|
|
السلام عليكم ورحمة الله وبركانه
تعتبر مادة الرياضيات من أهم المواد العلمية الأساسيةونظراً لهذه الـأهمية القصوى وما تم من تغيير في مناهج الصف الأول والثاني والثالث دون الأخذ برأي أهل الميدان، ارجو من مدرسات الرياضيات المرحلة الإبتدائية أن تسطر لنا :
1_ رأيها في المناهج الجديدة
2_ سلبيات المناهج
3_ أكثر المواضيع صعوبة على الطالب
4_ إذا فيه أي ايجابية تذكر في المنهج الجديد
وشكرا لكم مقدماً
والسلبيات لا تعد ولا تحصى في التخبط في المنهج
بالنسبة لسنة اولى مستوى الكتاب اكبر من عقول الطلبه !!!!!! كلة الغاز وتفكير المفروض هالمنهج يصير لخامس او رابع لناس كبار مو اولى !!!!!!!
اول طبعا ندرس المنهج بعدها ندرس الطلبه !!
ثانيا في دروس نفس ما قالت اختي فوق مستوى تفكير الطالب في الصف الاول مثل الالغاز او احذف المعلومه الي ما تبيها !!!! الطالب ما يعرف يقرا لغه عربيه شلون يبي يحذف المعلومه !!!!!!
ثالثا في المنهج القديم كانوا حاطين كذا حصه للجمل المفتوحه تتضمن الجمع وبعدين يذكرون علاقه الجمع بالطرح عن طريق هذي الجمل !!1
المنهج الحين ماشاء الله يحسبون عيالنا عباقره جايين من البيت عارفينها !!!! لان في موضوع علاقه الجمع بالطرح على طول وحاطين لهم جمل مفتوحه للجمع وهم ما خذوها !!!
رابعا العد بالاثنينات والخمسات التلميذ توه ما خذ الاعداد وترتيبها على طول نخربطهم ونعطيهم العد بالاثنينات !!!!
خامسا تعالي اضحكي على درس الرزنامه !! طفل يعطونه الشهور الهجريه بحصه وعلى طول الحصه الي وراها الشهور الميلاديه ولازم يحفظها بالترتيب خلوهم يعرفون ينطقون يوليو عدل وبعدين يحفظون توهم اطفال !!
الي طاف بالنسبه لمنهج اولى اما ثالثه يبيلنا موضوع كامل والله الابلات قبل يشرحون يتناقشون ويدرسون بعض !!!! من صعوبته
وياويلك تقولين المنهج مو حلو او صعب يقولون ليش ما تعرفين تشرحين !!! وكل شوي مسوين استبيان عن المنهج الجديد ما ادري ليش يعني يبي يغيرونه مثلا !!!
والي فاقع مرارتي تدش رئيسة القسم تتفلسف عليك هذا لا وهذا غلط ليش ؟؟؟؟حالك حالنا حتى الورش ما تحضرها ترسلنا نحضر الورش بدالها
وبمناسبه المناهج الجديده ابشركو ادور الحين واسطه بنتقل عن التدريس ووزاره التربيه بكبرها لان صار فيني احباط مو طبيعي