|
|
السلام عليكم يا أحلى ابلات
ها شخباركم 
شلون إستعداداتكم للطلبة ؟؟
مشتاقين للتدريس ولا لأ ؟؟
يلى نبي كل وحدة تقول شنو شعورها وإستعداداتها ؟؟
موفقين إن شاء الله تعالى
صراحة انا ميداني بس متحمسة ودي ادرس صج اني خايفة بس الله يعين اتوقع راح تصير تجربة حلوة ان شالله
بين البين
نبي ومانبي
بس
شنقول
نعقلها وبنتوكل على الله
عطلنا وتمشينا واستانسنا وصمنا وعيدنا
الحين جا وقتنا ندرس ونربي اجيالنا وربي يوفقنا ويعينا
النصاب 18 حصه …
ومن اول يوم بنشرررررح عشان نمششششششششششششي
شخبارج حبيبتي
انا مستعدة ولله الحمد وبسوي لوحة ترحيبية حق بنات صفي سادس
وبسوي وحدة ثانية حق المدخل
طبعا شارية الاغراض بس للحين ما بديت فيهم >>>>>>>>>>>>>> تو الناس يمة خليهم بعد اسبوع هههههههههههه
وان شاءالله عام دراسي سعيد وموفق للكل
الله يستر
حيالله ابلتنا
عن نفسي ويا لجنه استقبال سادس ومشتااقه لبناتي الي يحبووني اغلبهم راح ادرسهم بثامن هالسنه ان شاءالله
راح استقبلهم ونطمنهم عشان مايحسون بالخوف من المرض
والحافظ الله
ابلتنا سولفي لنا مستعده ؟ مبسووطه ؟؟ اي مرحله؟
آنا بالنسبة لي إستعديت بس متأخر شوي
أهم شي سويته هو لوحة القوانين والعقوبات
إللي قلت لكم عنها في موضوع كنت حاطته في المنتدى
عشان من أول يوم أضبطهم 
بعد جهز الصور وحطيت كل مجموعة بفايل وحطيت على كل فايل طابع وكتبت شنو داخل الفايل
مثل ((صور حيوانات .صور عن الطبيعة . صور عن العبادات ….وهكذا ))
عشان أحطهم بشكل مرتب داخل الدرج
وإذا بغيت أي صورة بسرعة ألقاها وبسرعة أردها مكانها
بس ليما مسكت القلم تصدقون مو قادرة أحضر ..جني أول مرة أمسك القلم 
يلى مو مشكلة باجر نتعود
موفقين يا أحلى أبلات
ومتحمسة نوعا ما بس تو الناس على نهاية الاسبوع هذا باذن الله اكمل التجهيزات
ودي احضر جم درس واجهز وسائله
ولاني مشرفة مرحلة فبجهز صفوفي بشكل حلو من عبارات ومفارش
والله ياربي يعينا ويأجرنا