|
|
بسم اله الرحمن الرحيم
عزيزاتي المعلمات
بصراحة كاسرين خاطري المدرسات الجدد
منكثر مايسمعونا نتحلطم ونتشكى من المدارس وبلاويها
والسؤال الحين شنو نصيحتج حق المدرسة اللي راح تتعين السنة الجاية ؟
لوسمحتوا تكلموا بكل صراحة عن السلبيات والايجابيات ومن واقع خبرتكم عشان نفيد زميلاتنا الجدد
انا اول وحدة راح ابدا
الى المدرسات الجدد تسمعون شكاوينا وبلاوينا ونادر ماتسمعون عن ميزة نذكرها
ترى مجتمع المدرسات فيه الشين والزين انا احب التدريس ودخلته عن رغبة واستمتع وانا ادرس تخيلي انج يكون لج فضل في طفل كان مايعرف يمسك القلم وبفضلج كتب وتعلم ويمكن يكون شيء مهم في المستقبل وعلاقتي مع تلميذاتي والله كانهم بناتي
وفي اولياء امور لمايشوفونج مايعرفون شلون يشكرونج
هالامور هذي حيل حلوة وتتحسسج ان تعبج ماراح هدر
التدريس بحد ذاته شي ممتع
لكن المشكلة بالقرارات اللي كل يوم تتغير وبعض الادارات مايكون فيها عدالة والشللية اللي حيل نعاني منها
فنصيحتي لكل مدرسة عملنا يبي مرونة وصدروسيييييييييييييييييييع واهم من هذا كله مراقبة الله تعالى
وشغلة مهمة بعد تذكري انج تخدمين وطنج الغالي الكويت .
ومو صج انه مهنه متعبه بالعكس اذا حبيتي شغلج بتعطين بكل ماعندج وانتي تعبانه بتستمتعين بعطاءج
والله يكون بعون الجميع
صارلي سنه وشهرين( اهم شي شهرين )
بس التدريس ممتع للغايه يمكن غيري يقول مع مرور الوقت بتملين….صح بس كل شغل بالدنيا ينمل منه موبس التدريس
انا احب مهنتي
ننتظرالمزيد من الردود
حبيبتي إنتي في هالحياة لازم يكون لج رسالة … بصمة تحطينها في حياتج تبقى مع الوقت
وبما إنج اخترتي رسالة التعليم فتأكدي إنه اختيارج من أسمى الاختيارات
وتبين توصْلين وتوَصْلين لازم يكون فيه تعب..
أكيد بتواجهين ناس غير تفكيرج غير نمطج لكن اللي عليج إنج تكيفين نفسج مع الوضع الصح والأشياء اللي تتنافى مع مبادئج تخلنها وراج وتمشين لي جدام… امشي صح وما عليج والابتسامة خليها شعارج …
أما بالنسبة للمهنة كمهنة فيها تعب مقرون بالمتعة << أقولها عن تجربة
خل نخلي التعب على صوب ونتكلم عن المتعة…<<< .gif "Eh S(1)")
لما أشوف الصبيان مسطرين الدفاتر وكاتبين تحت : أبلة فلانة يا عيوني لابسة الثوب الليموني …..إلخ ..<<< وكلها بدليات أشعر بالمتعة
لما أشوف الولد قاص ورقه على شكل قلب وملونها بأحمر وكاتب اسمي فيها أحس بالسعادة…
لما أشوف رئييسة قسمي تمر على صفي وآنا بقمة التعب وتقول يعطيج العافية … أشعر بالراحة
ومواقف وايد حلوة … بالرغم من التعب
لكن السلبيات بطبيعة الناس الي بالاقسام
والسلبيات بالادارات وتعاملهما
احسن شي عشان الوحده تسوي الي عليها بس
وانا اشرح الرياضيات والله اكون مستمتعه معاهم وخصوصا الصغار اما السلبيات من هالقرارات الخايسه مره سووا كذا وبعد شهر لا الدرجات تغيرت ومره لا ردوا على الي قبل !!! ومهما تتعبين مع عيالك بالصف مو شايفين لك جميل تبين تاخذين امتياز اكرفي عند الناظره وسوي اصدارات بالمبلغ الفلاني ووزعيه على المدارس !!! يعني في معلمات 24 ساعه برى المدرسه وحصصها ما تجيها الا اخر ربع ساعه وتاخذ امتياز بالطقاق عيال فهموا والا ما فهموا !!!!!!
ونصايحكم من ذهب،،ويعطيكم العافيه مرة ثانية،،، والمدسات الجدد اطرحوا اسئلتكم ومخاوفكم وانشاالله الابلات الحلوات يساعدونكم
وخواتنا الجدد اللي انضموا لنا في الميدان التربوي راح ناخذ بأياديهم إن شاء الله وماراح نقصر وياهم…
يا ليت كل وحده تدخل ما تبخل علينا بأي نصيحة
صحيح انا مو تعيين جديد
بس خبرتي كلها ترم واحد
يعني لازلت أحتااج نصاايح
يا ليت يتم تثبيت هالموضوع
وانشا الله يثبت الموضوع
رفعوا معنوياتنا شوي بما ان احنا تعيين يديد و ما داومنا الا اسبوعين
مشكورة " نبنوبة " على هالموضوع