|
|
السلاااااااااااام عليكم بنااااااااااااااااااااات
جبتلكم موضوع ان شاء الله يفيدكم .gif "Eh S(6)")
شرايكم كل اسبوع نختار قضيه معينه
(طبعا ضمن نطاقنا التربوي )
ونختار عضوة معينه ونتكلم بالقضيه
ونشكي همومنا ونحاول نعثر على الحلول
لا تقولون عطله ……..حتى بالعطله لازم تتذكرين انج مدرسه
صراحه لان الوقت هذا هو الوقت اللي نفضى فيه
بكرا مع زحمة المدارس ما راح تكون في مشاركه فعاله
ولا نراح ندخل النت اصلا
انا اول الناس صراحه ……لا تنسون عيالنا ومذاكرتهم
……..الخ
يلا لا تردوني يا بنات ………………فديتكم
انا بديت اليوم وراح ننهيها الجمعه الجايه …اوكي
القضيه الاولى
واضحه من العنوان
**الاعباء الادارية على المعلمة **
انا صراحه اكره هذا النوع من الاعمال
ولا احس انها تمت للمعلمة بصله
ولما اقول اعمال ادارية اقصد بالضبط
اعمال مربية الصف – الاشراف على اجنحة الصفوف – البيع بالمقصف
الاحتياط – مناوبة اخر الدوام -يوم الاشراف بالفرص وبين الحصص –
اعمال الكنترول
ادري في بعض اشياء ما تعتبر اداريه
بس انا قصدي اشياء مالها علاقه بالتدريس
يعني ليش المعلمة ما تدرس حصتها وتحط درجاتها واذاعتها المدرسيه
وبس
راح يكون التدريس فاعليته اكثر
هذه اشياء مادرسناها بالجامعات والكليات
احنا تعلمنا طرق تدريس ومناهج
والحل من وجهة نظري ….وان كان بعيد التطبيق
ليش ما يوظفون بالمدارس موظفات يشيلون هذه الاعباء
يكونون للاحتياط والاشراف والبيع بالمقصف
اللي يحملون شهادات مو عاليه رابعه ثانوي او اقل
احسن من قعدتهم بالبيوت وناطرين الديوان
والمدارس مكان حلو ومرغوب من قبل النساء
وشكرا ………….
الحين اللي بترد تحط في بالها السؤالين ….
1- ما رأيك بالاعباء الاداريه على المدرسه ؟
2- ما الحل من وجهة نظرك ؟
ننتظر المشاركه الفعاله
ونرجو التثبيت للفائدة
1- ما رأيك بالاعباء الاداريه على المدرسه ؟
بصراحه فوق طاقتنا و هاذا سوينا الشي هذا هم مو عاجبهم
2- ما الحل من وجهة نظرك ؟
نفس ما قلتي يعينون موظفات حق هالامور
1- ما رأيك بالاعباء الاداريه على المدرسه ؟
الاعباء الاداريه من كثرها خلت الوحده مالها نفس تعطي بالحصه
و من كثر انشغال المعلمه بهالامور واحساسها بضغوط من هذي الاعباء ,, ابتعدت عن التفكير بالابداع والتمييز
باختصار : الاعباء الاداريه اثرت تاثير سلبي على عطاء المعلمه
2- ما الحل من وجهة نظرك ؟
نفس رايج : ليش ما يوظفون بالمدارس موظفات يشيلون هذه الاعباء
او
يكون بايد الاداره
توزيع هالامور حسب النصاب
الاحتياط يكون للمكثرين من الغياب
والحمدلله انهم فكروا ( بمساعد معلم ) بس للحين ماشفنا شي
وينهم هذيله اللي مسماهم مساعد معلم ,,,, ياما تحجوا انه راح يجوونا ناس تساعدنا بس للحين ماشفنا اي فرد فيهم ولااااا سمعنا عن مدرسة جابولهم مساعدي المعلم
ومشكوورة حبووووبه على هالموضوع الطيب
ويقولون ليش مالنا خلق نعطي بالحصه من هالسوالف كنترول واشراف واشراف جناح
الحل مثل ما قلتوا يخلون في موظفات لهالامور بدل ما الناس قاعدين في بيتهم ناطرين ديوان الخدمه
المفروض المدرسه تتفرغ للتدريس والتصحيح عشان تقدر تؤدي المهنه وتعطي كل طاقتها 100% يعني احنا بشر مو الات نسوي مليون شغله
الله كريم
<====== وحده مغثوثه من الصندوق المالي مع العلم ان الصندوق المالي شغل امينه المخزن ( والله المستعان )
بصراحه فوق نصابنا العالي قعد نكرف زيادة ليدرجه مو قادرين نعطي للطلبه بقوة والاداريات مرتاحين مع انه شغلهم مو واجد بس يتعبون بداية السنه.
اما الحل,,,فهو تقسيم الشغل بما يرضي الله يعني الشغل الاداري للاداريات(يعني مثلا احنا مومن واجبنا نجيس الكتب للطلبه هذا واجب امينات المكتبه)
|
المشاركة الأصلية كتبت بواسطة صباح الليل
 اولا بصراحه الاعباء الاداريه من واجب الاداريات من سكرتاريه الى شؤون طلبه
بصراحه فوق نصابنا العالي قعد نكرف زيادة ليدرجه مو قادرين نعطي للطلبه بقوة والاداريات مرتاحين مع انه شغلهم مو واجد بس يتعبون بداية السنه. اما الحل,,,فهو تقسيم الشغل بما يرضي الله يعني الشغل الاداري للاداريات(يعني مثلا احنا مومن واجبنا نجيس الكتب للطلبه هذا واجب امينات المكتبه) |
صح لسانج
على التفاعل والمشاركه
ابله غزاله …..
انا مثلج عندنا وحده من سوريا نفس الكلام
تقول انا ادرس واعطي درجات انقلها للادراه وبس
وغيره ماعمرنا سوينا شئ
يا بختكم
اتمنى تكملة التفاعل يا بنات ويا مدرسات حياااااكم
هلا ريوووووم ..
خوووش فكـره .. بصراحه روووعه ..
وهذا مو غريب عليج يا عسل 
– ما رأيك بالاعباء الاداريه على المدرسه ؟
بصراحـه أساسا الاعبـاء هذه لا تمـت بـ مهنـه وأساسيـات المعلمـه ..
وثانيـا .. تلعـب دوور كبيـر .. في ضـعف الحمـاس .. وقله ابداع المعلمـه في الحصـه ..
وثالثـا .. وقت المعلمـه أساسا .. مزدحم .. من حصص .. وتصحيح .. وتماريـن وغيرهـا ..
وهذه الاعباء قاعد تاخذ من وقتـهـا بلا فايده لها كـ معلمـه ..
( موقف صارلي من سالفه الاحتياطات ..
مرة عطوني احتياط الحصه اللأولى .. ورحت .. وعقب تقريبا ثلث ساعه يت ابلتهم ..كانت متأخره
فـ قالت أبي الحصه .. المهم توني رديت قسمي ..
جان تييني منفذه الخدمـه تقولي احتياطج تحول للحصه السابعه .. طبعا عصبت .. وقلت توني ماخذه تقريبا نص حصه احتياط ..
أرد اخذ احتياط .. وغير حصصي الثنتيـن .. نزلت الوكيله وكلمتها .. قالت اي خلاص يت ابلتهم يعني ما كملتي الحصه ..
وصارت مناقشه حاده .. وكان عندي اساسي الحصه الثانيه ..
والله يا بنات رحت لحصتي وقعدت أصارخ على الصبيان وأعصب عليهم .. مع انهم مالهم سبب ..
وكل مرة أدخل عليهم مبتسمه .. هالمره صج أثرت فيني .. بس الحمدلله عقب تقريبا عشر دقايق .. استوعبت وقعدت أشحك واتغشمر معاهـم ..
يعني صج يأثر بالنفسيـه .. وبطريقه كلامج .. وانفعالاتج وبكل شي بصراحه )
2- ما الحل من وجهة نظرك ؟
الحـل ..
بصراحـه محاولـه تخفيف العـبء على معلـمـه المواد الأساسيـه ..
لانها برووحهـا تصحيح .. وتمارين .. وحصص مسانده ..
وانا أقووول تخفيف .. وليـس ابعـاد ..
عشـان ما يزعلووون أبلات المواد الغير أساسيـه
اشراك الطاقـم الاداري ..
في مناوبات الفرص … واشراف الفصووول ..
وسلامتج ..
عشان المدرسة تفضى تبي حصص اضافة بتقوي طلبتها تبي اتريق نفس الاوادم كلة مافي وقت
صراحة احنا بمدرستنا السكرتارية حتى كتاب رسمي ما يعرفون وحتى الطباعة تقعد اليوم كله تطبع اورقة وحدة فمنو يطبع وحدة شاطرة بالطباعة من المدرسات اهي تطبع ما شي بدام ما يعرفون شي خليهم يمسكون الاشراف الاداري و تبيع بالمقصف بدال ما اهمه قاعدين
بس إللي متعبنا فيه الأعمال الإدارية إللي مو من صميم عملنا
والله ليما أدش الحصة أكون مستانسة وليما أطلع من الحصة مستانسة أحب التدريس
بس ليما إيي دفتر الإحتياط يضيق خلقي ودي أسوي شغلي بس مو قادرة لازم أروح للإحتياط
وفجأة روحي عندج مناوبة …ياربي أبي أسمع للبنات بالفرصة ..يضيعون وقتج وياخذون طاقتج بشي مو مفيد
وإذا إعترضتي قالو ((بند التعاون )) لاعت جبدنا ..الله المستعان
الحل
يكون في موظفات متخخصصين لهذي الأعمال عشان نرتاح وطبعا هذي بعيدة عن أرض الواقع
أو يوزعونه على القسم الإداري
مشكورة على الموضوع الرااااائع
وعلى الفكرة المبدعة
وناطرين القضية الثانية
والحل تعيين موظفات باسم مساعد مدرس وياخذون مثل معاش السكرتارية
بس تعالى اخاف يسووونهااا ويلغووون الكاااادر للمعلم خووو مايسوووون شي بلاش انا عن نفسي ماتفرق بس نرتاااح لكن اللي معتمده عليه الله يعينها
وكل كلامكم على عيني وعلى راسي
بسياليت احد يسمع لمطالبنا هذه
واذا على الكادر مابيه
ابي ادرس حصصي وبس
غيرة مااسويه
والله ياجماعه حاسدينا على وظيفتنا
مايدرون اتعب اللي نسويه
وغيرنا بس على المكاتب يتفرفر ويتضحك وهاك يا شاي يا قهوة
انا مااقصد سكرتاريه او اداريات المدرسه
انا اقصد الوظايف الثانيه اللي بالوزارات والشركات
وغير جذي اذا تكلمنا ……..والله يا جماعه يقولون
عادي معاشاتكم تبرد على تعبكم
…………..شدعوه ناخذ مليون احنا ولا شنو
غيرنا الله موفقه بنفس شهاداتنا ومراكز ومعاشات اعلى
الله يعين ويخففون من هالسوالف
المشكله ان الناظره هي اللي بتحط التقرير كله
مثل ماسمعنا
والناظرة تهمها الامور الاداريه حييييييييييييييييييل
اللي تطلع برا بالساحه وتشرف واللي توقف مع الجهال ليما يروحون
واللي كله تفرفر بالاداره ………..اكيد عرفتوا قصدي
اذا احنا اصلا ماانحب الامور الاداريه بس هي تقريبا اساس تقييمنا
الله يعيننا