دشوا يا رئيسات الأقسام – تفضلوا حياكم .

أحنا معلماتكم – و لا تنسون أنكم كنتوا معلمات سابقا !
نبي نكتب الأشياء اللي نحبها في رئيسة القسم و اللي نكرههاعلشان نفيد و نستفيد و أنا ببدي مريت على رئيسة قسم عسى الله يوفقها و يحفظها و يخليها لزوجها و عيالها قمة في الذوق و الأدب و حسن التعامل كانت بمثابة الأم الحنون للقسم تساعدنا و تدافع عنا و حتى لو فيه نقد بكل ذوق و أنتي تتقبلينه بعديييييييييييييييييييييييييييييييييييين قدمت نقل و رئيستنا زينه لكن في بعض المواصفاللي ما أحبها إهي : كاااارفتنا كراف يعني كل شغلها قاطته علينا على أبو أنه عندها شغل يعني شنسويلج يكفي شغلنا فشرررررررررررررررايكم ؟؟؟

يسلمووو خوش موضوع للنقاش..
انا رئيسة قسمي عسل وحيل محترمة وحبوبه ودايم تدافع عن بناتها المعلمات وماترفض لنا طلب واهي انسانه راااقيه بتعاملها
صج انها كارفتنا بس هالشي مو مزعلنا بالعكس دامها اخت وتحبنا هالكراف عسل على قلوبنا وانا لو شنو ماتطلب مني اسوي بدون تردد. كافي حرصها ومحبتها واخلاقها الحلوه .

قوة حبيبتي…

تدرين المشكله كلها وين..؟

مو بس على موضوعج …على اي موضوع بالتربيه؟؟!!

انا احنا مانعرف او نجهل…. حقوقنا وواجباتنا

كمعلمات و رئيسات اقسام و وكيلات وناظرات!!!

عشان ما تتضايقين …وتعرفين تحاججين اي احد لما ترفضين تسوين شغل مو شغلج….

لازم تعرفين واجبات كل العاملين معاج …بالمدرسة!!

بدءا من رئيسه القسم لان مبين انج تتذمرين منها …

راح اكتب لج واجباتها … عشان تكونين على بينه…

لي عودة

احب وأرضى على اللي
1 ماتغيب 2 تشتغل بصمت 3 تنجز الاعمال على حسب استطاعتها بس ما تقول لا
4 يحبونها البنات حتى لو حصتها فوضه اهم شي ماتقول لا
5 متعاونه معاي انا بالذات يارئيسة القسم 6 متفانيه اتعلمني شصير من وراي
7ادزها للاداره تجيب اي اوراق للقسم وماتقول لا 8 انشاالله 9 حاضر 10 من عيوني 11 آمري أمر
هذي تستاهل الامتياز حتى لو فنيا ما اتعرف شي مو مشكله انظبطها وانرقع لها….

رئيسة قسمي ماتخاف ربها تموووووت على اللي يمدحها قصدي ينافق لها

اللي ينافق لها يكون اسبيشل بالتقارير وتوصلهم لي السمه عند الادارة والتوجيه

حقوووووووده وقبها اسود وحسوووده

وماتشتغل ولا تسوي اجتماعات ومومخلصه بشغلها تموووووت عالحش

وعقرب رمل وتزلق وايرات بين الابلات بس ماتقدر على الابلات الكبار تمووووت من الخوف منهم

وماتدري وين الله حاطها ولا تعرف شي <<<ومبين انها صارت رئيسة قسم بالواسطه

حتى خطة منهج ماتعرف تسويها الله يعافي الابلات الخبره اهما اللي شايلين القسم

واهما اللي يسون كل شي وتالي يقولونلها

واهيا تقول اوكي هههههههههههههههه الحمد الله والشكر ماتعرف شي

مومحترمه وماكو اسلوب حتى عيالها اذا بتسولف عنهم تسبهم

او اذا تكلمهم بالتلفون تسبهم جدامنا تقول ألفاض ماتلوق على وحده تمثل رئيسة قسم

انا اقولج شنو اللي تبيه رئيسة القسم من أبلاتها

تبيهم ما يخالفون رايها حتى لو رايها غلط

وكل شي تقوله سمعا وطاعة من غير اقتناع

لاطبعا مو كل الابلات ما عندهم شخصية وراي

صج في البعض منهم امعات وبس يدورن رضاها
بس مدام انا واثقة من نفسي من شرحي وعطائي
لااااااااااااااااااازم اظل متمسكة برايي

عفوا اختي شنو هالمقاييس المقلوبة والمضروبة اللي عندج !!!!
شلون مدرسة ما تعرف ولاشي وحصتها فووووووضة تاخذ امتياز ؟؟؟
بس علشاااااانها تنافقج وتقولج شيصير من وراج يعني " جاسوسة "
لا وتعطينها امتياز عشانها تجيبلج الاوراق من الادارة معينته "مراسلة " ولا شنو ؟؟؟
لا اختي اتقي الله انتي بمنصب اكبر من جذي
لا تساوينها بالمدرسة المتمتيزة بشرحها ومادتها العلمية وسيطرتها على الصف
ياريت تعرفين اسس التقييم الصحيحة

رئيسة قسمج هذي حرام فيها هالمسمى الله يعينكم صراحه. معقوله محد اشتكاها عند التوجيه ؟؟

صح لسانج ايدج 100% للاسف هذا الواقع ،،،
تميزت بكل شيئ وبشهادة جميع زميلاتي بالقسم بس لاني صادقة وما أجامل وأقول كلمة الحق ،،،، والنتيجة ،،، تقديري آخر السنه أقل منهم (90 بس ) ومحاولة نقلي اداريا واللي حصتها فوضى وما تعرف بالمادة كلمتين تميزت وهي منصدمه !!

لا تتكلمون عنها وااااي شايله همها
حسبي الله عليها ونعم الوكيل

يارب يرد كيدها بنحرها
يارب يفكني من شرها

الحجي عنها يطول
حسافة شكلها المتدين !

انا بدري لو تنطرد من مدرستين ليش ما يشيلون عنها رئاسة القسم ؟
بدال لا يبلشونا بالعقد النفسيه ؟

لازوردي ……. انا اتكلم بلسان الحال اللي يعيشه الميدان في اغلب الاقسام وللاسف

اي اشوا انا على بالي انتي رئيسة قسم وهذي سياستج
اذا جذي بالفعل انتي صاجه هذا اللي قاعد يصير