|
|
الـسلامـ عليكمـ
شلونكمــ خواتي العزيزات
وشخبـاركمــ
أبلات شنوو تجهيزاتكمـ لإستقبال أولى
وتوعيتهم بـ مرض h1n1
=====================
بقولكمـ احنا شنو سوينا حق خامس ورابع
سوينا توزيعات بأكياس
فيها كمام و كيس كلينكس صغير و مطويات
بس اهما كبار بيقرون وبيهتمون بالمطويه
بس التفكير كله حول
أولى
حيل صغار ونبي طرق حلوة وأفكار عشان نوعيهم وعشان يديرون بالهم
وبنفس الوقت مايخترعون
وشنووو نوزع عليها
بلـيز أفيدونا
اجتماعنا الأربعا مع رئيسة القسم .. وتبي أفكار من المعلمات
وجزاكم الله خير مقدما
والله يحفظنا ويحفظ جميع الطلبة والطالبات من كل مكروه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مع وجود معقم عند باب الإدارة
حق أولى صعبه هالسوالف إلا إذا حق أولياء الأمور مطويات
مع وضع ستاند عند المدخل أو لوحه تعلقون عليها صور للبس الكمام وغسل الإيدين
مادري مادري أحس أولى صعبه نفهمهم هالسوالف
الله الحافظ
أولى يبيلهم شي خاص
وحيل نحاتيهم
حرام صغار ولا زم يتعلمون
أكيد الاهل موعينهم
بس لازم احنا بعد نوصلهم هالشي وعدم الإختلاط
بس شلوووون
>>>> معلمة أولى ومتوهقه
ويفيدووون أنفسهم بعد
لأن تدرون أولى صغاااار
والخوف منهم لانهم مايعرفووون طرق الوقايه
ودورنا نوعيهم
وحتى الكلينكس مال التعقيم يكوون ملون اهني الياهال رااح يحبوونه ويتعلقوون فيه لأن تجذبهم الألوان 00
انا اقول المفروض الام اتوعي اعيالهم اللي باولى ابتدائي لان الياهل يسمع من امه وبالتالي يشوف المدرسه نفس الحجي راح يلتزم بالارشادات السلامه
وماتشوفون شر
عرفهم عيالنا ماراح نوديهم واللي يصير يصير محد نافعنا بكره لاسمح الله
اختي انا معلمه تحت التدريب ميداني بس عندي افكار للصف الاول الابتدائي
اولا تعلقون صور توصيحيه مثلا طالب مريض ويطالع اصدقائه يلعبون لانه صوره يتأثر فيها الطفل
وصوره ثانيه فيها ولد نظيف مبتسم وتخلون كل معلمه تمر على الطلبه يالمعقم وتوريهم صور ه خياليها للفايرس وتقول لهم خلونا نعقم ايدنا عشان نقتل الفايرس وتكررونها لمده اسبووع راح تثبت في عقل الطفل ويتعلم النظافه
وعندي ملاحظه لاتقطوون هالاموور على اولياء الامور لان بعض الاولياء الامور مو مهتمين اوجاهلين خطوره المرض فحرام الطفل مايتعلم
تقبلي مروري
حبيت أفيدكم وأتمنى افادتي تكون رد شافي
السنة هذي سوينا اجتماع مع المديرة وعدنا كير في الأسبوع التمهيدي
بمعنى كنسلنا شوية من الألعاب الترويحية والتنافسية مو كلها وخلينا الغالب الطابع
التوعوي على الطالبات والأمهات ودخلنا القليل من التوعيه والتوجيهات مثل تلوين الكمامات
وعدها وتوزيع وجبات صحية مع عمل وهذا من قبل المعلمات المشتركات عمل مطويات يتم توزيعها
على الأمهات وطبعا لأن الحفل بيكون في الساحة كنسلنا البرجكتر …
بعد سوينا شغله اتمنى ماتخربط الجدول اليومي وهي::: قسمنا الفسحة الي ثنتين الفصول المبكرة 1-2-3
فسحتهم اول مع معلماتهم بعدين يكملون الحصة الرابعه يطلعون وقتها الفصول العليا 4-5-6
منها بنكون حدينا شوي من التزاحم على المقصف
من الجانب الصحي اقترحنا على الادارة وضع ميزانية بسيطة نقدر احنا مربيات الفصول التحكم فيها وكل وحده وشطارتها
انا راح استخدم المطهر البخاخ>>أوفر بشرح اكثر لكم 
اهم فترتين هي بعد الطابور وبعد الفسحة واي طالبة تطلب الحمام كرمكم الله بين الحصص لاننسا نذكرها بالتوجيهات
بعد الطابور راح يكون كل فصل معلق قدامه علبه المطهر >>تعرفون علبه الصالوب اللي بالحمامات احنا اقترحنا
نعلقها بكل فصل ونحط داخلها الجل المطهر >>>>>>>>>>>>أنا بحط حقت فصلي داخل جنب سويكات اللمبات
البنات عبثات وعشان ماتخلص
بعد الفسحه انا شخصيا اثناء مالبنات يدخلون الفصل بيكون معاي البخــــــاخ وامشي ارتبهم وابخ على الطاولات
على مايطلعون كتبهم والبنات يمسحون كل وحده تمسح طاولتها>>>عاد خلقه يستانسون
لاني العام كنت بالصدفه مررت بينهم كاس فيه ديتول مخفف بموية وقاموا يتهاوشون فلانه اكثر مني
فانا اللي ببـخ اسرع
اتمنى اكون افدتكم لو بالبسيط>>ترى الأفكار بصراحة من زميلاتي ومني اثناء اجتماعنا بالادارة اشكرهم
تقبلوا تحياتي
آنا أعرف عايلة كاملة أصابها المرض وراح عاااااااااادي مثل اي انفلونزا !!!!!!!
يعني في الحالتين اذا كان المرض خطير واحنا ماندري ! الذنب على الوزارة اللي قاعدة تنشر المرض ! لأن التعقيم ماراح يسوي شي !
واذا كان المرض سخيف ليش هالعبااااااااااااااالة كلها ! وتخريع البنات والناس !
والسالفة اللي تبط الجبد !!!!!! ان الوزارة مسوية مسابقة بين المدارس منو احسن مدرسة بالتوعية والتعقيم !!!!!!
مستشفى مو مدرسة !!!!!!!!!!!!!!
الحين وصلت فيكم السخافة والاستهتار انكم تسوون سالفة المرض مجال للتنافس والتسابق !!!!!!!!!!!
ليش ماتتنافسون على حل مشكلة الضعيفات في المدارس !!!! ليش ماتتنافسون على الوسائل اللي تنفع للتلميذات !!!!
والا خلاص ماعادت تهم هالأشياء !!!!!!!!!
..
اخت اميـــره شاللي مزعلج من التوعيــــه ومن خوفنا على عيالنا وعيال غيرنا ؟
واتقولين ليش ماتتنافسون على الوسائل التعليميه وحل مشكلة الضعيفات وهالامور اللي ذكرتيها هذا مو شي يديد علينا اللي يديد علينا المرض ومن واجبنا نتناقش فيه واذا انتي شايفته ووايد سهـــــــــــــــــــــااالات وسخافـــــــــــــــــــــــــــــــه واستهتــــــــــــــــــــــــار ويبط الجبـــــــــــــــــــــــد عيل ليش فيه اكثر من حاله وفاه من هالمرض وخصووصا الكويت ؟ اسمحيلي الظاهر ماخذيتي الدوره ولاسمعتي كلام الدكاتره اللي يعتبرون الكويت اكثر اصابه من هالمرض وانه الياهال اكثر تعرض بالاصابه واحنا امهات وهذا شعور جدا طبيعي سواء منا او من الوزاره
وحمدالله على سلامة العايله اللي نجت بفضل الله
وجزاكم الله خير يابلات وعساكم على القوى
.gif "Eh S(6)")