعطوها خبر ان وافقوا لها تقاعد طبي … ومشت من نص اليوم … ثاني يوم رئيسة القسم قالت لنا ندرس هالصفوف الى ان تصل البديله .. ورئيسة القسم عشان مايصير ضغط على البعض دون الاخرين عطت صف حق اللي نصابها 12 فصارت 16 … ووحده ثانيه قديمه ما غيروا حصصها ( 16 حصه ) … بقى صفين .. كل واحد من هالصفين يتقسم بينا … يعني مدرستين يدرسون صف … وثنتين يدرسون الصف الثاني … يعني 4 معلمات نصايهم صار 18 … وطلبت رئيسة القسم انا ندرسهم … المعلمه اللي تمسك معاي صف قالت انا ماراح ادرسهم .. واصلا المفروض انت تمسكين هالصف انت الجديده …. بالله عليكم شرايكم ؟ فيه قانون يقول الجديده لازم تندق ؟ وتنطحن بالشغل ؟ وبعدين يقولون ليش مانبي التدريس اذا هذا اسلوب المعلمات التربويات … فعلى الدنيا السلام …
انا كنت حيييييييل متعاونه وما احب اغيب حتى لما ضليت اسبوع صوتي رايح داومت وصوتي تعب اكثر … وداومت يوم كان عندي الم فضيع ما اقدر اوقف اشرح الدرس … لكن قسم مو متعاون جذي شنو اسوي معاهم ؟
عطوني رايكم الله يرضى عليكم …
بس شتسوين
التربية كلها طحن في طحن
راح يطيحون فيش طيحه
الله يعينج اذا هذي البدايه معاهم
قولي لهم ما اقدر و إلا بيطيحون فيج كراف
إعترضي عند الموجهة بس إنتي شنو تدرسين؟؟؟؟؟؟؟؟
لأن في مواد يقول التوجيه عادي نصابهم 18 حصة
بس سالفه 2 تدرسوون صف شلوون ؟؟
شلوون تعرفون البنات وشلوون تحطوون الدرجات والتقييم ؟؟
بس بصرااحه اهو اخف للمعلمات وما في ظلم
يعني رئيسة قسمكم حقاانيه بهالتوزيعه 
بالنسبه للماده انا ادرس علوم متوسط ونصابنا 16 حصه … غير المهارات اللي بعد اسابيع يبلشون تدريسها
ثاني شي .. المعلمه اللي تقاعدت حطت درجات الكتاب والشفوي بس باقي درجة الكتاب الثانية…
انا مشكلتي متعاطفه مع الكل … بس من القهر الايام الاخيره لما شفت القسم مو متعاون .. والشغل مو مضبوط …
قلت انا بعد لازم افكر بنفسي … خلصت اوراق مرافق الزوج بدون لا اقول لهم … واليوم بصراحه غبت … بس لا تضنون اني غبت انتقام لا … انا مداومه يومن وانا ميته من الالم وهم شايفين حالتي .. مو قادره اوقف … اشرح وانا قاعده .. بالله معلمة علوم و تجارب اسويها وانا قاعده … اليوم غبت والطبيب يقول فيج اضطراب بالقولون … هذا
غير كلام الوالده الله يخليها … تقول لي انت بتييبين الضغط لنفسج … بالله انلام اذا هذا الكلام ينقال بويهي ؟
ما في قانون يقول انج جديده لازم تشيلين اكثر من غيرج … يعني الله يسامح اللي صكروا الحضانات … انحرمنا من الراحه والنوم … ومع ذلك اداوم … وبالنهايه المعلمات هذا اسلوبهم .. وصلت معاي اني اخذت قرار اني بس تخلص بعثة زوجي ماراح ارجع التدريس ..
سامحوني بس من القهر لازم افضفض والا يرجع عوار القولون … وربي يوفق كل من ردت علي ..