|
|
من هي الفئة الأكثر تسربا
تسرب المعلمين من وزارة التربية..
أم تسرب الطلبة من اكمال الدراسة في مدارس وزارة التربية؟
ولمــــــــــــاذا؟
لكن الطلبة يتسربون وين يروحون؟ مدارس خاصة؟؟ مو كل الأسر عندها إمكانية تدخل عيالها مدارس خاصة كافي عليهم مصاريف الدروس الخصوصية!!
بالتالي تسرب المعلمين و المعالمات وارد .. و عليه اقبال شديد هالأيام
أما تسرب الطلبة نادر و لا يذكر!! ما عندي إحصائيات و لا أدلة رسمية على هالشي .. لكن حسبيها بالمنطق و العقل!!
|
المشاركة الأصلية كتبت بواسطة local
 المقصود بتسرب الطلبة.. انه اذا 100 طالب وطالبة دخلو اولى ابتدائي.. كم واحد منهم يخلص رابعة ثانوي
|
حبوبة هذي لازم إحصائيات من الوزارة .. إذا عندج دراسة ميدانية روحي عندهم و إن شاء الله يفيدونج 
ليش المعلمين يتسربون .. وليش الطلبة يتسربون ؟
علشان نعرف المشكلة وينها ؟؟ وليش تصير؟؟
اما عن الطلبة والله ماعندي فكرة !!!
والأسباب كثيرة منها
الضغوط سواء من ادراة او توجيه او رئيس قسم الي تمارس على المدرسين
بعض التخصصات يعشش المدرس بمكانه ماله مخرج مثل الرياض على ما تترقى المدرسة وتصير مشرفة يبيلها 13 سنة للترشيح بس ويمكن تصير ويمكن تتقاعد وهي ليلحين مدرسة تكرف
مافيه اي تشجيع او حوافز للمعلمين سواء مادية او معنوية حتى يبدع بمجاله بدل انه يقدم دروسه من باب تأدية الواجب لا أكثر
الاستغلال المادي للمدرسين من قبل الإدارات بالأنشطة والدروس النموذجية والوسائل التعليمية وورش العمل .. فممكن يشوف نفسه المدرس يقط نص معاشه على المدرسة
هذول اللي ببالي الحين
اكيد هالأشياء والضغوط اللي قاعدة تزيد على المدرسة بدون ما تشوف مردود لتعبها
يخليها تتسرب من وزارة التربية
اما الطلبة التسرب اقل بواااايد
اللي صاير عند اللي يتسربون ان مو لاقين اهل يشدون عليهم ويعلمونهم اهمية هالشهادة اللي هاليومين الواحد حتى مع شهادة مو محصل وظيفة شلون عيل بدونها؟
او لظروف اسرية وتشتت اسري او تحمله مسئوليات ثانية تخليه شوي شوي يترك الدراسة
لكن العموم ان التسرب اقل عند الطلبة وهذا اللي اشوفه ورأيي الشخصي فقط